Esɑi 45:9 - Bibeli Gusunɔn Gari

⁹ Bɔ̃rurowɑ tɔnu wi u kɑ win tɑkɑ kowo sikirinɑmɔ. U sɑ̃ɑwɑ nɡe tem mɔndu te tɑ ten mɔmɔ bikiɑ tɑ nɛɛ, mbɑ u mɔ̀ mi. Ǹ kun mɛ nɡe ɡɑ̃ɑ ni u kuɑ mɑ nu nɛɛ, u ǹ nɔmɑ du.

Esɑi 45:9 ပူးပေါင်းရင်းမြစ်များ

Yoobu 10:9

A yɑɑyo mɑ wunɑ ɑ mɑn mɔmɑ nɡe mɛ bɑ rɑ ɡɑ̃ɑnu mɔm kɑ sɔndu. Yerɑ ɑ kĩ ɑ mɑn kpeerɑsiɑ, n ɡɔsiɑ tuɑ?

Yoobu 33:13

Mbɑn sɔ̃nɑ ɑ kɑ nùn tɑɑrɛ wɛ̃ɛmɔ ɑ mɔ̀, u ku rɑ tɔnu wisi.

Yoobu 40:2

wunɛ wi ɑ kɑ tii yinɑmɔ nɛ, Yinni Gusunɔ Dɑm kpuroɡiin wuswɑɑɔ, kɑɑ ɡɑri wɑ ɑ ɡere?

Yoobu 9:12

Ye u nɛnuɑ, wɑrɑ u koo nùn ye wɔrɑri. Wɑrɑ u koo kpĩ u nùn sɔ̃ u nɛɛ, mbɑ ɑ mɔ̀ mɛ.

Yoobu 9:4

Wiyɑ u bwisi kɑ dɑm kpuro mɔ. Wɑrɑ u koo nùn seesi kpɑ yɛ̃ron wɑ̃ɑru tu dɑkɑɑ dɑ.

Mɔnnu 21:30

Tɔnun bwisi kɑ win lɑɑkɑri kɑ win bwisikunu, yen ɡɑɑ kun kpɛ̃ yu Gusunɔn himbɑ sĩiyɑ.

Wɑɑsu kowo 6:10

Ye yɑ wɑ̃ɑ sɑɑ yellun di, yɑ yĩsiru mɔ kɔ. Sɑ mɑɑ yɛ̃ mɑ tɔnu u ǹ kpɛ̃ u kɑ wi u nùn dɑm kere sikirinɑ.

Esɑi 10:15

ɡbɑ̃ɑ, yɑ rɑ tii bɛɛrɛ wɛ̃ wi u kɑ ye sɔmburu mɔ̀n wuswɑɑɔ? Sii, yɑ rɑ tii sue wi u kɑ ye sɔmburu mɔ̀n wuswɑɑɔ? Asirin sinɑ boko wi, u sɑ̃ɑ nɡe dɛkɑ ye tɔnu u suɑ mɑ yɑ nùn sĩikiɑmɔ, ǹ kun mɛ bokuru te tɔnu u nɛni, mɑ tɑ nùn fĩɑmɔ.

Esɑi 29:16

Dɑɑ kɔ̃sɑɡibu bɛɛ! Bɑ ku rɑ mɔmɔ ɡɑrisi nɡe sɔndu. Tem mɔndu tɑ ǹ kpɛ̃ tu mɔmɔ sɔ̃ tu nɛɛ, n ǹ wi, u tu kuɑ, ǹ kun mɛ tu nùn sɔ̃ tu nɛɛ, u ǹ bwisi mɔ.

Esɑi 45:10

Bɔ̃rurowɑ wi u win tundo kɑ win mɛro bikiɑ u nɛɛ, mbɑn sɔ̃nɑ i mɑn mɑrɑ mɛni.

Esɑi 64:7

Kɑ yen de, Yinni, wunɑ ɑ sɑ̃ɑ bɛsɛn bɑɑbɑ. Sɑ sɑ̃ɑwɑ nɡe sɔndu, wunɑ ɑ sun mɔmɑ kɑ wunɛn nɔmɑ.

Esɑi 64:8

Yinni Gusunɔ, ɑ ku mɔru ko too, ɑ kun mɑɑ bɛsɛn durum ye yɑɑye sere kɑ bɑɑdommɑɔ. Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.

Yeremi 18:6

mbɑn sɔ̃nɑ nɑ ǹ kpɛ̃ n kɑ bɛɛ Isirelibɑ ko nɡe mɛ. Wee nɡe mɛ mɔmɔ wi, u sɔndu suɑ u nɛni win nɔmuɔ, nɡe mɛyɑ i mɑɑ wɑ̃ɑ nɛn nɔmuɔ.

Yeremi 36:29

Kpɑ ɑ mɑɑ nùn sɔ̃ ɑ nɛɛ, wee ye nɛ, Yinni Gusunɔ nɑ ɡeruɑ. Wee u tire te dɔ̃ɔ mɛni, mɑ u nɛɛ, mbɑn sɔ̃nɑ wunɛ Yeremi ɑ yoruɑ mɑ Bɑbilonin sinɑ boko u koo nɑ kpɑ u tem mɛ kɑm koosiɑ, kpɑ u mɛn tɔmbu kɑ mɛn yɑɑ sɑbenu ɡurɑ.

Yeremi 50:24

Bɑbiloni, nɑ nun yinɑ bɛriɑ, mɑ yɑ nun mwɑ ɑ ǹ kɑ bɑɑru. Wee, tɛ̃, ɑ kuɑ pirisɔm, domi ɑ nɛ, Yinni Gusunɔ wɔri.

Korinti I 10:22

Sɑ kĩ su Yinnin nisinu seeyɑwɑ? Sɑ nùn dɑm kere?