Esɑi 32:3 - Bibeli Gusunɔn Gari

³ Be n weenɛ bu yɑm wɑ, ben nɔni koo wukiɑrɑ. Be n weenɛ bu ɡɑri swɑɑ dɑki, bɑ koo nɔ sɑ̃ɑ sɑ̃ɑ.

Esɑi 32:3 ပူးပေါင်းရင်းမြစ်များ

Esɑi 29:18

Sɑɑ ye sɔɔ, sosobu bɑ koo tire ten ɡɑri nɔ. Wɔ̃kobu bɑ koo yɑm wɑ, kpɑ bu yɑri yɑm wɔ̃kurun di.

Esɑi 29:24

Bèn bwisikunu nu rɑɑ tondɔ, bɑ koo bwisi wɑ. Be bɑ ku rɑ rɑɑ mɑɑ ɡɑri wure, bɑ koo ɡɑri wurɑ.

Esɑi 30:26

Kpɑ Yinni Gusunɔ u win tɔmbun bosu nɔɔri, kpɑ u bu bɛkiɑ mi u bu mɛɛrɑ kuɑ. Dɔmɑ terɑ, surun yɑm bururɑm mu koo ko nɡe sɔ̃ɔɡim, kpɑ sɔ̃ɔɡim mu dorɑ mu sosi nɔn nɔɔbɑ yiru n kere yellu.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 54:13

Nɛnɑ kon wunɛn bibu kpuro keu sɔ̃ɔsi, kpɑ ben dukiɑ yɑ n kpɑ̃.

Yeremi 31:34

Domi tɔmbu kpurowɑ bɑ ko n mɑn yɛ̃ sɑɑ bibun di sere kɑ bukurobɔ. Goo kun mɑɑ win winsim ǹ kun mɛ win mɛro bisi ɡoo keu mɔ̀ u kɑ Gusunɔ ɡiɑ. Kon bu ben durum wɔkɑ, kpɑ n ku mɑɑ ye yɑɑyɑ.

Mɑteu 13:11

Mɑ u bu wisɑ u nɛɛ, bɛɛyɑ bɑ Gusunɔn bɑndun ɑsiri sɔ̃ɔsi, ɑdɑmɑ be bɑ tie, bɑ ǹ bu sɔ̃ɔsi.

Mɑɑku 7:37

Mɑ biti bɑkɑ bu mwɑ n bɑndɑ mɑ bɑ ɡerumɔ bɑ mɔ̀, ye u mɔ̀ kpuro ɡɑ̃ɑ burɑnɑ. U mɑm derimɔ sosobɑ ɡɑri nɔɔmɔ. Be bɑ ku rɑ rɑɑ mɑɑ ɡere, bɑ ɡerumɔ.

Gɔrobun Kookoosu 26:18

ɑ kɑ ben nɔni wukiɑ bu kɑ ɡɔsirɑ yɑm wɔ̃kurun di bu du yɑm bururɑm sɔɔ, kpɑ bu ɡɔsirɑ Setɑm dɑm di bu nɑ Gusunɔn mi, kpɑ bu ben torɑnun suuru wɑ bu ɑyeru tubi di kɑ be sɑnnu be Gusunɔ u ɡɔsɑ u kuɑ wiɡibu yèn sɔ̃ bɑ mɑn nɑɑnɛ doke.

Korinti II 4:6

Gusunɔ wi u nɛɛ, yɑm bururɑm mu bɑllio yɑm wɔ̃kurɔ, wiyɑ mɑɑ win yɑm bururɑm bɑllisiɑ bɛsɛn ɡɔ̃ruɔ, su kɑ win yiiko ɡiɑ ye yɑ bɑllimɔ Kirisin wuswɑɑn di.