Esɑi 41:9 - Bibeli Gusunɔn Gari

⁹ Bɛɛyɑ nɑ sokɑ nɑ yɑrɑmɑ sɑɑ tontonden di. Nɑ ǹ bɛɛ biru kisi. Nɑ bɛɛ ɡɔsɑwɑ i n kɑ sɑ̃ɑ nɛn sɔm kowobu.

Esɑi 41:9 ပူးပေါင်းရင်းမြစ်များ

Womusu 135:4

Yinni Gusunɔ u tii Isirelibɑ Yɑkɔbun bweseru ɡɔsiɑ bɑ n kɑ sɑ̃ɑ wiɡibu.

Womusu 94:14

Yinni Gusunɔ kun win tɔmbu derimɔ. U ǹ bu biru kisimɔ, be, be bɑ sɑ̃ɑ win ɑrumɑni.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 14:1

Yinni Gusunɔ u koo Isirelibɑ wɔnwɔndu kuɑ. U koo mɑɑ bu ɡɔsi bu ko wiɡibu, kpɑ u bu swĩi ben temɔ. Sɑɑ yerɑ sɔbɑ koo du ben suunu sɔɔ, kpɑ bu mɛnnɑ bɑ n wɑ̃ɑ kɑ be sɑnnu.

Esɑi 41:2

Wɑrɑ u tɑbu durɔ ɡoo seeyɑmɑ sɔ̃ɔ yɑri yerun di mɑ u derɑ mi u duɑ kpuro u nɑsɑrɑ wɑ. Wɑrɑ u nùn bwesenu kpuro kɑ nin sinɑmbu nɔmu sɔndiɑ, mɑ u derɑ win tɑkobi yɑ bu munkɑ nɡe tuɑ, mɑ win tɛmɑ yɑ bu yɑrinɑsiɑ nɡe yɑkɑ si woo ɡɑ kɑ doonɑ.

Esɑi 41:8

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bibu, nɛn bɔrɔ Aburɑhɑmun bweseru sɔɔ, bɛɛyɑ nɑ ɡɔsɑ i n kɑ sɑ̃ɑ nɛn sɔm kowobu.

Esɑi 42:1

Yinni Gusunɔ u nɛɛ, nɛn sɔm kowo wee, wi nɑ ɡɔsɑ. Wiyɑ nɑ kɑ wɑ̃ɑ, nɑ mɑɑ nùn kĩ. Nɑ nɛn Hunde doke wi sɔɔ. U koo ɡem ɡɑri kpɑrɑ tɔmbu sɔɔ.

Esɑi 44:1

Yinni Gusunɔ u nɛɛ, ɑ swɑɑ dɑkio tɛ̃, wunɛ Yɑkɔbun bweseru, wunɛ wi nɑ ɡɔsɑ nɑ kuɑ nɛn sɔm kowo.

Esɑi 45:4

Nɛn sɔmɔ Yɑkɔbu wi nɑ ɡɔsɑn sɔ̃nɑ nɑ nun sokɑ kɑ wunɛn yĩsiru, mɑ nɑ nun bɛɛrɛ bɑkɑ wɛ̃ bɑɑ mɛ ɑ ǹ mɑn yɛ̃.

Mɑlɑsi 1:2

Yinni Gusunɔ u nɛɛ, nɑ bɛɛ Isirelibɑ kĩɑ. Mɑ i ɡerumɔ i mɔ̀, mbɑ sɔɔrɑ nɑ bɛɛ kĩɑ. Nɑ nɛɛ, n ǹ Esɑu u sɑ̃ɑ Yɑkɔbun mɔɔ ro? Adɑmɑ nɑ Yɑkɔbu kĩɑ

Luku 13:29

Gɑbɑ koo nɑ sɔ̃ɔ yɑri yeru kɑ sɔ̃ɔ duu yerun di, sɔ̃ɔ yɛ̃sɑ kɑ sɔ̃ɔ yɛ̃sɑn di, kpɑ bu sinɑ bu di win bɑndu sɔɔ.

Sɔ̃ɔsiru 14:2

Domi i sɑ̃ɑwɑ bwese te Gusunɔ bɛsɛn Yinni u ɡɔsɑ nɛnɛm. Hɑnduniɑn bwesenu kpuro sɔɔ, bɛɛyɑ u ɡɔsɑ i n kɑ sɑ̃ɑ win tɔmbu.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Kɑ̃siru 5:9

Mɑ bɑ wom kpɔɔ kuɑ bɑ mɔ̀, wunɑ ɑ yiiko mɔ ɑ kɑ tire kure te mwɑ kpɑ ɑ yĩre ni kusiɑ. Domi bɑ rɑɑ kɑ nun yɑ̃kuru kuɑ. Mɑ ɑ Gusunɔn tɔmbu yɑkiɑ kɑ wunɛn yɛm sɑɑ bweseru bɑɑtere kɑ bɑrum bɑɑmɛre kɑ tɔmbu kpuro kɑ tem bɑɑmɛren min di.

Sɑmuɛli I 12:22

Yinni Gusunɔ u ɡɔ̃ru doke u bɛɛ ko win tɔmbu, u ǹ mɑɑ bɛɛ yinɑmɔ win yĩsi bɑkɑrun bɛɛrɛn sɔ̃.