Esɑi 41:12 - Bibeli Gusunɔn Gari

¹² Bɑɑ ì n bu kɑsu, i ǹ bu wɑsi. Mɛyɑ be bɑ kɑ bɛɛ tɑbu mɔ̀, bɑ koo kɑm ko bu ɡbisuku.

Esɑi 41:12 ပူးပေါင်းရင်းမြစ်များ

Esɑi 17:14

Ye n kuɑ yokɑ mɑ bɑ bu kpeerɑsiɑ subɑru sɔɔ. Yɑm mu sere sɑ̃rɑ bɑ ǹ mɑɑ wɑ̃ɑ. Nɡe mɛyɑ be bɑ sun wɔrimɔ bu kɑ sun ɡurɑ ben kɔkɔrɔ yɑ ko n sɑ̃ɑ.

Esɑi 29:8

Nɡe mɛ wi ɡɔ̃ɔrɑ mɔ̀ u rɑ dosi u nɛɛ, u dimɔ, ɑdɑmɑ ù n dom yɑndɑ kpɑ u deemɑ nukurɔ ɡɑ̃ɑnu sɑri. Ǹ kun mɛ nɡe mɛ wi nim nɔru ɡɑ mɔ̀ u rɑ dosi u nɛɛ, u nim nɔrumɔ, ɑdɑmɑ ù n dom yɑndɑ kpɑ win ɡɔ̃ru ɡɑ n ɡbere, u n wɑsire, nɡe mɛyɑ tɑbu kowo be, bɑ ko n sɑ̃ɑ be bɑ koo nɑ bu Siɔnin ɡuu te wɔri.

Esɑi 34:12

Ben sinɑ bibu kpurowɑ bɑ koo kɑm ko. Goo kun ko n mɑɑ wɑ̃ɑ wi u koo bɑndu di mi.

Esɑi 49:25

Yinni Gusunɔ u nɛɛ, oo, mɛyɑ, kon dɑmɡiin yobu yɑkiɑ, kpɑ n tɑbu durɔn yɑ̃ɑ ni u rɑɑ ɡurɑ wɔrɑ. Domi kon kɑ wunɛn yibɛrɛbɑ sɑnnɑ, kpɑ n wunɛn bibu fɑɑbɑ ko.

Sofoni 3:19

Yen tɔ̃ɔ te, u koo be bɑ bɛɛ dɑm dimɔ wɔri, kpɑ u yɛmɔbu fɑɑbɑ ko. U koo be bɑ rɑɑ ɡirɑ mɛnnɑ kpɑ u de bu tɔmbu nuku dobu wɛ̃ kpɑ bu yĩsiru yɑri tem kpuro sɔɔ mi ben bɑɑwure u rɑɑ sekuru dimɔ.