Esɑi 39:3 - Bibeli Gusunɔn Gari

³ Yen biruwɑ Gusunɔn sɔmɔ Esɑi u nɑ u Esekiɑsi bikiɑ u nɛɛ, mɑn diyɑ tɔn beni bɑ nun nɑɑwɑ. Ye bɑ tunumɑ, mbɑ bɑ ɡeruɑ. Mɑ Esekiɑsi u nùn wisɑ u nɛɛ, bɑ nɑwɑ sɑɑ tem ton tonden di mɛ bɑ mɔ̀ Bɑbiloni.

Esɑi 39:3 ပူးပေါင်းရင်းမြစ်များ

Sɑmuɛli II 12:1

Yen biru Yinni Gusunɔ u Nɑtɑni ɡɔrɑ Dɑfidin mi. Ye u turɑ, mɑ u nùn sɔ̃ɔwɑ u nɛɛ, tɔmbu yiru ɡɑbɑ bɑ wɑ̃ɑ wuu teu sɔɔ. Turo sɑ̃ɑ ɡobiɡii. Turo mɑɑ sɑ̃ɑ sɑ̃ɑro.

Bɑndun Gɑri II 16:7

Sɑɑ ye sɔɔrɑ, Gusunɔn sɔmɔ Hɑnɑni u dɑ u Asɑ Yudɑbɑn sinɑ boko deemɑ u nɛɛ, yèn sɔ̃ ɑ wunɛn nɑɑnɛ doke Sirin sinɑ boko sɔɔ, n ǹ mɔ Gusunɔ wunɛn Yinni sɔɔ, yen sɔ̃, Sirin sinɑ bokon tɑbu kowobu bɑ koo nun kisirɑri.

Bɑndun Gɑri II 19:2

Mɑ Yehu, Gusunɔn sɔmɔ Hɑnɑnin bii u nùn sennɔ dɑ. Mɑ u Yosɑfɑti sɔ̃ɔwɑ u nɛɛ, bɑ rɑ tɔn kɔ̃so somi? A be bɑ Gusunɔ tusɑ kĩ? Yenibɑn sɔ̃, Yinni Gusunɔ u kɑ nun mɔru sɑ̃ɑ.

Bɑndun Gɑri II 25:15

Yerɑ Yinni Gusunɔ u kɑ Amɑsiɑ mɔru kuɑ. Mɑ u nùn win sɔmɔ ɡoo ɡɔriɑmɑ. U nùn bikiɑ u nɛɛ, mbɑn sɔ̃nɑ ɑ Edɔmubɑn bũnu ɡurɑmɑ, ni, ni nu ǹ kpĩɑ nu bu wɔre wunɛn nɔmɑn di.

Esɑi 38:1

Sɑɑ ye sɔɔ, Esekiɑsi u bɑrɑ sere u ɡɔɔ turuku kuɑ. Mɑ Gusunɔn sɔmɔ Esɑi Amɔtin bii u nɑ win mi, u nùn sɔ̃ɔwɑ u nɛɛ, ɑmɛniwɑ Yinni Gusunɔ u ɡeruɑ. U nɛɛ, ɑ wunɛn yɛnuɡibu sɔ̃ɔwɔ ye bɑɑwure u koo ko wunɛn biru, domi kɑɑ ɡbi.

Esɑi 38:5

ɑ doo ɑ Esekiɑsi sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɛ, wi nɑ sɑ̃ɑ win bɑɑbɑ Dɑfidin Yinni, nɑ nɛɛ, nɑ win kɑnɑru nuɑ, nɑ mɑɑ win nɔni yĩresu wɑ. Wee, kon win wɑ̃ɑrun tɔ̃ru sosi wɔ̃ɔ wɔkurɑ nɔɔbu,

Esɑi 39:4

Esɑi u kpɑm nùn bikiɑ u nɛɛ, mbɑ bɑ wɑ wunɛn yɛnuɔ. Esekiɑsi u nùn wisɑ u nɛɛ, ye yɑ wɑ̃ɑ nɛn yɛnu ɡe sɔɔ kpuro bɑ wɑwɑ. Nɛn ɑrumɑni sɔɔ ɡɑ̃ɑnu sɑri ni nɑ ǹ bu sɔ̃ɔsi.

Yeremi 4:16

I ye bwesenu kpuro nɔɔsio. Kpɑ i ye Yerusɑlɛmuɡibu sɔ̃ i nɛɛ, yibɛrɛbɑ bɑ wee sɑɑ tontonden di. Bɑ koo Yudɑbɑn wusu tɑbun kuuki koosi.

Yeremi 5:15

Tɛ̃ bɛɛ nɛn tɔmbu, Isirelibɑ, kon bɛɛ bweseru ɡɑru suremɑ tontonden di. Bwese te, tɑ dɑm mɔ tɑ rɑɑ mɑɑ wɑ̃ɑwɑ sɑɑ yellun di. I ǹ mɑɑ ten bɑrum nɔɔmɔ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.

Yosue 9:6

Mɑ bɑ dɑ bɑ Yosue kɑ Isirelibɑ deemɑ Giliɡɑliɔ bɑ nɛɛ, sɑɑ tontonden diyɑ sɑ wee su kɑ bɛɛ ɑrukɑwɑni bɔke.

Yosue 9:9

Mɑ bɑ nùn wisɑ bɑ nɛɛ, bɛsɛ wunɛn bwɑ̃ɑbu sɑ weewɑ sɑɑ tontonden di yèn sɔ̃ sɑ Gusunɔ wunɛn Yinnin bɑɑru nuɑ kɑ mɑɑmɑɑki ye u kuɑ Eɡibitiɔ,