Esɑi 3:8 - Bibeli Gusunɔn Gari

⁸ Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

Esɑi 3:8 ပူးပေါင်းရင်းမြစ်များ

Bɑndun Gɑri II 28:18

Filisitibɑ bɑ wɔrɑɑ nɑ wuu si su wɑ̃ɑ Sefɑlɑn wɔwɑɔ kɑ si su wɑ̃ɑ Yudɑn tem sɔ̃ɔ yɛ̃sɑn nɔm dwɑru ɡiɑ. Mɑ bɑ Bɛti Semɛsi kɑ Ayɑloni mwɑ kɑ Gederɔtu kɑ Soko kɑ yen bɑru kpɑɑnu kɑ Tinnɑ kɑ yen bɑru kpɑɑnu kɑ Gimuso kɑ yen bɑru kpɑɑnu. Mɑ bɑ sinɑ wuu si sɔɔ.

Bɑndun Gɑri II 33:11

Yerɑ Yinni Gusunɔ u Asirin sinɑ bokon tɑbu sinɑmbu ɡɔrɑ bɑ Mɑnɑse mwɑ bɑ yɔni doke, mɑ bɑ nùn bɔkuɑ kɑ sii ɡɑndun yɔni bɑ kɑ dɑ Bɑbiloniɔ.

Mɔnnu 26:27

Wi u suurɑ ɡbemɔ, wiyɑ u koo ye wɔri. Wi u mɑɑ kperu bimiɑmɔ, wiyɑ tɑ koo sɛ̃re.

Esɑi 1:7

Bɛɛn tem mu kuɑ bɑnsu. Mɛn wusu dɔ̃ɔ mwɑɑkirɑ. I tɔn tukobu mɛɛrɑ bɑ kɑ mɛn dĩɑnu ɡurɑ, bɑ ǹ ɡɑ̃ɑnu deri.

Esɑi 49:19

Wunɛn tem mɛ bɑ rɑɑ wɔri bɑ sɑnkɑ, tɔmbɑ koo dɑbiɑ mɛ sɔɔ bɑ n bɑɑsinɛ. Be bɑ rɑɑ mɑɑ nun dɑm dimɔ, bɑ koo doonɑ n tomɑ.

Esɑi 57:4

Wɑrɑ i yɛ̃ɛmɔ, wɑrɑ i nɔɔ swiikinu koosimɔ. I ǹ yɛ̃ mɑ i sɑ̃ɑwɑ bwese te tɑ ku rɑ mɛm nɔ, te tɑ rɑ weesu ko?

Esɑi 59:3

Bɛɛn nɔmɑ yɑ yɛm yibɑ, domi i tɔmbu ɡo. Weesu kɑ ɡɑri kɔ̃siyɑ yi yɑrimɔ bɛɛn nɔsun di.

Esɑi 6:11

Mɑ nɑ nɛɛ, Yinni, sere sɑɑ yerɑ̀ yɑ ko n sɑ̃ɑ mɛ. Mɑ u mɑn wisɑ u nɛɛ, sere wuu sinin tɔmbu bɑ̀ n ɡbisukɑ, kpɑ su ko bɑnsu, kpɑ tem mɛ kpuro mu kɑm ko.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Yeremi 23:36

Adɑmɑ bu ku rɑɑ mɑɑ ɡere bu nɛɛ, nɑ bu sɔmunu sɔbi. Wi u ye ɡeruɑ, win ɡɑri koo wɔri win tii sɔɔ. Domi bɑ nɛn ɡɑri tɛmɑmɔwɑ nɛ wi nɑ sɑ̃ɑ ben Yinni wi u rɑ n wɑ̃ɑ, u dɑm kpuro mɔ.

Yeremi 26:18

Misee Mɔresɛtiɡii u rɑɑ Gusunɔn ɡɑri ɡeruɑ Yudɑn sinɑ boko Esekiɑsin wɑɑti u nɛɛ, ɑmɛniwɑ Gusunɔ, wɔllu kɑ tem Yinni u ɡeruɑ. U nɛɛ, bɑ koo Yerusɑlɛmu bwiiyɑ nɡe ɡberu, kpɑ yu ko nɡe kpee ni bɑ subɑ, kpɑ ɡuu tèn wɔllɔ bɑ Yinni Gusunɔn sɑ̃ɑ yee te bɑnɑ, tu dɑ̃nu kpi n ko dɑ̃ɑ sɔ̃ɔ bɔkɔ.

Yeremi 26:6

Yen sɔ̃, kon sɑ̃ɑ yee te kɑm koosiɑ nɡe mɛ nɑ Siloɡiru kuɑ, kpɑ n de bwesenu kpuro nu wuu ɡen yĩsiru siɑ nù n bɔ̃rumɔ.

Yeremi 4:13

Mɑ Yudɑbɑ bɑ nɛɛ, ɡberɑ sun di, domi sɑ kɑm kuɑ. Wee, wi u koo sun kɑm koosiɑ u sĩimɔ nɡe ɡuru wiru. Win tɑbu kɛkɛ yi sɑ̃ɑ nɡe ɡuru woo. Mɑ win dumi yi ɡunɔ bɑkeru sɑ̃ɑbu kere.

Yeremi 44:3

Domi bɑ kɔ̃sɑ kuɑ bɑ nɛn mɔru seeyɑ ye bɑ kɑ dɑ bɑ bũnu yɑ̃kunu kuɑmmɛ ni bɛɛ kɑ bɛɛn bɑɑbɑbɑ i ǹ dɑɑ yɛ̃.

Swĩi 1:9

Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Esekiɛli 8:12

Yinni Gusunɔ u bikiɑ u nɛɛ, tɔnun bii, ɑ wɑ ye Isirelibɑn ɡuro ɡurobu bɑ mɔ̀ ɑsiri sɔɔ? Ben bɑɑwure u win bũu yeru mɔ. Mɑ bɑ tii ɡɑfɑrɑ kuɑmmɛ bɑ mɔ̀, nɛ, Yinni Gusunɔ nɑ ǹ bu wɑɑmɔ. Domi nɑ ben tem deri.

Esekiɛli 9:9

Yinni Gusunɔ u nɛɛ, be Isirelibɑ kɑ Yudɑbɑn torɑnɑ nu kpɛ̃ɑ. Wee ben tem mɛ sɔɔ, tɔn ɡoberɑ tɑ wɑ̃ɑ, ɡem sɑri. Domi bɑ mɔ̀, nɛ, Yinni Gusunɔ nɑ ben tem deri. Nɑ ǹ mɑɑ wɑɑmɔ ye bɑ mɔ̀.

Osee 5:5

Isirelibɑn tii suɑbu bu sɔ̃ɔsimɔ mɛ bɑ sɑ̃ɑ. Bɑ koo wɔrumɑ ben durum sɔ̃. Yudɑbɑn tii bɑ koo wɔrumɑ kɑ be sɑnnu.

Osee 7:16

Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Misee 3:12

Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ. Kpɑ Yerusɑlɛmu yu ko bɑnsu. Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.

Misee 6:12

Wee bɛɛn ɡobiɡibu bɑ tɔmbu dɑm dɔremɔ, bɑ rɑ n weesu mɔ̀. Kpɑ bɑ n ɡɑbu nɔni wɔ̃kumɔ kɑ ben ɡɑri.

Hɑbɑkuku 1:13

Adɑmɑ ɑ ǹ kpɛ̃ ɑ yɔ̃rɑ ɑ n kɔ̃sɑ mɛɛrɑ, domi ɑ dɛɛre too. Ǹ n mɛn nɑ, mbɑn sɔ̃nɑ ɑ mɛɛrɑ ye tɔn kɔ̃sobɑ mɔ̀, mɑ ɑ ǹ ɡɑ̃ɑnu ɡerumɔ. Mbɑn sɔ̃nɑ ɑ mɑɑri tɔn kɔ̃sobu bɑ ɡemɡibu ɡoomɔ.

Korinti I 10:22

Sɑ kĩ su Yinnin nisinu seeyɑwɑ? Sɑ nùn dɑm kere?

Yudu 1:15

u kɑ bɑɑwure kpuro siri kpɑ u kɑ Gusunɔn bɛɛrɛ yɛ̃ru sɑriruɡibu kpuro tɑɑrɛ wɛ̃ ben kom kɔ̃sum kpuron sɔ̃ mɛ bɑ kuɑ Gusunɔn ɡɛndun sɔ̃, kɑ mɑɑ ɡɑri kɔ̃sin sɔ̃ yi torobu be bɑ ǹ Gusunɔn bɛɛrɛ yɛ̃ bɑ nùn ɡerusi.