Esɑi 41:18 - Bibeli Gusunɔn Gari

¹⁸ Kon de dɑɑnu nu yɑri sɑɑ ɡuunun di, kpɑ bwii yi yɑri wɔwi sɔɔ, kpɑ nim bwenu kɑ dɑɑ koki yi koorɑ mi tem mu ɡbere, ɡɑ̃ɑnu ku rɑ kpi.

Esɑi 41:18 ပူးပေါင်းရင်းမြစ်များ

Womusu 104:10

Wunɑ ɑ bwiin nim kpɑre mɛ mu kokumɔ ɡuunun bɑɑ sɔɔ.

Womusu 105:41

U kperu wukiɑ mɑ nim mu kurɑmɑ mu tɛriɑ nɡe dɑɑru tem dirɑɔ.

Womusu 107:35

Wi turowɑ u rɑ mi ɡɑ̃ɑnu ku rɑ kpi ɡɔsie nim bwee bɑkɑru. Kpɑ u tem ɡbebɑ ɡɔsiɑ nim bwii.

Womusu 126:4

Yinni Gusunɔ, ɑ kɑ bɛsɛɡii be bɑ rɑɑ yoru mwɛɛrɑ wurɑmɑ bɑ n kokumɔ nɡe dɑɑ tori sɔ̃ɔ yɛ̃sɑn nɔm dwɑru ɡiɑ.

Womusu 46:4

Sɑ ǹ nɑnde sɑnɑm mɛ nim wɔ̃kun nim kurenu nu wɔki nu yɑkɑ mɔ̀ sɑnɑm mɛ nu ɡuunu yĩirimɔ.

Esɑi 12:3

Nɡe mɛ wi nim nɔru ɡɑ mɔ̀, ù n nim wɑ, u rɑ n nuku dobu mɔ, nɡe mɛyɑ bɑ̀ n fɑɑbɑ wɑ bɑ koo nuku dobu ko,

Esɑi 30:25

Nim tori yi ko yi n wɑ̃ɑwɑ ɡuu bɑkɑnun wɔllɔ, kɑ ɡunɡunu wɔllɔ, dɔmɑ te bɑ koo tɔmbu ɡo bu ben kuku yenu kɔsuku.

Esɑi 32:2

Ben bɑɑwure u ko n sɑ̃ɑwɑ nɡe kuku yeru woo bɔkɔn sɔ̃, ǹ kun mɛ nɡe dɑɑru mi kɑkoru sɑri, ǹ kun mɛ nɡe kpee bɑkɑrun sɑɑru mi dɑ̃ru ɡɑru sɑri.

Esɑi 33:21

Miyɑ Yinni Gusunɔ u koo sun win ɡirimɑ sɔ̃ɔsi. U koo de sɑ n wɑ̃ɑ dɑɑ bɑkɑnun bɔkuɔ. Adɑmɑ yibɛrɛbɑn ɡoo nimkusu ku ǹ kpɛ̃ su sĩ mi, bɑɑ si su kpɑ̃ɑru bo.

Esɑi 35:1

Sɑnɑm mɛ sɔɔ, tem mi ɡɑ̃ɑnu ku rɑ kpi, mu koo tem wurɑmɑ kpɑ mu biibii burɛ kpi.

Esɑi 44:3

Kon de nim mu tɛriɑ tem ɡbebum wɔllɔ, kpɑ dɑru koki yi yɑri min di. Kon nɛn Hunde yibie wunɛn bibun bweseru sɔɔ, kpɑ n bu domɑru kuɑ.

Esɑi 48:21

Nim nɔru ɡɑ ǹ bɛɛ mɔ̀ mi u koo bɛɛ kpɑrɑ ɡbɑburɔ, domi u koo kperu bɛrɑ kpɑ nim mu koku i nɔ.

Esɑi 58:11

Nɛ, Yinni Gusunɔ, kon bɛɛ kpɑrɑ sere kɑ bɑɑdommɑɔ, kpɑ n de i n debɑ bɑɑ mi dĩɑnu ku rɑ kpi. Kon de bɛɛn wɑsi yi dɑm wɑ, kpɑ i n sɑ̃ɑ nɡe ɡbee te tɑ kɑkoru mɔ, ǹ kun mɛ nɡe bwii yìn nim ku rɑ kpe.

Esɑi 65:13

Yen sɔ̃nɑ nɑ nɛɛ, nɛn sɔm kowobu bɑ koo wɑ bu di kpɑ bu nɔ. Adɑmɑ bɛɛ, ɡɔ̃ɔru kɑ nim nɔru sɔɔrɑ i ko i n wɑ̃ɑ. Nɛn sɔm kowobu bɑ koo nuku dobu ko. Adɑmɑ bɛɛ, i ko n wɑ̃ɑwɑ sekuru sɔɔ.

Sɑkɑri 14:8

Yen tɔ̃ɔ te, nim ɡem mu koo yɑri Yerusɑlɛmun di kpɑ mɛn sukum mu koku mu dɑ nim wɔ̃kuɔ ɡe ɡɑ wɑ̃ɑ sɔ̃ɔ yɑri yeru ɡiɑ, kpɑ sukum mu dɑ nim wɔ̃ku ɡe ɡɑ wɑ̃ɑ sɔ̃ɔ duu yeru ɡiɑ. Nɡe mɛyɑ n ko n sɑ̃ɑ sɔ̃ɔ sɑ̃reru kɑ ɡurɑn sɑɑ.

Kɑ̃siru 22:1

Gɔrɑdo wi, u mɑn nim wɑ̃ɑruɡim dɑɑru sɔ̃ɔsi te tɑ bɑllimɔ nɡe diki kpikɑ, te tɑ kokumɔ Gusunɔ kɑ Yɑ̃ɑ kinɛ kpɛm ten sinɑ kitɑrun di.

Kɑ̃siru 7:17

Domi Yɑ̃ɑ kinɛ kpɛm te tɑ wɑ̃ɑ sinɑ kitɑrun suunu sɔɔ, terɑ tɑ koo bu kpɑrɑ, tu kɑ dɑ wɑ̃ɑrun bwiɑɔ. Gusunɔ u koo mɑɑ bu ben nɔni yĩresu kpuro wokɑ.

Kpɑrobu 15:19

Yerɑ Yinni Gusunɔ u derɑ nim mu yɑrɑ kpee wɔru ɡɑɡun min di Leki mi, mɑ yɑ kuɑ nim nɔnu. Sɑnsom u nɔrɑ mɑ win hunde yɑ wurɑmɑ, u dɑm kuɑ. Yen sɔ̃nɑ bɑ nim nɔnu ɡe sokɑ Eni Hɑkore. Yen tubusiɑnɑ, wi u somiru kɑnɑn nim nɔnu. Gɑ wɑ̃ɑ mi sere kɑ ɡisɔn ɡisɔ.