Esɑi 4:5 - Bibeli Gusunɔn Gari

⁵ Yen biru u koo de dɔ̃ɔ wii bɑkɑru tu Siɔnin ɡuuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru ɡuu ten wɔllɔ, kpɑ win yiikon ɡirimɑ yu wuu ɡe wukiri,

Esɑi 4:5 ပူးပေါင်းရင်းမြစ်များ

Nɛɛmi 9:12

Sɔ̃ɔ sɔɔ, ɡuru wii wurorɑ ɑ rɑ kɑ wunɛn tɔn be kpɑre. Wɔ̃kuru mɑɑ, kpɑ tɑ n kɑ dɔ̃ɔ yɑri bɑkɑru weenɛ, tɑ n bu yɑm bururɑsie swɑɑ sɔɔ.

Womusu 105:39

Mɑ Gusunɔ u Isirelibɑ ɡuru wii wuronu wukiri, mɑ u bu yɑm bururɑsie wɔ̃kuru bu kɑ yɑm wɑ.

Womusu 111:1

I Yinni Gusunɔ siɑro. Kon Yinni Gusunɔ siɑrɑ kɑ nɛn ɡɔ̃ru kpuro. Kon nùn siɑrɑ tɔn dɛɛrobun suunu sɔɔ.

Womusu 78:14

Guru wii wurorɑ u derɑ tɑ bu ɡbiiye sɔ̃ɔ sɔɔ. Wɔ̃kuru, kpɑ u de dɔ̃ɔ yɑrɑ yɑ n sɔ̃ɔsire ɡuru wii wuro te sɔɔ.

Womusu 85:9

Yinni Gusunɔ, kon swɑɑ dɑki n nɔ ye ɑ ɡerumɔ. Domi bɔri yɛndun ɡɑriyɑ ɑ rɑ n wunɛn tɔmbu sɔ̃ɔmɔ be bɑ nun nɑɑnɛ sɑ̃ɑ mɑ bɑ kun wure wiirɑ ɡɑri sɔɔ.

Womusu 89:7

Yinni Gusunɔ, ɑ ǹ sɑɑrɑ mɔ wɔllɔ. Wunɛn ɡɔrɑdobɑ sɔɔ, ɡoo sɑri wi u kɑ nun nɛ.

Yɑribu 14:24

Ye n kuɑ buru buru yellu, mɑ Yinni Gusunɔ u bu mɛɛrimɑ sɑɑ ɡuru wii wuro ten min di, mɑ u bu nɑndɑsiɑ. Be kpuro bɑ yɔ̃sunɑ.

Yɑribu 24:16

Yerɑ Yinni Gusunɔn yiikon ɡirimɑ yɑ sɔ̃ɔsirɑ mi. Isirelibɑ bɑ ye wɑ, yɑ sɑ̃ɑ nɡe dɔ̃ɔ boko. Mɑ ɡuru wii wuro te, tɑ Sinɑin ɡuu te wukiri sere sɔ̃ɔ nɔɔbɑ tiɑ. Sɔ̃ɔ nɔɔbɑ yiruse Yinni Gusunɔ u Mɔwisi sokɑ sɑɑ ɡuru wii wuro ten min di.

Yɑribu 26:1

Yinni Gusunɔ u Mɔwisi sɔ̃ɔwɑ u nɛɛ, ɑ bekunu wɔkuru wesio kɑ wɛ̃ɛ dɑmɡii kɑ wɛ̃ɛ yi bɑ wɔ̃kuɑ kɑ burɑ kɑ mɑɑ ɡɑɑdurɑ, kɑ mɑɑ wɛ̃ɛ wunɔmɡii, kpɑ ɑ bekɑ ye burɑru dokeɑ tɑ n sɑ̃ɑ wɔllun kɔ̃sobun weenɑsibu. Kpɑ ɑ kɑ mɑn kuu bekuruɡiru kuɑ.

Yɑribu 26:7

Kpɑ ɑ mɑɑ bekunu wɔkurɑ tiɑ wesi kɑ boo sɑnsu ni bɑ koo kuu bekuruɡii te wukiri.

Esɑi 32:18

kpɑ bɛsɛ Yinni Gusunɔn tɔmbu sɑ n wɑ̃ɑ mi, bɔri yɛndu sɔɔ dii nɑɑnɛɡinɔ.

Esɑi 33:20

A Yerusɑlɛmu mɛɛrio mi sɑ rɑ bɛsɛn tɔ̃ɔ bɑkɑnu ko. Kɑɑ ye wɑ yɑ wɑ̃ɑ bɔri yɛndu sɔɔ. Yɑ ko n sɑ̃ɑwɑ nɡe kuu bekuruɡiru tèn dɑ̃nu bɑ ǹ mɑɑ wukɑmɔ. Mɛyɑ bɑ ǹ mɑɑ ten wɛ̃ɛ kusiɑmɔ.

Esɑi 37:35

Domi u koo wuu ɡe kɔ̃suwɑ u ɡu fɑɑbɑ ko win tiin sɔ̃ kɑ Dɑfidi win sɔm kowon sɔ̃.

Esɑi 46:13

Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.

Esɑi 60:1

Yerusɑlɛmu, ɑ seewo kpɑ ɑ n bɑllimɔ, domi yɑm bururɑm mu nun nɑɑwɑ. Nɛ, Yinni Gusunɔn yiiko yɑ nun wukiri.

Esɑi 60:2

Wee yɑm wɔ̃kurɑ tem kɑ tɔn tukobu wukiri. Adɑmɑ wunɛ, nɛn yiiko yɑ nun yɑm bururɑsie nɡe sɔ̃ɔ.

Mɑteu 18:20

Domi mi tɔmbu yiru ǹ kun mɛ itɑ bɑ mɛnnɛ kɑ nɛn yĩsiru, nɑ wɑ̃ɑ ben suunu sɔɔ.

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.