Esɑi 41:1 - Bibeli Gusunɔn Gari

¹ Yinni Gusunɔ u nɛɛ, bɛɛ bèn tem mu tomɑ, i swɑɑ dɑkio i nɔ. I hɑniɑ koowo i tii dɑm kɛ̃. I susimɑ i kɑ ɡɑri ɡere, kpɑ su mɛnnɑ su wesiɑnɑ su ɡem kɑsu.

Esɑi 41:1 ပူးပေါင်းရင်းမြစ်များ

Yoobu 38:3

Tɛ̃, ɑ sɔɔru koowo, kpɑ ɑ yɔ̃rɑ nɡe tɔn durɔ wɔruɡɔ. Kon nun ɡɑri bikiɑ, kpɑ ɑ mɑn yi tubusiɑ.

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Esɑi 1:18

I nɑ su wesiɑnɑ kpɑ su nɔɔsinɑ. Ì n wurɑ i mɑn mɛm nɔɔwɑ, bɑɑ bɛɛn ɡɔ̃ru ɡɑ̀ n tĩri nɡe weke biru, kon ɡu dɛɛrɑsiɑ ɡu bururɑ nɡe wɛ̃su. Bɑɑ ɡɑ̀ n mɑɑ sɔ̃rin nɑ nɡe wɛ̃ɛ wunɔmɡii, ɡɑ koo bururɑ nɡe wɛ̃ɛ kpiki, kpɑ i tem mɛn dĩɑ ɡeenu di.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 34:1

Bɛɛ bwese tukunu, i susimɑ i nɔ. I bɛɛn lɑɑkɑri kpĩiyɔ. Tem mu swɑɑ dɑkio kɑ ye yɑ wɑ̃ɑ mɛ sɔɔ, kɑ sere ye mu mɑrumɔ.

Esɑi 40:31

Adɑmɑ bèn yĩiyɔbu wɑ̃ɑ Yinni Gusunɔ sɔɔ, u ko n dɑ bu dɑm kpɑm wɛ̃, kpɑ bu se kɑ dɑm nɡe ɡunɔ bɑkeru. Bɑ̀ n duki mɔ̀, bɑ ǹ wɑsirɑmɔ. Bɑ̀ n mɑɑ sĩimɔ, bɑ ǹ kpɑnɑmɔ.

Esɑi 41:5

Be bɑ wɑ̃ɑ mi n tomɑ bɑ wɑ ye nɑ kuɑ mɑ bɑ nɑndɑ bɑ diirimɔ. Be wee bɑ mɛnnɑ bɑ susimɑmɔ.

Esɑi 43:26

I seewo i nɑ i mɑn bɛɛn ɡɑri tɛriɑ, kpɑ i kɑ tii yinɑ.

Esɑi 43:9

Bwesenu kpuro nu mɛnnɔ kpɑ n nu bikiɑ, bũu wɑrɑ u yenin ɡɑri ɡeruɑ. Bũu wɑrɑ u ɡbiɑ u ye nɔɔsiɑ yɑ sere koorɑ. U win seedɑɡibu mɛnnɑmɑ, kpɑ bu sɔ̃ɔsi mɑ u ɡem mɔ, kpɑ bu swɑɑ dɑki bu wurɑ mɑ ɡemɑ u ɡeruɑ.

Esɑi 48:16

Mɑ Esɑi u nɛɛ, i susimɑ nɛn bɔkuɔ kpɑ i nɔ. Sɑɑ yellun di, nɑ bɛɛ ye sɔ̃ɔwɑwɑ kpɑsɑsɑ. Sɑɑ yen toren diyɑ nɑ wɑ̃ɑ mi. Wee, tɛ̃ Yinni Gusunɔ u mɑn ɡɔrimɑ kɑ win Hunde.

Esɑi 49:1

Bɛɛ be i wɑ̃ɑ i tomɑ, i swɑɑ dɑkio i nɔ. Yinni Gusunɔwɑ mɑn ɡɔsɑ sɑɑ nɛn mɛron nukurun di. U mɑn sokɑ kɑ nɛn yĩsiru ye bɑ mɑn mɑrɑ wurɛ.

Esɑi 50:8

Gusunɔ u wɑ̃ɑ nɛn turuku, u koo mɑn ɡem wɛ̃. Wɑrɑ u sɑ̃ɑ nɛn yibɛrɛ. Yɛ̃ro u susimɑ. Wɑrɑ u koo nɛn tɑɑrɛ wɑ. Yɛ̃ro u seewo bu sun siriɑ.

Hɑbɑkuku 2:20

Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.

Sɑkɑri 2:13

Wee u koo nu nɔmɑ doke kpɑ nu ɡɔsiɑ bɛɛn yobu. Sɑɑ ye sɔɔrɑ nu koo ɡiɑ mɑ Gusunɔ, wɔllu kɑ tem Yinniwɑ u mɑn ɡɔrimɑ.