Esɑi 47:2 - Bibeli Gusunɔn Gari

² Kɑɑ nɛɛ biɑ suɑ kpɑ ɑ som nɑm nɡe yoo. Kɑɑ wunɛn sɔnditiɑ wunɑ, kpɑ ɑ wunɛn bekuru kpɑɑsinɑ ɑ wunɛn tɑɑnu sɔ̃ɔsi kpɑ ɑ dɑɑnu tɔburɑ.

Esɑi 47:2 ပူးပေါင်းရင်းမြစ်များ

Torubu 24:65

u yoo wi bikiɑ u nɛɛ, durɔ wɑrɑ u sisi yɑkɑsun di u kɑ sun yinnɑ mini. Yoo wi, u nɛɛ, nɛn yinniwɑ. Yerɑ Rebekɑ u sɔnditiɑ suɑ u tii wukiri nɡe mɛ ben komɑru.

Bɑndun Gɑri I 19:4

Yerɑ Hɑnuni u Dɑfidin sɔmɔ be mwɑ u ben tobɑ kɔnɑ mɑ u ben yɑbenu kɑrɑnɑ sɑɑ suunun di sere tɑɑnɔ. Mɑ u bu yɔ̃su bɑ doonɑ.

Yoobu 31:10

Gusunɔ u de nɛn kurɔ u durɔ ɡoo doo kuɑ, kpɑ ɡɑbu bu kɑ nùn kpunɑ.

Yɑribu 11:5

Bii yerumɑbɑ kpuro bɑ koo ɡbi, sɑɑ wunɛn bii yerumɑn di, wi u koo wunɛn sinɑ ɡɔnɑ tubi di sere kɑ yoo tɔn kurɔn bii tɔn durɔ ɡbiikoowɔ. Yɑɑ sɑbenun bii ɡbiikii dwɑnu nu koo mɑɑ ɡbi.

Wɑɑsu kowo 12:4

Wunɛn wɑ̃ɑru tɑ ko n sɑ̃ɑwɑ nɡe ɡɑmbo ye yɑ kɛnuɑ ǹ kun mɛ nɡe nɛɛru tèn wɔkinu dwiiyɑ ǹ kun mɛ nɡe ɡunɔbu ɡe ɡɑ swĩi mɑri ǹ kun mɛ nɡe womu ɡe bɑ mɑri.

Esɑi 20:4

Asirin sinɑ boko u koo Eɡibitiɡibu kɑ Etiopiɡibun ɑluwɑɑsibɑ kɑ ben durɔ tɔkɔnu yoru mwɛɛri kpɑ bu yɔ̃rɑ bɑsi bɑ n sĩimɔ kɑ nɑɑ dirisu, kpɑ yu ko seku bɑkɑru Eɡibitiɔ.

Esɑi 3:17

Yen sɔ̃nɑ kon de bu ko wii kpɑrɑnuɡibu, kpɑ n bu terenu yɔ̃su.

Esɑi 3:23

kɑ diɡibɑ, kɑ yɑ̃ɑ ni nu ǹ sinum mɔ, kɑ yɑsi, kɑ sere sɔnditii.

Esɑi 32:11

I de i nɑndɑ bɛɛ be i ǹ bwisikunu mɔ bɛɛn wɑ̃ɑru sɔɔ. Bɛɛ ɡɑru koo sɑribɑ i diirio. I bɛɛn yɑ̃nu potirio i yɔ̃rɑ bɑsi, kpɑ i kĩɑsu dewe nuku sɑnkirɑnun sɔ̃.

Yeremi 13:22

Kɑɑ tii bikiɑ ɡɔ̃ruɔ ɑ nɛɛ, mbɑn sɔ̃nɑ yeni yɑ nun deemɑ. Wunɛn torɑ dɑbinun sɔ̃nɑ bɑ wunɛn bekuru potɑ kɑ dɑm bɑ nun sekuru doke.

Yeremi 13:26

Kon wunɛn bekuru ɡbɑbiɑ kpɑ bu wunɛn tereru wɑ.

Yeremi 25:10

Bɑ ǹ mɑɑ tɔ̃ɔ bɑkɑnun womusu nɔɔmɔ mi, kɑ sere kurɔ kpɑɑnun womusu. Mɛyɑ bɑ ǹ mɑɑ nɑmbun wɔkinu nɔɔmɔ. Bɑ ǹ mɑɑ fitilɑnu wɑsi mi.

Yeremi 27:7

Bwesenu kpuro nu koo wi kɑ win bibu, kɑ win debuminu sɑ̃. Adɑmɑ sɑɑ ɡɑɑ koo nɑ yè sɔɔ bwese dɑmɡinu ni nu sinɑm dɑmɡibu mɔ, nu koo rɑ win tii kɑ win temɡibu yoru mwɑ.

Swĩi 5:13

Bɑ bɛsɛn ɑluwɑɑsibɑ mwɛɛrɑ nɡe yobu bu kɑ som nɑm. Mɑ bibɑ dɑ̃ɑ ɡurɑmɔ bɑ wɔrukumɔ yen bunum sɔ̃.

Osee 2:3

Bɛɛ Yudɑbɑ kɑ Isirelibɑ, i sɔ̃ɔnɔ mɑ i sɑ̃ɑwɑ nɛn tɔn be nɑ kĩ.

Misee 1:11

Wee bɛɛ Sɑfiriɡibu bɑ koo bɛɛ yoru mwɛɛri, kpɑ i n wɑ̃ɑ tereru kɑ sekuru sɔɔ. Sɑnɑniɡibu bɑ ǹ kɑ̃kɔ bu yɑri ben wuun di. Bɛtisɑleɡibun weeweenu derɑ bɑ ǹ wɑ̃ɑ yeru mɔ.

Mɑteu 24:41

Tɔn kurɔbu yiru bɑ ko n nɑmmɔ. Bɑ koo turo suɑ bu turo deri.

Luku 17:35

Kurɔbu yiru bɑ ko n nɑmmɔ sɑnnu, bɑ koo turo suɑ kpɑ bu turo deri. [

Korinti I 11:5

Mɑ tɔn kurɔ bɑɑwure wi u kɑnɑru mɔ̀, ǹ kun mɛ u Gusunɔn ɡɑri ɡerumɔ, ù kun win wiru wukiri, u ǹ win wiruɡii bɛɛrɛ wɛ̃ɛmɔ. N sɑ̃ɑwɑ nɡe ù n pɔɔru wokɑ.

Kpɑrobu 16:21

Yerɑ Filisitibɑ bɑ nùn sɛ̃re bɑ win nɔni yiru kpuro wɔwɑ. Mɑ bɑ kɑ nùn dɑ Gɑsɑɔ. Bɑ nùn bɔkuɑ kɑ sii ɡɑndun yɔni bɑ nùn doke pirisɔm dirɔ. Bɑ derɑ u dobi nɑmmɔ nɡe mɛ bɑ rɑ ben yɑɑ sɑbenu koosie.