Esɑi 4:6 - Bibeli Gusunɔn Gari

⁶ kpɑ yɑ n sɑ̃ɑ nɡe kuru te tɑ ko n bu sɑɑru sɑ̃ɑwɛ yɑm susurun sɑɑ, kɑ mɑɑ kuku yeru woo bɔkɔ kɑ ɡurɑn sɔ̃.

Esɑi 4:6 ပူးပေါင်းရင်းမြစ်များ

Womusu 27:5

Domi u koo mɑn bere win wɑ̃ɑ yerɔ nɔni swɑ̃ɑrun sɑnɑm, kpɑ u kɑ mɑn dɑ kperu wɔllɔ mi ɡoo kun mɑn nɑɑ turi.

Womusu 55:8

Kon dukɑ yɑkurɑ n dɑ mi n tomɑ, kpɑ nɑ n wɑ̃ɑ ɡbɑburɔ.

Womusu 91:1

Wunɛ wi Wɔrukoo u kɔ̃su, ɑ wɛ̃rewɑ Dɑm kpuroɡiin tɔbuɔ.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Esɑi 14:32

Esɑi u nɛɛ, mbɑ sɑ ko Filisitibɑn ɡɔrobu wisi. Sɑ ko nɛɛ, Yinni Gusunɔwɑ u Siɔni swĩi. Miyɑ win tɔn be bɑ sɑ̃ɑ wɔnwɔndobu bɑ koo kuke kɑ bɔri yɛndu.

Esɑi 25:4

Domi ɑ kuɑ dɑm sɑriruɡibu kɑ wɔnwɔndobun kuku yeru, wɑhɑlɑn sɑɑ. A bu beruɑ woo bɔkɔn sɑɑ kɑ sɔ̃ɔn sɑɑ. Domi tɔn kɔ̃sobu bɑ rɑ tɔnu wɔriwɑ nɡe ɡuru woo ɡe ɡɑ ɡɑnɑ sweemɔ.

Esɑi 30:30

Sɑɑ yerɑ u koo de win nɔɔ dɑmɡuu ɡe, ɡu nɔɔrɑ. Win mɔru bɑkɑ ye, yɑ̀ n seewɑ u koo win dɑm sɔ̃ɔsi dɔ̃ɔ boko kɑ nim yibu bɑkɑru kɑ ɡuru woo bɔkɔ kɑ ɡuru kpenu sɔɔ.

Esɑi 32:1

Sɔ̃ɔ teeru ɡoo u koo yɑri u bɑndu di kpɑ wi kɑ win bwɑ̃ɑbu bu tem mɛ kpɑrɑ ɡem sɔɔ.

Esɑi 32:2

Ben bɑɑwure u ko n sɑ̃ɑwɑ nɡe kuku yeru woo bɔkɔn sɔ̃, ǹ kun mɛ nɡe dɑɑru mi kɑkoru sɑri, ǹ kun mɛ nɡe kpee bɑkɑrun sɑɑru mi dɑ̃ru ɡɑru sɑri.

Esɑi 8:14

U sɑ̃ɑwɑ kuku yeru, ɑdɑmɑ u mɑɑ sɑ̃ɑ kpee te Isirelibɑ kɑ Yudɑbɑ bɑ sokurɑmɔ. Mɛyɑ u mɑɑ sɑ̃ɑ yinɑ ye Yerusɑlɛmuɡibu bɑ wɔrimɔ.

Esekiɛli 11:16

Adɑmɑ ɑ bu sɔ̃ɔwɔ ɑ nɛɛ, bɑɑ mɛ nɑ derɑ bɑ yɑrinɛ mi, bɑ wɑ̃ɑ tem tukumɔ, sɔ̃ɔ teeru ko nɑ n kɑ bu wɑ̃ɑ nɡe mɛ nɑ rɑ n wɑ̃ɑ sɑ̃ɑ yerɔ.

Heberu 11:7

Kɑ nɑɑnɛ dokebɑ Nɔwɛ u Gusunɔn ɡɑri swɑɑ dɑki sɑnɑm mɛ u nùn kirɔ kuɑ ye yɑ sisin sɔ̃ ye u ǹ ɡinɑ wɑ. U Gusunɔ nɑsiɑ u nùn mɛm nɔɔwɑ mɑ u ɡoo nimkuu dɑ̃kɑ ɡè sɔɔ wi kɑ win yɛnuɡibu bɑ fɑɑbɑ wɑ. Nɡe mɛyɑ u hɑnduniɑɡibu tɑɑrɛ wɛ̃ mɑ u ɡem wɑ Gusunɔn nɔni sɔɔ nɑɑnɛ dokebun sɑɑbu.

Heberu 6:18

Ǹ n mɛn nɑ, ɡɑri yiru wɑ̃ɑ yi yi ǹ kɔsirɔ, yì sɔɔ Gusunɔ kun kpɛ̃ u weesu ko. Yiyɑ yi sun dɑm kɑ̃ɑ ɡem ɡem bɛsɛ be sɑ kuku yeru kɑsu, kpɑ su kɑ wɑ su mwɑ ye sɑ yĩiyɔ bɑ sun yiiye.

Kɑ̃siru 7:16

Bɑ ǹ mɑɑ ɡɔ̃ɔru wɑsi, ǹ kun mɛ nim nɔru. Sɔ̃ɔ kun mɑɑ bu soomɔ, mɛyɑ mɑɑ yɑm susurɑ kun bu wɑhɑlɑ mɔ̀.