Esɑi 40:3 - Bibeli Gusunɔn Gari

³ Wee ɡoo u ɡbɑ̃rɑmɔ u mɔ̀, i Yinni Gusunɔ swɑɑ yɑbo ɡbɑburɔ, kpɑ i ye nɔɔ nɛrɑsiɑ.

Esɑi 40:3 ပူးပေါင်းရင်းမြစ်များ

Womusu 68:4

Adɑmɑ ɡemɡibu bɑ rɑ n nuku dobu kɑ nɑsɑrɑ mɔwɑ wunɛn mi kpɑ bɑ n yɛ̃ɛrimɔ.

Esɑi 35:8

Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

Esɑi 40:4

I yen wɔwɑ kpuro kɔruo yu nɔɔ nɛrɑ. I mɑɑ yen ɡuunun ɡunum kɑwo, kpɑ i yen ɡunɡunu nɔɔ nɛrɑsiɑ nu ko nɡe tem tɛɛrɑ kpɑ swɛɛ yi dɛndɑ.

Esɑi 43:19

Wee kon ɡɑ̃ɑ kpɑɑnu ko. Ni wee nu wee. I ǹ nu tubɑ? Kon swɑɑ yɑrɑ ɡbɑburɔ, kpɑ dɑɑnu nu n wɑ̃ɑ mi tem ɡbere.

Esɑi 49:11

Nɛ, Yinni Gusunɔ, kon nɛn ɡuunu ɡɔsiɑ swɛɛ, nɛn tɔmbu bu kɑ swɑɑ wɑ.

Esɑi 57:14

Nɛ, Yinni Gusunɔ, nɑ nɛɛ, i tii suo i swɑɑ sɔmɛ. I ɡɑ̃ɑ kɔ̃sunu kpuro wunɔ ni nu wɑ̃ɑ nɛn tɔmbun swɑɑ sɔɔ.

Mɑlɑsi 3:1

Mɑ Gusunɔ wɔllu kɑ tem Yinni u wisɑ u nɛɛ, wee kon nɛn sɔmɔ ɡɔrimɑ. U koo nɛn swɑɑ sɔmɛ. Kpɑ Yinni wi i kɑsu mi, u du win sɑ̃ɑ yerɔ subɑru sɔɔ. Wee sɔmɔ wi i kĩ mi, u sisi u kɑ nɛn ɑrukɑwɑnin ɡɑri kpɑrɑ.

Yohɑnu 1:23

Yohɑnu u nɛɛ, “nɛnɑ nɔɔ ɡe ɡɑ ɡbɑ̃rɑmɔ ɡbɑburɔ ɡɑ mɔ̀, i Yinni swɑɑ dɛndɑsio,” nɡe mɛ Gusunɔn sɔmɔ Esɑi u rɑɑ ɡeruɑ.