Esɑi 32:5 - Bibeli Gusunɔn Gari

⁵ Bɑ ǹ mɑɑ ɡɑri bɔkɔ sokumɔ tɔn boko. Mɛyɑ bɑ ǹ mɑɑ tɔn kɔ̃so sokumɔ tɔn ɡeo.

Esɑi 32:5 ပူးပေါင်းရင်းမြစ်များ

Womusu 12:8

Wee tɔn kɔ̃sobu bɑ wɑ̃ɑ yɑm kpuro. Mɑ tɔmbɑ sɑnkirɑmɔ bɑ dɔɔ. Yinni Gusunɔ, ɑ sun kɔ̃suo. A sun ɡbɑro ben nɔmɑn di.

Womusu 15:4

u rɑ be bɑ Gusunɔ nɑsie bɛɛrɛ wɛ̃, u rɑ wi Gusunɔ u yinɑ kɑm mɛɛri, u rɑ win nɔɔ mwɛɛru yibie bɑɑ ǹ n mɛren nɑ n nùn sɑ̃ɑ,

Esɑi 32:7

Tɔn kɔ̃son kookoosu kpuro su ku rɑ n wɑ̃. U rɑ kpunɑɑ dɑbinu kowɑ u kɑ bwɛ̃ɛbwɛ̃ɛ kɑm koosiɑ kɑ weesu, bɑɑ bwɛ̃ɛbwɛ̃ɛ wi, ù n ɡem mɔ.

Esɑi 5:20

Bɔ̃rurobɑ be bɑ rɑ kɔ̃sɑ soku ɡeɑ, kpɑ bu ɡeɑ soku kɔ̃sɑ. Bɔ̃rurobɑ be bɑ rɑ yɑm wɔ̃kuru soku yɑm bururɑm, kpɑ bu yɑm bururɑm ɡɔsiɑ yɑm wɔ̃kuru. Bɔ̃rurobɑ be bɑ rɑ ye n sosu ɡɔsie ye n do, kpɑ bu ye n do ɡɔsiɑ ye n sosu.

Mɑlɑsi 3:18

Sɑɑ yerɑ i ko i wɑ ye yɑ ɡemɡii kɑ tɔn kɔ̃so wunɑnɛ kɑ ye yɑ mɑɑ wi u Gusunɔ sɑ̃ɑmɔ kɑ wi u kun nùn sɑ̃ɑmɔ wunɑnɛ.

Sɑmuɛli I 25:25

Ye Nɑbɑli tɔnu kɑm wi, u nun kuɑ kpuro, ɑ ku ye ɡɑrisi ɡɑ̃ɑnu. Domi u sɑ̃ɑwɑ nɡe wiiro nɡe mɛ win yĩsirɑ ɡerumɔ. Mɛyɑ mɑɑ, tɔn be ɑ ɡɔrimɑ mi, nɛ kɑ be, sɑ ǹ wɑɑnɛ.