Esɑi 27:8 - Bibeli Gusunɔn Gari

⁸ U bu sɛɛyɑsiɑwɑ sɑkɑ sɔɔ. U derɑ yibɛrɛbɑ bɑ nɑ nɡe sɔ̃ɔ yɑri yerun woo dɑmɡuu, bɑ bu ɡurɑ bɑ kɑ doonɑ.

Esɑi 27:8 ပူးပေါင်းရင်းမြစ်များ

Yoobu 23:6

U koo mɑn dɑm sɔ̃ɔsi u kɑ mɑn siri? Aɑwo, u koo yɔ̃rɑwɑ u mɑn swɑɑ dɑki.

Womusu 103:14

Domi u yɛ̃ ye bɑ kɑ sun tɑkɑ kuɑ. U ǹ duɑri mɑ yɑnimɑ bɑ kɑ sun mɔmɑ.

Womusu 103:9

U ku rɑ tɔmbu ɡerusi kiri kiri. U ku rɑ mɑɑ mɔru ko n kɑ tɛ.

Womusu 38:1

Dɑfidin womu ɡe u kuɑ Gusunɔ u kɑ nùn yɑɑyɑ.

Womusu 6:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Womusu 78:38

Adɑmɑ kɑ mɛ, Yinni Gusunɔ u rɑ tii nɛnɛ u kun win mɔru kpuro yɔ̃su. U rɑ bu wɔnwɔndu kue, kpɑ u bu ben durum wɔkɑ u kun bu ɡo.

Esɑi 1:5

Sɛɛyɑsiɑ birɑ̀ u koo mɑɑ bɛɛ ko, domi nɔn dɑbinɑ i nùn seesi. I sɑ̃ɑwɑ nɡe tɔnu wìn bwisikunu kun wɑ̃, mɑ u dɑɑ kɔ̃sɑ mɔ̀.

Esɑi 10:12

Adɑmɑ nɛ, Yinni Gusunɔ, nɑ̀ n nɛn himbɑ kpuro yibiɑ Siɔnin ɡuurɔ, kɑ Yerusɑlɛmuɔ, kon Asirin sinɑ boko sɛɛyɑsiɑ, win ɡɔ̃ru bɔbunu kɑ win tii suɑbun sɔ̃.

Esɑi 50:1

Yinni Gusunɔ u mɑɑ nɛɛ, bɛɛ Yudɑbɑ, mɑnɑ tirerɑ wɑ̃ɑ te tɑ sɔ̃ɔsimɔ mɑ nɑ bɛɛn mɛro Yerusɑlɛmu yinɑ. Bèn dibu nɑ nɛni, ben wɑrɑ nɑ bɛɛ wɛ̃. Sɑri. Bɛɛn durum sɔ̃nɑ nɑ bɛɛ dɔrɑ. Bɛɛn torɑnun sɔ̃nɑ nɑ mɑɑ bɛɛn mɛro yinɑ.

Esɑi 54:7

nɑ rɑɑ nun deri sɑɑ fiiko, ɑdɑmɑ tɛ̃, kon nun mwɑ kɑ kĩi bɑkɑru.

Esɑi 57:16

Nɑ ǹ kĩ nɑ n bɛɛ tɑɑrɛ wɛ̃ɛmɔ bɑɑdommɑ, kpɑ nɑ n kɑ bɛɛ mɔru nɛni sɑɑ kpuro. Nɑ̀ n mɔ̀ mɛ, nɛn tɑkɑ koorɑ kpuro yɑ koo kɑm kowɑ.

Esɑi 64:5

Sɑ kuɑ nɡe disiɡibu, mɑ bɛsɛn dɑɑ ɡeɑ yɑ sɑ̃ɑ nɡe yɑ̃ɑ disinuɡinu. Sɑ ɡbere nɡe wurusu, mɑ bɛsɛn durum kɑ sun doonɔ nɡe woo.

Yeremi 10:24

Yinni Gusunɔ, ɑ mɑn sɛɛyɑsio sɑkɑ sɔɔ, n kun kɑ mɔru, kpɑ ɑ ku rɑ mɑn kɑm koosiɑ.

Yeremi 30:11

Domi ko nɑ n kɑ bɛɛ wɑ̃ɑ kpɑ n bɛɛ fɑɑbɑ ko. Kon bwesenu kpuro kpeerɑsiɑ nìn mi i rɑɑ yɑrinɛ i wɑ̃ɑ. Adɑmɑ bɛɛ, nɑ ǹ bɛɛ kpeerɑsiɑmɔ. Kon bɛɛ sɛɛyɑsiɑwɑ nɡe mɛ n weenɛ. Domi nɑ ǹ kpɛ̃ n bɛɛ deri n nɛɛ, i ǹ ɡɑ̃ɑnu kue.

Yeremi 4:11

Sɑɑ ye sɔɔ, kon bu sɔ̃ n nɛɛ, wee, woo ɡɑ wee sɑɑ ɡbɑburun ɡuunun di, ɡu kɑ nɛn tɔmbu Yudɑbɑ swee. Woo ɡe, ɡɑ ǹ sɑ̃ɑ fɛrɛ fɛrɛ nɡe ɡe bɑ koo kɑ dobi sɑrɑ.

Yeremi 4:27

Yinni Gusunɔ u nɛɛ, u koo tem mɛ ɡɔsiɑ tem sɑɑrɑm, ɑdɑmɑ u mɑɑ nɛɛ, u ǹ derimɔ mu n sɑ̃ɑ mɛ kɑ bɑɑdommɑɔ.

Yeremi 46:28

I ku bɛrum ko. Domi nɑ wɑ̃ɑ kɑ bɛɛ. Kon bwese ni kpuro kpeerɑsiɑ, nìn suunu sɔɔ nɑ rɑɑ bɛɛ yɑrinɑsiɑ mi. Adɑmɑ bɛɛ, nɑ ǹ bɛɛ kpeerɑsiɑmɔ. Kon bɛɛ sɛɛyɑsiɑwɑ nɡe mɛ n weenɛ, domi nɑ ǹ kpɛ̃ nɑ kun bɛɛ sɛɛyɑsie.

Swĩi 3:31

Domi Yinni Gusunɔ u ku rɑ tɔnu biru kisi kɑ bɑɑdommɑɔ.

Swĩi 3:32

Bɑɑ ù n derɑ yɛ̃ro u nɔni swɑ̃ɑru wɑ, kɑ mɛ, u nùn kĩ too, domi win wɔnwɔndɑ kpɑ̃.

Esekiɛli 19:12

Adɑmɑ bɑ ye wukɑ kɑ mɔru bɑ surɑ temɔ. Woo ɡe ɡɑ wee sɔ̃ɔ yɑri yerun di, ɡɑ yen mɑrum ɡberɑsiɑ. Yen kɑ̃ɑsi dɑmɡii yi, yi ɡberɑ yi dɔ̃ɔ mwɑɑrɑ.

Osee 13:15

Bɑɑ Isirelibɑ bɑ̀ n kuurɑ ɑmɔ, beɡibun suunu sɔɔ, yibɛrɛbɑ bɑ koo nɑ nɡe woo sum sɑɑ sɔ̃ɔ yɑri yerun di. Nɛ, Yinni Gusunɔ nɑ kon bu seeyɑmɑwɑ ɡbɑburun di, kpɑ bu dɔkɔbɑ ɡberɑsiɑ. Kpɑ bwii yi nim kpe. Gɑ̃ɑ ni nu ɡeɑ sɑ̃ɑ kpurowɑ bɑ koo ɡurɑ bu kɑ doonɑ.

Osee 4:1

Bɛɛ Isirelibɑ, i nɛ, Yinni Gusunɔ swɑɑ dɑkio. Domi nɑ siribu mɔ kɑ bɛɛ tem mɛn tɔmbu yèn sɔ̃ wɔnwɔnduɡii ɡoo sɑri bɛɛ sɔɔ, ɡemɡii ɡoo mɑɑ sɑri. Mɛyɑ bɛɛn ɡoo kun mɑɑ mɑn yɛ̃.

Korinti I 10:13

I ǹ lɑɑkɑri mɛɛribu ɡɑbu wɑɑre mɑ n kun mɔ bi tɔmbu kpuro bɑ rɑ wɑ. Gusunɔ wi u sɑ̃ɑ nɑɑnɛɡii, u ǹ derimɔ bu bɛɛn lɑɑkɑri mɛɛri n kere ye i ko kpĩ i kɑ tɛmɑnɑ. Adɑmɑ lɑɑkɑri mɛɛribu bɑɑbire sɔɔ u rɑ mɑɑ yɑri yeru ko kpɑ i kɑ kpĩ i tɛmɑnɑ bi sɔɔ.

Piɛɛ I 1:6

Yen sɔ̃nɑ i nuku doo bɑkɑbu mɔ, bɑɑ mɛ nuku sɑnkirɑnu nu kuɑ tilɑsi tɛ̃ sɑɑ fiiko sɔɔ, lɑɑkɑri mɛɛri bwese bwesekɑn sɔ̃.