Esɑi 45:3 - Bibeli Gusunɔn Gari

³ Kon nun ɑrumɑni wɛ̃ ye yɑ rɑɑ beruɑ yɑm wɔ̃kuru sɔɔ, kpɑ ɑ ɡiɑ mɑ nɛ Gusunɔ, Isirelibɑn Yinniwɑ nɑ nun sokumɔ kɑ wunɛn yĩsiru.

Esɑi 45:3 ပူးပေါင်းရင်းမြစ်များ

Bɑndun Gɑri II 6:17

Ǹ n mɛn nɑ, Gusunɔ bɛsɛn Yinni, ɑ de wunɛn ɡɑri yi ɑ nùn sɔ̃ɔwɑ mi kpuro yi koorɑ.

Ɛsidɑrɑsi 1:2

Yi nɛɛ, ɑmɛniwɑ Sirusi Pɛɛsin sinɑ boko u ɡeruɑ. U nɛɛ, Wɔrukoo u mɑn hɑnduniɑn bɑnnu kpuro wɛ̃. Mɑ u mɑn yiire n nùn sɑ̃ɑ yeru bɑniɑ Yerusɑlɛmuɔ Yudɑbɑn temɔ.

Yɑribu 33:12

Mɔwisi u Yinni Gusunɔ sɔ̃ɔwɑ u nɛɛ, wee, ɑ nɛɛ, n kɑ tɔn be doo tem mɛ sɔɔ. Mɛyɑ ɑ mɑɑ nɛɛ, ɑ mɑn yɛ̃ sɑ̃ɑ sɑ̃ɑ. Kɑɑ n kɑ mɑn nɔnu ɡeu mɛɛrɑ. Adɑmɑ ɑ ǹ mɑn sɔ̃ɔwɑ wi u koo mɑn yɔ̃siri.

Yɑribu 33:17

Yinni Gusunɔ u Mɔwisi sɔ̃ɔwɑ u nɛɛ, kon ko nɡe mɛ ɑ mɑn bikiɑ. Domi nɑ nun yɛ̃ sɑ̃ɑ sɑ̃ɑ, ɑ mɑɑ nɛn kĩi ɡeeru wɑ.

Esɑi 43:1

Yinni Gusunɔ u nɛɛ, Isireli, Yɑkɔbun bweseru, wunɛ wi nɑ mɔmɑ nɑ tɑkɑ kuɑ, ɑ ku bɛrum ko, domi nɛnɑ nɑ nun yɑkiɑ. Nɑ nun sokɑ kɑ wunɛn yĩsiru, ɑ sɑ̃ɑwɑ nɛɡii.

Esɑi 48:15

Nɛ, Yinni Gusunɔwɑ nɑ ye ɡeruɑ. Nɑ nùn sokɑ, u mɑɑ nɑ. Mɑ nɑ derɑ win swɛɛ kpuro yi nùn kusiɑrɑ.

Esɑi 49:1

Bɛɛ be i wɑ̃ɑ i tomɑ, i swɑɑ dɑkio i nɔ. Yinni Gusunɔwɑ mɑn ɡɔsɑ sɑɑ nɛn mɛron nukurun di. U mɑn sokɑ kɑ nɛn yĩsiru ye bɑ mɑn mɑrɑ wurɛ.

Yeremi 41:8

N deemɑ be sɔɔ, u ǹ tɔmbu wɔkuru ɡo yèn sɔ̃ bɑ rɑɑ nùn sɔ̃ɔwɑ bɑ nɛɛ, u ku bu ɡo, be, bɑ ɑlikɑmɑ kɑ ɡbɛɛ, kɑ ɡum kɑ tim beruɑ yɑkɑsɔ.

Yeremi 50:26

Bɛɛ hɑnduniɑɡibu kpuro, i nɑ i Bɑbiloniɡibun birɑnu suriri, kpɑ i ben yɑ̃nu ɡurɑ i subu subu nɡe yɑkɑsu, i ye kɑm koosiɑ. Gɑ̃ɑnu nu ku mɑɑ tiɑrɑ mi.

Yeremi 50:37

I ben dumi kɑ ben tɑbu kɛkɛ yi dumi ɡɑwe tɑbu wɔrio. I tɔn be bɑ kɑnɑ bɑ bu somimɔ tɑbu sɔɔ, tɑbu wɔrio, kpɑ bu bɛrum soorɑ nɡe tɔn kurɔbu. I ben dukiɑ wɔrio i ɡurɑ.

Yeremi 51:13

Wunɛ Bɑbiloni, wunɛ wi ɑ sɔ̃ dɑɑ bɑkɑnun bɔkuɔ, wunɛ wi ɑ dukiɑ yibɑ, wee wunɛn kpeerun tɔ̃ru tɑ turɑ. Wunɛn binɛ yɑ koo kpe.

Yeremi 51:53

Bɑɑ Bɑbiloniɡibu bɑ̀ n seewɑ bɑ dɑ wɔllɔ, bɑɑ bɑ̀ n ben ɡbɑ̃rɑnun dɑm sosi sere ɡoo kun kpɛ̃ u dɑ mi, kɑ mɛ, u koo de yibɛrɛbɑ bu bu wɔri bu kɑm koosiɑ.