Esɑi 41:2 - Bibeli Gusunɔn Gari

² Wɑrɑ u tɑbu durɔ ɡoo seeyɑmɑ sɔ̃ɔ yɑri yerun di mɑ u derɑ mi u duɑ kpuro u nɑsɑrɑ wɑ. Wɑrɑ u nùn bwesenu kpuro kɑ nin sinɑmbu nɔmu sɔndiɑ, mɑ u derɑ win tɑkobi yɑ bu munkɑ nɡe tuɑ, mɑ win tɛmɑ yɑ bu yɑrinɑsiɑ nɡe yɑkɑ si woo ɡɑ kɑ doonɑ.

Esɑi 41:2 ပူးပေါင်းရင်းမြစ်များ

Torubu 11:31

Yen biru Terɑ u win bii Aburɑmu suɑ kɑ Sɑɑrɑi Aburɑmun kurɔ kɑ Lɔtu Hɑrɑnin bii, bɑ seewɑ bɑ yɑrɑ sɑnnu Urun di Kɑlɑden temɔ bɑ dɔɔ Kɑnɑnin temɔ. Ye bɑ turɑ wuu ɡe bɑ mɔ̀ Kɑrɑniɔ mɑ bɑ sinɑ mi.

Torubu 17:1

Ye Aburɑmu kuɑ wɔ̃ɔ wunɔbu tiɑ sɑri yerɑ Yinni Gusunɔ u nùn kure u nɛɛ, nɛnɑ nɑ Gusunɔ Dɑm kpuroɡii. A n sĩimɔ nɛn wuswɑɑɔ kpɑ ɑ kun tɑɑrɛ mɔ.

Sinɑmbu II 13:7

Yoɑkɑsin tɑbu kowobu sɔɔ, Yinni Gusunɔ u derɑ Sirin sinɑ boko u ben dɑbiru ɡo, u nɑmɑ muku muku bɑ kuɑ nɡe tuɑ. Mɑɑsɔbu weerɑɑkuru tɔnɑwɑ u nùn deriɑ kɑ tɑbu kowobu nɔrɔbun subɑ wɔkuru (10.000) kɑ tɑbu kɛkɛ yi dumi ɡɑwe wɔkuru.

Bɑndun Gɑri II 36:23

Yi nɛɛ, ɑmɛniwɑ Sirusi, Pɛɛsin sinɑ boko u ɡeruɑ. U nɛɛ, Gusunɔ Wɔrukoo u mɑn hɑnduniɑn bɑnnu kpuro wɛ̃. Mɑ u mɑn yiire n nùn sɑ̃ɑ yeru bɑniɑ Yerusɑlɛmuɔ Yudɑbɑn temɔ. Yen sɔ̃, be bɑ sɑ̃ɑ Isirelibɑ kpuro bu wuro Yerusɑlɛmuɔ kpɑ Gusunɔ ben Yinni u n kɑ bu wɑ̃ɑ.

Ɛsidɑrɑsi 1:2

Yi nɛɛ, ɑmɛniwɑ Sirusi Pɛɛsin sinɑ boko u ɡeruɑ. U nɛɛ, Wɔrukoo u mɑn hɑnduniɑn bɑnnu kpuro wɛ̃. Mɑ u mɑn yiire n nùn sɑ̃ɑ yeru bɑniɑ Yerusɑlɛmuɔ Yudɑbɑn temɔ.

Esɑi 40:24

Be kpuro bɑ sɑ̃ɑ nɡe dɑ̃ɑ ni bɑ ɡirɑ nu ǹ ɡbini mɔ. Gusunɔ ù n derɑ woo ɡɑ bu swee, kpɑ bu ɡberɑ, woo ɡunɑ yu kɑ bu doonɑ nɡe yɑkɑsu.

Esɑi 41:25

Wee nɑ ɡoo seeyɑ sɑɑ sɔ̃ɔ yɛ̃sɑn nɔm ɡeun di, mɑ u nɑ sɑɑ sɔ̃ɔ yɑri yerun di u sĩimɔ kɑ nɛn yĩsiru. U wiruɡibu tɑɑkumɔ nɡe pɔtɔkɔ, nɡe mɛ weke kowo u rɑ sɔndu suni.

Esɑi 41:3

U bu nɑɑ ɡirɑ u ǹ wɑhɑlɑ wɑ. U dɑ sere mi win nɑɑsu kun yɛ̃.

Esɑi 42:6

nɛnɑ nɑ nun sokɑ n kɑ nun fɑɑbɑ ko. Kon nun dɑm kɛ̃, nɑ n wunɛn nɔmɑ nɛni. Kon nun kɔ̃su, kpɑ n kɑ tɔmbu ɑrukɑwɑni bɔke sɑɑ wunɛn min di, kpɑ bwesenu kpuro nu kɑ yɑm bururɑm wɑ.

Esɑi 45:1

Yinni Gusunɔ u Sirusi ɡɔsɑ u nùn nɛni kɑ win dɑm. U koo bwesenu kpuro tɑɑre win wuswɑɑɔ, kpɑ u sinɑmbun dɑm wunɑ. U koo nùn wusun kɔnnɔsu wukiɑ su n kɛniɑre. U nùn sɔ̃ɔwɑ u nɛɛ,

Esɑi 45:13

Nɛ, Yinni Gusunɔ Dɑm kpuroɡii, nɛnɑ nɑ Sirusi seeyɑ u kɑ ɡeɑ ko ye nɑ ɡɔ̃ru doke. Kon win swɛɛ kpuro nɔɔ nɛrɑsiɑ. U koo nɛn wuu Yerusɑlɛmun bɑnsu seeyɑ, kpɑ u nɛn tɔn be bɑ rɑɑ yoru mwɛɛrɑ yɑrɑ yorun di n kun kɑ kɔsiɑru ɡɑru.

Esɑi 46:11

Nɛnɑ nɑ durɔ ɡoo sokɑ sɑɑ sɔ̃ɔ yɑri yerun di mi n tomɑ. U koo nɑ nɡe kɑsɑ u nɛn himbɑ yibiɑ. Ye nɑ ɡeruɑ, kon ye ko. Himbɑ ye nɑ yi, kon mɑɑ ye yibiɑ.

Esɑi 48:15

Nɛ, Yinni Gusunɔwɑ nɑ ye ɡeruɑ. Nɑ nùn sokɑ, u mɑɑ nɑ. Mɑ nɑ derɑ win swɛɛ kpuro yi nùn kusiɑrɑ.

Swĩi 1:15

Yinni Gusunɔ u nɛn tɑbu kowobu sururɑ. U tɑbu durɔbu mɛnnɑ bu kɑ nɛn ɑluwɑɑsibɑ kɑm koosiɑ. U nɛ, Yerusɑlɛmu tɑɑkɑ nɡe mɛ bɑ rɑ resɛm tɑɑku.

Heberu 7:1

Mɛɛkisidɛki wi, u sɑ̃ɑwɑ Sɑlɛmun sunɔ kɑ Wɔrukoon yɑ̃ku kowo. Ye Aburɑhɑmu u sinɑmbu tɑbu diimɑ u wee, yerɑ Mɛɛkisidɛki nùn sennɔ dɑ u nùn domɑru kuɑ.

Kɑ̃siru 16:12

Yerɑ ɡɔrɑdo nɔɔbɑ tiɑse u win yoruku wisi dɑɑ bɑkɑru sɔɔ te bɑ mɔ̀ Efɑrɑti, mɑ tɑ ɡberɑ mɑm mɑm tu kɑ sɔ̃ɔ yɑri yerun sinɑmbu swɑɑ kɛ̃ bu tɔburɑ.

Kɑ̃siru 7:2

Nɑ mɑɑ wɔllun ɡɔrɑdo ɡoo wɑ u wee sɑɑ sɔ̃ɔ yɑri yerun di, u Gusunɔ Yinni wɑson yĩreru nɛni. U ɡɔrɑdobɑ nnɛ ye nɔɔɡiru kuɑ be Gusunɔ u dɑm kɑ̃ bu kɑ tem kɑ nim wɔ̃ku kɔ̃sɑ kuɑ,