Esɑi 40:9 - Bibeli Gusunɔn Gari

⁹ Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 40:9 ပူးပေါင်းရင်းမြစ်များ

Bɑndun Gɑri II 13:4

Yerɑ Abiɑ u seewɑ u nɔɔɡiru suɑ sɑɑ ɡuu te bɑ mɔ̀ Semɑrɑimun di. Guu te, tɑ sɑ̃ɑwɑ Efɑrɑimun ɡuurun bee tiɑ. U nɛɛ, Yeroboɑmu, wunɛ kɑ Isirelibɑ, i mɑn swɑɑ dɑkio i nɔ.

Esɑi 1:1

Tire ten ɡɑri yi sɑ̃ɑwɑ ɡɑri yi Gusunɔn sɔmɔ Esɑi Amɔtin bii u ɡeruɑ Yudɑbɑn sɔ̃, kɑ sere ben wuu Yerusɑlɛmun tiin sɔ̃. U ɡɑri yi ɡeruɑwɑ sɑnɑm mɛ sinɑm beni, Osiɑsi kɑ Yotɑmu kɑ Akɑsi kɑ Esekiɑsi bɑ bɑndu di di Yudɑɔ.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Esɑi 25:9

Tɔ̃ɔ te sɔɔ, bɑ koo Yinni Gusunɔ sɔ̃ bu nɛɛ, wunɑ ɑ sɑ̃ɑ bɛsɛn Yinni wi sɑ nɑɑnɛ sɑ̃ɑ. Wunɑ ɑ sun fɑɑbɑ kuɑ. Su nuku dobu ko kpɑ su yɛ̃ɛri fɑɑbɑ yen sɔ̃.

Esɑi 35:2

Kpɑ nuku dobu bu sɔ̃ɔsirɑ mi, kɑ womusu kɑ nɑsɑrɑn kuuki. Mu ko n ɡirimɑ mɔ nɡe Libɑnin dɑ̃ɑ sɔ̃ɔ. Mu ko n bɛɛrɛ mɔ nɡe ɡuu te bɑ mɔ̀ Kɑɑmɛli kɑ Sɑronin tem ɡem. Sɑɑ ye sɔɔ, bɑ koo Yinni Gusunɔn yiiko wɑ kɑ yen ɡirimɑ.

Esɑi 41:27

Nɛ, Yinni Gusunɔ, nɛnɑ nɑ ɡbiɑ nɑ sɔmɔ ɡɔrɑ u Yerusɑlɛmuɡibu lɑbɑɑri ɡeɑ sɔ̃.

Esɑi 44:26

Adɑmɑ nɑ rɑ nɛn sɔm kowon ɡɑri dɑm sire, kpɑ n de nɛn sɔmɔn ɡɑri yi u ɡeruɑ yi koorɑ. Nɑ nɛɛ, tɔmbɑ koo kpɑm sinɑ Yerusɑlɛmuɔ. Bɑ koo mɑ wure bu Yudɑbɑn bɑnsu seeyɑ, kpɑ bu sin wusu bɑni.

Esɑi 51:12

Gusunɔ u nɛɛ, nɛnɑ mi, nɛ wi nɑ bɛɛ nukuru yɛmiɑsiɑmɔ. Tɔnu u sɑ̃ɑwɑ nɡe yɑkɑsu. Mbɑn sɔ̃nɑ i ko i win bɛrum ko, wi, wi u rɑ ɡbi.

Esɑi 51:7

I mɑn swɑɑ dɑkio bɛɛ bwese te i ɡem yɛ̃, mɑ i nɛn woodɑbɑ nɛni bɛɛn ɡɔ̃ruɔ. I ku nɑndɑ tɔmbu bɑ̀ n bɛɛ funɛ wunɑmɔ. I ku mɑɑ diiri bɛrum sɔ̃ bɑ̀ n bɛɛ wɔmmɔ.

Esɑi 52:6

Yen sɔ̃nɑ sɔ̃ɔ teeru, nɛn tɔmbu bɑ koo ɡiɑ wi nɑ sɑ̃ɑ, kpɑ bu tubu mɑ nɛnɑ nɑ ɡerumɔ nɑ mɔ̀, nɛ wee, nɑ wee.

Esɑi 58:4

I rɑ n sikirinɑmɔwɑ i n sɑnkinɑmɔ, kpɑ i n nɔm kusenu soonɑmɔ kɑ nuku kɔ̃suru. Ì n nɔɔ bɔkumɔ mɑ i mɔ̀ mɛ, nɛ, Gusunɔ nɑ ǹ bɛɛn ɡɑri nɔɔmɔ.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Yeremi 22:20

Yeremi u nɛɛ, wee ye Yinni Gusunɔ u ɡeruɑ. U nɛɛ, bɛɛ Yerusɑlɛmuɡibu, i doo i yɔ ɡuu te bɑ mɔ̀ Libɑniɔ, kɑ Bɑsɑnin ɡuurɔ, kɑ Abɑrimun ɡunɡunu wɔllɔ, kpɑ i kuuki ko i nɔɔɡiru suɑ. Domi be i kɑ ɑrukɑwɑni bɔkuɑ bɑ munkirɑ.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Luku 24:47

Kpɑ bu tem kpuron tɔmbu sɔ̃ kɑ win yĩsiru bu nɛɛ, bu ɡɔ̃ru ɡɔsio bu kɑ ben torɑnun suuru wɑ. Bɑ koo torewɑ Yerusɑlɛmun di.

Gɔrobun Kookoosu 2:14

Yerɑ Piɛɛ u seewɑ kɑ ɡɔrobu wɔkurɑ tiɑ ye sɑnnu u ɡbɑ̃rɑ tɔn wɔru ɡe sɔɔ u nɛɛ, bɛɛ Yudeɑɡibu kɑ bɛɛ kpuro, bɛɛ be i wɑ̃ɑ Yerusɑlɛmuɔ i mɑn swɑɑ dɑkio, kpɑ i n yɛ̃ mɑ

Gɔrobun Kookoosu 4:13

Sɑnɑm mɛ bɑ ɡiɑ mɑ Piɛɛ kɑ Yohɑnu bɑ sɑ̃ɑwɑ bwɛ̃ɛbwɛ̃ɛbu, bɑ ǹ mɑɑ keu kue, ben wɔruɡɔrɑ bu biti kuɑ, mɑ bɑ tubɑ mɑ bɑ rɑɑ wɑ̃ɑ kɑ Yesu sɑnnu.

Gɔrobun Kookoosu 4:29

Yen sɔ̃ tɛ̃, Yinni ɑ ben ɡerusibu lɑɑkɑri koowo, kpɑ ɑ de bɛsɛ wunɛn sɔm kowobu su wunɛn ɡɑri yi kpɑrɑ kɑ wɔruɡɔru.

Romu 10:18

Adɑmɑ nɑ bikiɑmɔ, kɑ ɡeemɑ bɑ ǹ nɔɔre ro? Bɑ nuɑ. Domi bɑ yoruɑ, “Nɔɔ ɡe, ɡɑ nɔɔrɑ tem kpuro sɔɔ, mɑ ɡɑri yi, yi turɑ sere hɑnduniɑn nɔrɔ.”

Efesu 6:19

I mɑɑ kɑnɑru koowo nɛn sɔ̃, nɑ̀ n nɔɔ wukiɑ, n ɡɑri wɑ n ɡere n kɑ Lɑbɑɑri Geɑn ɡɑri yi yi rɑɑ beruɑ nɔɔsiɑ kɑ toro sindu.

Timɔte I 3:16

Kɑ ɡem, ɡoo sɑri wi u koo kpĩ u bɛsɛn sɑ̃ɑrun ɑsiri yen kpɑ̃ɑru siki. Gusunɔ u sɔ̃ɔsirɑ tɔnun wɑsi sɔɔ. Hunde Dɛɛro nùn ɡem wɛ̃. Wɔllun ɡɔrɑdobɑ bɑ mɑɑ nùn wɑ. Bɑ win ɡɑri bweseru bɑɑtere wɑɑsu kuɑ. Mɑ bɑ yi nɑɑnɛ doke hɑnduniɑ sɔɔ. Mɑ bɑ kpɑm nùn suɑ wɔllɔ u wurɑ win yiiko sɔɔ.

Piɛɛ I 3:14

Bɑɑ ì n nɔni swɑ̃ɑru wɑ ɡem sɔ̃, doo nɔɔruɡibɑ bɛɛ. I ku tɔmbun bɛrum ko, i ku mɑɑ wururɑ.

Kpɑrobu 9:7

Ye Yotɑmu u ɡɑri yi nuɑ, u dɑ u yɔ̃rɑ ɡuuru wɔllɔ te bɑ mɔ̀ Gɑrisimu u nɔɔɡiru suɑ u ɡbɑ̃rɑ u nɛɛ, i nɛn ɡɑri swɑɑ dɑkio bɛɛ Sikɛmuɡibu, kpɑ Gusunɔ u mɑɑ bɛɛɡii swɑɑ dɑki.