Esɑi 3:11 - Bibeli Gusunɔn Gari

¹¹ Adɑmɑ bɔ̃rurowɑ wi u nuku kɔ̃suru mɔ. U ko n wɑ̃ɑwɑ nuku sɑnkirɑnu sɔɔ, domi win sɔmburun ɑreyɑ u koo wɑ.

Esɑi 3:11 ပူးပေါင်းရင်းမြစ်များ

Torubu 18:25

N ǹ weenɛ ɑ tɔn ɡeobu kɑ tɔn kɔ̃sobu kpeerɑsiɑ sɑnnu kpɑ be kpuro bu ɑre tee wɑ. Yen bweserɑ kun kɑ nun weenɛ. Wunɛ wi kɑɑ hɑnduniɑ kpuro siri, ɑ ǹ kɑɑ ko ye n wɑ̃?

Sɑmuɛli II 3:39

Wee, nɑ ǹ dɑm mɔ, bɑɑ mɛ bɑ mɑn ɡum tɑ̃re wirɔ nɑ kɑ kuɑ sunɔ. Seruyɑn bibu bɑ mɑn bɔbunu kere. Yen sɔ̃, Gusunɔ u tɔn kɔ̃so nùn win nuku kɔ̃suru kɔsie.

Bɑndun Gɑri II 6:23

nɑ nun kɑnɑmɔ ɑ yɛ̃ro swɑɑ dɑkio wɔllun di kpɑ ɑ bu siriɑ. A tɔn kɔ̃so nùn win kɔ̃sɑ kɔsieyo, kpɑ ɑ mɑɑ ɡemɡii nùn win ɡem wɛ̃.

Yoobu 10:15

Nɑ̀ n sɑ̃ɑn nɑ tɔn kɔ̃so, nɑ kuɑ bɔ̃ruro. Nɑ̀ n mɑɑ dɛɛren nɑ, nɑ ǹ mɑɑ wiru seeyɑmɔ, domi sekurɑ mɑn mɔ̀, mɑ nɑ nɔni swɑ̃ɑru nɔɔrɑmɔ.

Womusu 28:4

A bu ben kookoosun ɑre wɛ̃ɛyɔ nɡe mɛ yi nɛ. Ye bɑ ɡɑbu kuɑ, ɑ de yu wɔri ben wirɔ.

Womusu 62:12

N ǹ nɔn teeru nɑ Gusunɔn ɡere yeni nuɑ ye u nɛɛ, wiyɑ u dɑm mɔ.

Mɔnnu 1:31

Yen sɔ̃, i ko bɛɛn himbɑ kɑ bɛɛn kookoosun ɑre di i debu.

Mɔnnu 11:31

Gemɡii u rɑ win ɑre wɑwɑ tɑrɑ mi. Kɑɑ sere ɡere tɔn kɔ̃so?

Mɔnnu 12:14

Tɔnun ɡere yɑ koo nùn ɡɑ̃ɑ ɡeenu mɑruɑ nɡe mɛ win sɔmburu tɑ rɑ nùn ɑre wɛ̃.

Mɔnnu 26:27

Wi u suurɑ ɡbemɔ, wiyɑ u koo ye wɔri. Wi u mɑɑ kperu bimiɑmɔ, wiyɑ tɑ koo sɛ̃re.

Wɑɑsu kowo 8:13

Tɔn kɔ̃so kun doo nɔɔru wɑsi. Win wɑ̃ɑrɑ kun dɛnyɑmɔ tu sɑɑru kerɑ. Domi u ǹ Yinni Gusunɔ nɑsie.

Esɑi 13:11

Yinni Gusunɔ u nɛɛ, kon hɑnduniɑɡibu sɛɛyɑsiɑ ben kɔ̃sɑ ye bɑ mɔ̀n sɔ̃, kɑ mɑɑ nuku kɔ̃suruɡibu ben nuku kɔ̃surun sɔ̃. Kon de be bɑ tii sue bu kɑm ko, kpɑ n be bɑ tɔmbu dɑm dɔremɔ kpeerɑsiɑ.

Esɑi 48:22

Adɑmɑ kɔ̃sɑn kowobu bɑ ǹ bɔri yɛndu wɑsi. Wi, Yinni Gusunɔwɑ u yeni ɡeruɑ.

Esɑi 65:20

Biin ɡɔɔ kun ko n mɑɑ wɑ̃ɑ mi, ǹ kun mɛ durɔ tɔkɔ wi u kun win wɑ̃ɑrun tɔ̃ru yibɑ. Wi u wɔ̃ɔ wunɔbu (100) turɑ u kɑ ɡu, bɑ koo nùn ɡɑrisiwɑ ɑluwɑɑsi. Wi u mɑɑ ɡu u ǹ wɔ̃ɔ wunɔbu (100) ye turɑ, bɑ koo nɛɛwɑ, nɑ yɛ̃ro bɔ̃rusi.

Esɑi 65:6

Bɛɛ nɛn tɔmbu, wee ye nɑ ɡɔ̃ru doke n ko tɛ̃. Nɑ ǹ mɑrimɔ. Kon dewɑ i bɛɛn kɔ̃sɑn ɑre kpuro sɔbe.

Esɑi 65:7

Kon de i bɛɛn durum sɔbe kɑ mɑɑ bɛɛn sikɑdobɑɡiɑ, be, be bɑ mɑn torɑri bɑ bũnu turɑre dɔ̃ɔ dokeɑ ɡuunu wɔllɔ. Kon bɛɛ bɛɛn kookoo si i kuɑn ɑre kɔsiɑ.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 31:30

Adɑmɑ wi u win resɛm ɡɔmɑ di, win nɔɔwɑ ɡɑ koo yɑɑyɑ. Wi u mɑɑ durum kuɑ, wiyɑ u koo ɡbi.

Esekiɛli 16:59

Nɛ, Yinni Gusunɔ nɑ nɛɛ, wee ɑ mɑn ɡɛmɑ. A ǹ nɛn ɑrukɑwɑni yibie. Yen sɔ̃, kon nun kɔsie ye ɑ mɑn kuɑ.

Esekiɛli 18:20

Wi u torɑ, wiyɑ u koo ɡbi. Bibu bɑ ǹ ben bɑɑbɑbɑn torɑnun ɑre sɔɔmɔ. Mɛyɑ bɑɑbɑbɑ bɑ ǹ mɑɑ ben bibun torɑnun ɑre sɔɔmɔ. Kon ɡemɡii nùn win ɑre wɛ̃ yèn sɔ̃ u kom ɡem kuɑ. Kpɑ n mɑɑ tɔn kɔ̃so sɛɛyɑsiɑ yèn sɔ̃ u kɔ̃sɑ kuɑ.

Esekiɛli 2:10

Nɔmu ɡe, ɡɑ tire te kusiɑ win wuswɑɑɔ. Bɑ tu yoruɑwɑ berɑ yiru kpuro. Gɑri yi yi yoruɑ tire te sɔɔ, yiyɑ weeweenu kɑ wuri kɑ nuku sɑnkirɑnun ɡɑri.

Esekiɛli 24:14

Nɛ, Yinni Gusunɔwɑ nɑ yeni ɡeruɑ. Kon ye siriwɑ nɡe mɛ yen dɑɑ yɑ nɛ, nɑ ǹ yen wɔnwɔndu mɔ̀. Yɑ koo mɑɑ koorɑ. Kon ye kowɑ nɑ ǹ sikɑ mɔ̀. Nɑ ǹ biru wurɑmɔ.

Esekiɛli 33:8

Nɑ̀ n tɛ̃ nɛɛ, tɔn kɔ̃so ɡoo u koo ɡbi, mɑ ɑ ǹ nùn kirɔ kue u kɑ win dɑɑ kɔ̃sɑ ye deri, u koo ɡbiwɑ win durum sɔɔ kpɑ n nun win yɛm bikiɑ.

Misee 3:4

Yen sɔ̃nɑ ì n Yinni Gusunɔ kɑnɑ u bɛɛ somi, u ǹ bɛɛ wisimɔ. U koo bɛɛ biru kisiwɑ kɔ̃sɑ ye i kuɑ min sɔ̃.

Misee 7:13

Kpɑ tem mɛ mu tie duniɑ sɔɔ mu ko bɑnsu, tɔn be bɑ wɑ̃ɑ min kom kɔ̃sum sɔ̃.

Gbɑburu 32:23

Adɑmɑ ì kun kue mɛ, i Yinni Gusunɔ torɑriwɑ mi. Kpɑ i n yɛ̃ mɑ bɛɛyɑ i ko i torɑ ten ɑre sɔbe.

Korinti II 5:10

Domi sɑ ǹ ko ko sɑ kun yɔ̃re Kirisin wuswɑɑɔ u kɑ sun siri bɛsɛ kpuro, kpɑ u kɑ bɑɑwure kɔsiɑ nɡe mɛ win kookoosu nɛ si u kuɑ win wɑ̃ɑru sɔɔ, ǹ n kɔ̃sɑn nɑ, ǹ n mɑɑ ɡeɑn nɑ.

Yɑkɔbu 2:13

Domi wi u kun wɔnwɔndu mɔ, wɔnwɔndu sɑriru sɔɔrɑ bɑ koo yɛ̃ro siri, ɑdɑmɑ wɔnwɔndɑ tɑ koo kpĩ tu woo kɑnɑ siribun wuswɑɑɔ.

Kpɑrobu 9:57

Mɛyɑ Yinni Gusunɔ u mɑɑ Sikɛmuɡibu ben kɔ̃sɑ ye bɑ kuɑ kɔsie. Mɑ Yotɑmu, Gedeonin biin bɔ̃ri yi bu di.