Esɑi 40:7 - Bibeli Gusunɔn Gari

⁷ Yinni Gusunɔ ù n derɑ woo ɡɑ yɑkɑsu swee, su rɑ ɡberewɑ, kpɑ sin wɛ̃su su dɛllɑ. Kɑ ɡem tɔmbu bɑ sɑ̃ɑwɑ nɡe yɑkɑsu.

Esɑi 40:7 ပူးပေါင်းရင်းမြစ်များ

Yoobu 14:2

U rɑ sewɑ nɡe dɑ̃ɑ wɛ̃su, kpɑ bu nùn burɑ. U rɑ doonɛwɑ nɡe sɑɑru.

Yoobu 4:9

Bɑ rɑ n Gusunɔn mɔru seeye kpɑ yu kɑ bu kɑm koosiɑ nɡe woo bɔkɔ.

Yoobu 41:21

Gɑ rɑ mɑɑ bokuru ɡɑrisiwɑ nɡe kɑbɑru. Bɑ̀ n ɡu yɑɑsɑ kɔ̃ɔwɑ ɡɑ rɑ n ye yɛ̃ɛmɔwɑ.

Womusu 102:4

Domi nɛn wɑ̃ɑrun tɔ̃rɑ doonɔ nɡe wiisu, mɑ nɛn kukunu dɔ̃ɔ mɔ̀ nɡe dɑ̃ɑ nɔɔ.

Womusu 103:15

Tɔnun wɑ̃ɑrun tɔ̃nu nu ku rɑ tɛ. Nu sɑ̃ɑwɑ nɡe yɑkɑsu. U rɑ sewɑ nɡe dɑ̃ɑ wɛ̃su.

Womusu 103:16

Woo ɡɑ̀ n su swee kpɑ su doonɑ. Bɑɑ sin yĩreru ɑ ǹ mɑɑ wɑsi.

Womusu 90:5

A rɑ tɔnun wɑ̃ɑru nɔru koosiewɑ nɡe mɛ dosu ɡɑ rɑ doonɛ bururu. Gɑ ku rɑ tɛ nɡe yɑkɑsu

Womusu 90:6

sìn wɛ̃su rɑ n bɑɑre bururu, ǹ n kuɑ yokɑ bu su burɑ kpɑ su ɡberɑ.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Esɑi 37:27

Wi, Yinni Gusunɔ, u derɑ wuu sin tɔmbɑ bɛrum soorɑ bɑ sekuru wɑ bɑ kuɑ dɑm sɑriruɡibu nɡe yɑkɑsu ɡberɔ, ǹ kun mɛ doo ɡɑ̃ɑru te ɡɛmi di.

Esɑi 40:24

Be kpuro bɑ sɑ̃ɑ nɡe dɑ̃ɑ ni bɑ ɡirɑ nu ǹ ɡbini mɔ. Gusunɔ ù n derɑ woo ɡɑ bu swee, kpɑ bu ɡberɑ, woo ɡunɑ yu kɑ bu doonɑ nɡe yɑkɑsu.

Esɑi 51:12

Gusunɔ u nɛɛ, nɛnɑ mi, nɛ wi nɑ bɛɛ nukuru yɛmiɑsiɑmɔ. Tɔnu u sɑ̃ɑwɑ nɡe yɑkɑsu. Mbɑn sɔ̃nɑ i ko i win bɛrum ko, wi, wi u rɑ ɡbi.

Asee 1:9

I tɑmɑɑ i ko i dĩɑnu wɑwɑ too bɛɛn ɡbeɑn di. Adɑmɑ wee fiikowɑ i wɑ. Fiiko ye i wɑ i kɑ dɑ yɛnuɔ mi, mɑ nɑ ye wom wure nɑ yɑrinɑsiɑ. Mbɑn sɔ̃. Yèn sɔ̃ i nɛn sɑ̃ɑ yeru deri tɑ kuɑ bɑnsu. Mɑ bɑɑwure u sɛnde u kɑ win tiin diru bɑni. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Yɑkɔbu 1:10

Dukiɑɡii mɑɑ u woo kɑnɔ win kɑwɑbun sɔ̃, domi u koo doonɑ nɡe yɑkɑsun wɛ̃su.

Yɑkɔbu 1:11

Sɔ̃ɔ yɑrɑ kɑ win yɑm susuru mɑ yɑkɑsu ɡberɑ, sin wɛ̃su dɛrurɑ mɑ sin burɑm kpɑ. Nɡe mɛyɑ dukiɑɡii u koo dɛrurɑ win sɔmɑ sɔɔ.