Esɑi 3:2 - Bibeli Gusunɔn Gari

^2-3 Domi u koo ben tɑbu durɔ dɑmɡibu kɑ ben tɑbu kowobu wunɑ u ɡo, kɑ ben siri kowobu kɑ ben sɔrobu kɑ ɡuro ɡurobu kɑ be bɑ sɑ̃ɑ tɑbu kowobu weerɑɑkuukuubun wiruɡibu kɑ ben sinɑ ɑsɑkpɔbu kɑ ben bwisi kɛ̃ɔbu kɑ ben nɔmɑn sɔm kowo kpokobɑ kɑ ben timɡii ɡisonkobɑ kɑ mɑm wi, Gusunɔn sɔmɔbun tii.

Esɑi 3:2 ပူးပေါင်းရင်းမြစ်များ

Bɑndun Gɑri I 9:1

Bɑ Isirelibɑ kpuron yĩsɑ yoruɑ ben ɡɑri ɡɑrin tireru sɔɔ nɡe mɛ bɑ kɑ swĩinɛ, bwese kɛrɑ kɑ bwese kɛrɑ. N deemɑ bɑ Yudɑbɑ kpuro yoru mwɑ bɑ kɑ dɑ Bɑbiloniɔ kɔ̃sɑ ye bɑ kuɑn sɔ̃.

Womusu 74:9

Yinni, sɑ ǹ mɑɑ yĩreru ɡɑru wɑɑmɔ te tɑ sun sɔ̃ɔsimɔ mɑ ɑ wɑ̃ɑ bɛsɛn suunu sɔɔ. Wunɛn sɔmɔbu bɑ ǹ mɑɑ wɑ̃ɑ. Bɛsɛn ɡoo kun mɑɑ yɛ̃ sere sɑɑ yerɑ̀ kɑɑ n sun deri mɛ.

Esekiɛli 17:12

ɑ Yudɑn mɛm nɔɔ sɑri be bikio ɑ nɛɛ, bɑ mɔn ten tubusiɑnu yɛ̃? A bu sɔ̃ɔwɔ ɑ nɛɛ, wee Bɑbilonin sinɑ boko u dɑ Yerusɑlɛmuɔ. U ben sinɑ boko mwɑ kɑ win sinɑ ɑsɑkpɔbu mɑ u kɑ bu dɑ Bɑbiloniɔ.

Esekiɛli 17:13

Mɑ u turo ɡɔsɑ wi u sɑ̃ɑ nɡe kpii pɔturɑ sinɑ bibu sɔɔ, u kɑ nùn ɑrukɑwɑni bɔkuɑ. U nùn bɔ̃rusiɑ. Mɑ Bɑbilonin sinɑ boko wi, u ben bukurobu ɡurɑ u kɑ dɑ win temɔ.

Esekiɛli 8:12

Yinni Gusunɔ u bikiɑ u nɛɛ, tɔnun bii, ɑ wɑ ye Isirelibɑn ɡuro ɡurobu bɑ mɔ̀ ɑsiri sɔɔ? Ben bɑɑwure u win bũu yeru mɔ. Mɑ bɑ tii ɡɑfɑrɑ kuɑmmɛ bɑ mɔ̀, nɛ, Yinni Gusunɔ nɑ ǹ bu wɑɑmɔ. Domi nɑ ben tem deri.

Esekiɛli 9:5

Mɑ Esekiɛli u nuɑ durɔ wi, u be bɑ tie sɔ̃ɔmɔ u mɔ̀, i durɔ wi swĩiyɔ wuu ɡe sɔɔ kpɑ i tɔmbu so i ɡo. I ku bu mɛɛri kɑ wɔnwɔndu. I ku tii nɛnɛ.

Amɔsu 2:3

Kon ben sinɑ boko kɑ win tɑbu sinɑmbu kpuro kpeerɑsiɑ. Nɛ, Yinni Gusunɔwɑ nɑ yeni ɡeruɑ.