Esɑi 27:9 - Bibeli Gusunɔn Gari

⁹ Nɡe mɛyɑ u kɑ Isirelibɑn durum wɔkɑ. Wee ye n koorɑ yen biru. U ben bũu turɑnu ɡɔsiɑ torom. Bɑ ǹ mɑɑ Asitɑɑten bwɑ̃ɑrokunu kɑ sɔ̃ɔɡinu seeyɑmɔ.

Esɑi 27:9 ပူးပေါင်းရင်းမြစ်များ

Sinɑmbu II 10:26

Mɑ bɑ Bɑɑlin bwɑ̃ɑroku ɡe yɑrɑmɑ bɑ dɔ̃ɔ mɛni tɔɔwɔ.

Sinɑmbu II 23:14

Mɑ u ben bwɑ̃ɑrokunu kɔsukɑ u mɑɑ derɑ bɑ dɑ̃ɑ ye wukɑ ye bɑ rɑɑ ɡire Asitɑɑten sɔ̃. Mɑ u kɑ tɔmbun kukunu yen wɔrusu kɔruɑ.

Sinɑmbu II 25:9

Mɑ u Yinni Gusunɔn sɑ̃ɑ yeru dɔ̃ɔ mɛni kɑ Isirelibɑn sinɑ kpɑɑru, kɑ diɑ ye yɑ ɡesi wɑ̃ kpuro. Ye yɑ sɑ̃ɑ dɑmɡibun diɑ u dɔ̃ɔ mɛniwɑ.

Bɑndun Gɑri II 14:5

U derɑ bɑ wuu ɡbɑ̃rɑnuɡisu seeyɑ. Win bɑndu sɔɔ, tɑbu sɑri. Bɔri yɛndɑ tɑ wɑ̃ɑ, domi Yinni Gusunɔ u derɑ u wɛ̃rɑ.

Bɑndun Gɑri II 34:4

Bɑ bũu wi bɑ mɔ̀ Bɑɑlin yɑ̃ku yenu kɔsukɑ win wuswɑɑɔ. Mɑ u bwɑ̃ɑroku ni bɑ kuɑ sɔ̃ɔn sɔ̃ kɑ ni bɑ kuɑ kɑ sii ɡɑndu kɔsukɑ. U derɑ bɑ nu munkɑwɑ mɑ bɑ nin kɛ̃ki ɡurɑ bɑ wisi be bɑ nu sɑ̃ɑmɔn sikɑn wɔllɔ.

Bɑndun Gɑri II 36:19

Mɑ bɑ Yinni Gusunɔn sɑ̃ɑ yeru kɑ Yerusɑlɛmun dii ɡeenu dɔ̃ɔ sɔkɑ. Mɑ bɑ yen ɡɑ̃ɑ ɡeenu kɔsukɑ. Mɑ bɑ yen ɡbɑ̃rɑru surɑ.

Womusu 119:67

N sere sekuru wɑ, nɑ rɑɑ kɔ̃ɔrewɑ. Adɑmɑ tɛ̃, nɑ wunɛn ɡɑri nɛni.

Womusu 119:71

N burɑm bo n sekuru wɑ kpɑ n kɑ kpĩ n wunɛn woodɑbɑ ɡiɑ.

Yɑribu 34:13

Adɑmɑ i ko ben yɑ̃ku yenu surɑ kpɑ i ben bũu wi bɑ mɔ̀ Asitɑɑten sɑ̃ɑ yerun dɑ̃nu wukiri, kpɑ i win bwɑ̃ɑrokunu kɔsuku.

Mɔnnu 20:30

Bɑ̀ n nuku kɔ̃suruɡii so bɑ mɛɛrɑ kuɑ, win nuku kɔ̃suru tɑ koo kpe, kpɑ u bwisi ko.

Esɑi 1:29

Sɑɑ ye sɔɔ, dɑ̃ɑ bɑkɑnu kɑ dɑ̃ɑ sɔ̃ɔ si su sɑ̃ɑ bɛɛn bũu yenu, su koo de i sekuru wɑ.

Esɑi 17:8

Bɑ ǹ mɑɑ ben lɑɑkɑri wesiɑmɔ bũu turɑnun berɑ ɡiɑ, ni ben tii bɑ kuɑ. Bɑ ǹ mɑɑ Asitɑɑten bwɑ̃ɑroku sɑ̃ɑmɔ, kɑ bwɑ̃ɑroku ni bɑ kuɑ sɔ̃ɔn sɔ̃. Domi nu sɑ̃ɑwɑ ben tiin nɔmɑn koorɑ.

Esɑi 30:22

I ko i bɛɛn sii ɡeesu kɑ wurɑ ye i rɑɑ bɛɛn bwɑ̃ɑrokunu pote ɡɑrisi disi, kpɑ i bwɑ̃ɑroku nin kɛ̃ki yɑri nɡe kubɑnu, kpɑ i nɛɛ, bu kɑ nu yɑrio sɑɑ min di.

Esɑi 4:4

Yinni Gusunɔ u koo Yerusɑlɛmun tɔn kurɔbu disi wɔkɑ, kpɑ u wuu ɡen tii dɛɛrɑsiɑ, u ɡu siri kɑ win dɑm bɑkɑm tɔn be bɑ rɑɑ ɡon sɔ̃.

Esɑi 40:2

I Yerusɑlɛmuɡibu nukuru yɛmiɑsio, i nɛɛ, ben yorɑ kpɑ. Domi nɑ bu ben ɡɔbɑ ye bɑ kuɑ kpuron ɑre wɛ̃. Nɑ bu sɛɛyɑsiɑ ben durum ye bɑ kuɑ kpuron sɔ̃.

Esɑi 48:10

Nɑ bɛɛn lɑɑkɑri mɛɛrɑ, ɑdɑmɑ n ǹ mɔ kɑ dɔ̃ɔ nɡe mɛ bɑ rɑ sii ɡeesu sɔwe. Nɑ bɛɛ dokewɑ yibɛrɛbɑn suunu sɔɔ bu kɑ bɛɛ sɛɛyɑsiɑ nɡe dɔ̃ɔ boko.

Esekiɛli 11:18

Mɛyɑ bɑ koo nɑ kpɑ bu bũu ni kpuro wunɑ ni bɑ rɑ rɑɑ sɑ̃ mi, ni nɛ, Yinni Gusunɔ nɑ ǹ kĩ.

Esekiɛli 20:38

Kon bu wunɑ ben suunu sɔɔn di be bɑ mɑn seesi kɑ be bɑ sɑ̃ɑ tɔn kɔ̃sobu kpɑ n bu yɑrɑ tem mi bɑ wɑ̃ɑn di. Adɑmɑ bɑ ǹ dɔɔ Isireliɔ. Sɑɑ ye sɔɔrɑ be, Isirelibɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 6:4

Kon ben bũu yɑ̃ku yenu kɔsuku kɑ mi bɑ rɑ nu turɑre dɔ̃ɔ dokeye, kpɑ ben ɡonu nu n wɔrukɑ ben bũnun nuurɔ.

Dɑniɛli 11:35

Bwisiɡii ben ɡɑbɑ koo ɡbi bu kɑ bu sɔwɑ bu dɛɛrɑ mɑm mɑm sere kpeerun tɔ̃ru tu kɑ tunumɑ. Domi yeni yɑ koo koorɑwɑ sɑɑ ye bɑ yii sɔɔ.

Osee 14:8

Bɑ koo ɡɔsirɑmɑ bu sinɑ nɛn kɔkɔrɔ kpɑ bu mɑɑ ɑlikɑmɑ duure. Bɑ koo kpɑrɑwɑ nɡe resɛm dɑ̃ɑ kpɑ bu yĩsiru yɑri nɡe Libɑnin tɑm.

Sɑ̃ɑrun Woodɑ 26:30

Kon bɛɛ tusi sere n bɛɛ ɡunɡuu nìn mi i rɑ yɑ̃kuru ko kɔsuku kɑ bwɑ̃ɑrokunu ni i rɑ kɑ sɔ̃ɔ sɑ̃. Kon bɛɛn ɡonu sɔndi bwɑ̃ɑroku nin kɛ̃kin wɔllɔ.

Misee 5:11

Kon bɛɛn dobo doboɡibu ɡo. I ǹ mɑɑ ben dobo dobo wɑsi bɛɛn suunu sɔɔ.

Sɑkɑri 13:2

Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesuɡii be bɑ bũu sɑ̃ɑrun kĩru mɔ mi wunɑ.

Romu 11:27

Yeniwɑ ɑrukɑwɑni ye kon kɑ bu bɔke sɑnɑm mɛ kon ben torɑru wunɑ.”

Korinti I 11:32

Adɑmɑ Yinni ù n sun siri, u rɑ sun sɛɛyɑsiewɑ, kpɑ su ku rɑ mɑɑ tɑɑrɛ wɑ kɑ hɑnduniɑɡibu sɑnnu.

Sɔ̃ɔsiru 12:3

I ko i ben yɑ̃ku yenu suririwɑ, kpɑ i ben bũu turɑnu kɔsuku. I ko i ben bwɑ̃ɑrokunu bɔɔkuwɑ i dɔ̃ɔ mɛni kpɑ bu ku mɑɑ nin yĩsinu yɑɑyɑ yɑm mi kpuro sɔɔ.

Heberu 12:6

Domi wi Yinni u kĩ wiyɑ u rɑ sɛɛyɑsie, kpɑ u tɔnu bɑɑwure sɛnɑ so wi u ɡɑrisi win bii.”