Esɑi 3:16 - Bibeli Gusunɔn Gari

¹⁶ Yinni Gusunɔ u mɑɑ nɛɛ, wee Yerusɑlɛmun tɔn kurɔbu bɑ tii sue. Mɑ bɑ sĩimɔ bɑ yɛ̃kɔ mɔ̀, bɑ wĩinu dɛmiɛ. Bɑ ǹ sekuru mɔ, bɑ ben nɑɑsun sumi soonɑmɔ.

Esɑi 3:16 ပူးပေါင်းရင်းမြစ်များ

Mɔnnu 16:18

Fɑɑri yɑ rɑ tɔmbu surewɑ. Tii suɑbu bu rɑ kɑ kɑm kobu nɛwɑ.

Mɔnnu 21:4

Tii suɑbu kɑ tɔn biɑru yerɑ yɑ rɑ tɔn kɔ̃sobun durum sɔ̃ɔsi.

Mɔnnu 30:13

Gɑbɑ wɑ̃ɑ bɑ rɑ n tii sue kpɑ bɑ kun ɡoo ɡɑrɑ.

Womu Duro 3:11

I yɑrimɑ bɛɛ Siɔnin wɔndiɑbɑ, i sinɑ boko Sɑlomɔɔ wɑ. U win furɔ doke ɡe win mɛro nùn dokeɑ sɑɑ ye u kurɔ kpɑɑru kuɑ. Dɔmɑ te, u wɑ̃ɑ nuku dobu sɔɔ.

Esɑi 1:8

Mɑ Yerusɑlɛmu yɑ tiɑrɑ ye tɔnɑ. Yɑ kɔ̃ɔre nɡe kuru resɛm ɡbɑɑrun suunu sɔɔ, ǹ kun mɛ, ɡberɔ. Yɑ yɔ̃ tom ye tɔnɑ nɡe wuu ɡe bɑ tɑbu bure bɑ doonɑ.

Esɑi 24:4

Tem mu koo ɡberɑ. Mu ǹ mɑɑ ɡɑ̃ɑnu kpiisiɑmɔ. Mɛn tɔmbu bɑ ko n wɑsikirɑmɔ bɑ n ɡɔɔ dɔɔ. Mɛn wiruɡibu bɑ ǹ ko n mɑɑ dɑm mɔ.

Esɑi 3:1

Esɑi u nɛɛ, Gusunɔ, wɔllu kɑ tem Yinni, u koo Yerusɑlɛmuɡibu kɑ Yudɑbɑ kpuron ɑrumɑni kpeerɑsiɑ. Bɑ ǹ mɑɑ dĩɑnu kɑ nim wɑsi. Bɑ ǹ mɑɑ somiru ɡɑru wɑsi ɡɑm di.

Esɑi 3:17

Yen sɔ̃nɑ kon de bu ko wii kpɑrɑnuɡibu, kpɑ n bu terenu yɔ̃su.

Esɑi 3:18

Sɑɑ ye sɔɔ, kon ben burɑ yɑ̃nu kpuro wunɑ. Niyɑ ben nɑɑsun sumi kɑ ben serin burɑ yɑ̃nu kɑ ben sɑbɑbɑ yi yi kɑ suru kɛ̃kɑ weenɛ,

Esɑi 3:4

U koo de ɑluwɑɑsibɑ bɑ n bu kpɑre nɡe mɛ bɑ kɑ kĩ.

Esɑi 4:4

Yinni Gusunɔ u koo Yerusɑlɛmun tɔn kurɔbu disi wɔkɑ, kpɑ u wuu ɡen tii dɛɛrɑsiɑ, u ɡu siri kɑ win dɑm bɑkɑm tɔn be bɑ rɑɑ ɡon sɔ̃.

Sofoni 3:11

Yen tɔ̃ɔ te, bɛɛ win tɔmbu Isirelibɑ, i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ. Domi u koo be bɑ rɑ tii sue bɛɛn suunu sɔɔ wunɑ, kpɑ bɛɛn tiin tɔn biɑru tu kpe win ɡuu dɛɛrɑrun wɔllɔ.

Mɑteu 21:5

“I Yerusɑlɛmuɡibu sɔ̃ɔwɔ i nɛɛ, wee, ben sunɔ sisi ben mi. Wi, tɔn duuduowɑ, u kɛtɛku sɔni, kɛtɛku buu kpɛmbu.”

Luku 23:28

Yesu u sĩirɑ ben mi ɡiɑ mɑ u nɛɛ, Yerusɑlɛmun tɔn kurɔbu, i ku swĩ nɛn sɔ̃, ɑdɑmɑ i swĩiyɔ bɛɛn sɔ̃ kɑ bɛɛn bibun sɔ̃.