Esɑi 3:1 - Bibeli Gusunɔn Gari

¹ Esɑi u nɛɛ, Gusunɔ, wɔllu kɑ tem Yinni, u koo Yerusɑlɛmuɡibu kɑ Yudɑbɑ kpuron ɑrumɑni kpeerɑsiɑ. Bɑ ǹ mɑɑ dĩɑnu kɑ nim wɑsi. Bɑ ǹ mɑɑ somiru ɡɑru wɑsi ɡɑm di.

Esɑi 3:1 ပူးပေါင်းရင်းမြစ်များ

Sinɑmbu II 25:3

Sɑɑ ye sɔɔrɑ ɡɔ̃ɔrɑ dɑm kuɑ wuu ɡe sɔɔ. Wɔ̃ɔ ɡen suru nnɛsen sɔ̃ɔ nɔɔbɑ nnɛse sɔɔ,

Womusu 105:16

U derɑ ɡɔ̃ɔrɑ nɑ tem mɛ sɔɔ. Mɑ bɑ dĩɑnu biɑ bu di.

Esɑi 1:24

Yen sɔ̃, i swɑɑ dɑkio i nɔ ye nɛ Gusunɔ, wɔllu kɑ tem Yinni nɑ ɡerumɔ, nɛ wi nɑ sɑ̃ɑ bɛɛ Isirelibɑn dɑm. Nɑ nɛɛ, kon bɛɛ nɛn yibɛrɛbɑ mɔru kɔsie kpɑ nɛn mɔru yu wɑ yu sure.

Esɑi 2:22

Ǹ n mɛn nɑ, i ku bɛɛn nɑɑnɛ doke tɔnu sɔɔ. U sɑ̃ɑwɑ nɡe woo. U ǹ sɑ̃ɑ ɡɑ̃ɑnu.

Esɑi 3:16

Yinni Gusunɔ u mɑɑ nɛɛ, wee Yerusɑlɛmun tɔn kurɔbu bɑ tii sue. Mɑ bɑ sĩimɔ bɑ yɛ̃kɔ mɔ̀, bɑ wĩinu dɛmiɛ. Bɑ ǹ sekuru mɔ, bɑ ben nɑɑsun sumi soonɑmɔ.

Esɑi 36:12

Adɑmɑ durɔ wi, u bu wisɑ u nɛɛ, i tɑmɑɑ nɛn yinni u mɑn ɡɔrimɑ bɛɛ kɑ bɛɛn yinni tɔnɑn sɔ̃ n kɑ ɡɑri yini ɡere? Aɑwo, kɑ mɑɑ be bɑ sɔ̃ ɡbɑ̃rɑru wɔllɔn sɔ̃nɑ be bɑ koo ben tiin swɑɑ swĩibu di kpɑ bu ben yɛ̃kum nɔ, kɑ bɛɛ sɑnnu.

Esɑi 5:13

Yen sɔ̃nɑ kon de bu bu yoru mwɛɛri subɑru sɔɔ bu kɑ doonɑ. Ben sinɑ bibɑ koo ɡbi ɡɔ̃ɔrun sɔ̃, kpɑ be bɑ tie bu ɡbi nim nɔrun sɑɑbu.

Esɑi 51:22

Amɛniwɑ nɛ Gusunɔ, wunɛn Yinni, nɛ wi nɑ nɛn tɔmbu fɑɑbɑ mɔ̀, nɑ ɡeruɑ. Nɑ nɛɛ, kon nɔrɑ ye mwɑ wunɛn nɔmun di, ye yɑ nɛn mɔru yibɑ mɑ yɑ derɑ ɑ bɑ̃ɑrimɔ. A ǹ mɑɑ ye nɔrumɔ.

Esɑi 9:20

Mɑnɑsebɑ kɑ Efɑrɑimubɑ bɑ tɑbu wɔrinɑmɔ. Yen biru be kpuro bɑ mɛnnɑ bɑ Yudɑbɑ wɔri. Kɑ mɛ, Yinni Gusunɔn mɔru kun sure. U mɑɑ bu nɔmu doke, u sɛɛyɑsiɑmɔ.

Yeremi 37:21

Yerɑ sinɑ boko Sedesiɑsi u woodɑ wɛ̃ u nɛɛ, bu nùn yiiyo pirisɔm dirun yɑɑrɑɔ kpɑ bɑ n dɑ nùn pɛ̃ɛ kuse teeru wɛ̃ bɑɑdommɑ ye wuun pɛ̃ɛ kowobɑ rɑ ko sere wuu nukurun pɛ̃ɛ yu kɑ kpe. Nɡe mɛyɑ u kɑ sinɑ pirisɔm dirun yɑɑrɑ mi.

Yeremi 38:9

nɛn yinni sinɑ boko, ye tɔn be, bɑ kuɑ mi, yɑ ǹ wɑ̃, ye bɑ kɑ Yeremi kpɛ̃ɛ dɔkɔ kpiriru sɔɔ. U koo ɡbi mi, ɡɔ̃ɔrun sɔ̃, domi dĩɑnu kun mɑɑ wɑ̃ɑ wuuɔ.

Yeremi 52:3

Yinni Gusunɔ u kɑ Yerusɑlɛmuɡibu kɑ Yudɑbɑ mɔru kuɑ, mɑ u bu ɡirɑ win wuswɑɑn di. Mɑ Sedesiɑsi u Nɛbukɑnɛsɑɑ Bɑbilonin sinɑ boko seesi.

Yeremi 52:6

Wɔ̃ɔ ɡen suru nnɛsen sɔ̃ɔ nɔɔbɑ nnɛse sɔɔ, yerɑ ɡɔ̃ɔrɑ wuu ɡe nɛnuɑ. Domi dĩɑnu mɑɑ sɑri tem mɛ sɔɔ ni tɔmbɑ koo di.

Swĩi 5:4

Gobiyɑ sɑ rɑ kɔsie su sere bɛsɛn tiin dɔkɔn nim nɔ. Gobiyɑ sɑ rɑ mɑɑ kɑ bɛsɛn tem dɑ̃ɑ dwe.

Esekiɛli 14:13

tɔnun bii, su tɛ̃ nɛɛ, tem ɡɑm tɔmbu bɑ mɑn mɛm nɔɔbu sɑriru kuɑ. Mɑ nɑ bu nɛn dɑm sɔ̃ɔsi nɑ ben dĩɑnu kɑm koosiɑ nɑ bu ɡɔ̃ɔru kpɛ̃ɛ bɑ ɡbisukumɔ be kɑ ben yɑɑ sɑbenɔ kpuro,

Sɑ̃ɑrun Woodɑ 26:26

Kon de ɡɔ̃ɔru tu nɑ. Sɑɑ ye sɔɔ, tɔn kurɔbu wɔkuru bɑ koo pɛ̃ɛ wɔ̃wɑ doo teu sɔɔ kpɑ bu kɑ bɛɛ nɑɑwɑ ye yɑ ǹ bɛɛ debumɔ.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.