Esɑi 26:7 - Bibeli Gusunɔn Gari

⁷ Gemɡiin swɑɑ yɑ rɑ n dɛndewɑ. Yinni Gusunɔ, wunɛ wi ɑ sɑ̃ɑ ɡemɡii wunɑ ɑ rɑ ye nɔɔ nɛrɑsie.

Esɑi 26:7 ပူးပေါင်းရင်းမြစ်များ

Bɑndun Gɑri I 29:17

Gusunɔ nɛn Yinni, nɑ yɛ̃ mɑ wunɑ ɑ rɑ tɔnun ɡɔ̃ru wɛ̃ɛri, ɑ rɑ mɑɑ ɡem kɑ̃. Wee nɑ kɑ nun kɛ̃ɛ nini nɑɑwɑ kɑ ɡɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu.

Womusu 1:6

Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 11:4

Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ, mɑ u win sinɑ ɡɔnɑ swĩi wɔllɔ.

Womusu 11:7

Adɑmɑ u rɑ ɡemɡii dɑm koosie, domi win tii u sɑ̃ɑwɑ ɡemɡii, u rɑ mɑɑ dɑɑ ɡeɑ kɑ̃.

Womusu 25:4

Yinni Gusunɔ, nɑ nun kɑnɑmɔ, ɑ mɑn wunɛn swɑɑ sɔ̃ɔsio. A mɑn sɔ̃ɔsio nɡe mɛ kon sĩ ye sɔɔ.

Womusu 25:5

Nɛn Fɑɑbɑ kowo, ɑ mɑn kpɑro ɡem swɑɑ sɔɔ. A mɑn keu koowo. Domi wunɑ nɑ nɑɑnɛ sɑ̃ɑ bɑɑdommɑ.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 5:9

Yinni Gusunɔ, ɑ sɑ̃ɑwɑ bɔrɔkini. Yinni Gusunɔ, ɑ mɑn swɑɑ sɔ̃ɔsio ye ɑ kĩ n swĩi. Yinni Gusunɔ, ɑ nɛn yibɛrɛbɑ sɔ̃ɔsio mɑ wunɑ ɑ mɑn kpɑre.

Mɔnnu 11:5

Gemɡiin dɛɛrɑru tɑ rɑ dewɑ win swɛɛ yi n wɑ̃, ɑdɑmɑ tɔn kɔ̃so u rɑ kɔ̃ɔrewɑ win nuku kɔ̃surun sɔ̃.

Mɔnnu 20:7

Gemɡii u rɑ n sĩimɔwɑ dɑɑ ɡeɑ sɔɔ. Win bibɑ ko n mɑɑ sɑ̃ɑwɑ doo nɔɔruɡibu.

Mɔnnu 21:8

Tɔn kɔ̃sobu bɑ ku rɑ swɑɑ mwɛ ye yɑ dɛnde, ɑdɑmɑ be bɑ dɛɛre, ben swɑɑ yɑ rɑ n dee dee sɑ̃ɑ.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Mɔnnu 4:18

Gemɡibun kookoosu su rɑ n sɑ̃ɑwɑ nɡe bururun sɔ̃ɔ yɑnɑ ye yɑ rɑ n dɛɛrɑmɔ sere sɔ̃ɔ u kɑ ye mɑm mɑm.

Esɑi 30:18

Yinni Gusunɔ u tɔ̃ru mɑrɑ tè sɔɔ u koo bɛɛ durom kuɑ kpɑ u bɛɛ wɔnwɔndu sɔ̃ɔsi. Domi u sɑ̃ɑwɑ ɡemɡii. Doo nɔɔruɡibɑ be bɑ nùn nɑɑnɛ sɑ̃ɑ.

Esɑi 35:8

Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 52:12

Ì n yɑriɔ, i ǹ ko i yɑri kɑ sɛndɑru nɡe be bɑ kpikiru suɔ. Domi Gusunɔ Isirelibɑn Yinni u ko n bɛɛ kɔ̃su biruɔ kɑ wuswɑɑɔ.

Esɑi 57:2

Adɑmɑ tɔn ɡeo be, bɑ ko n wɛ̃rewɑ ɡɔriɔ kɑ bɔri yɛndu.

Yeremi 10:23

Yinni Gusunɔ, nɑ yɛ̃ mɑ tɔnu kun kpɛ̃ u win tii kpɑrɑ nɡe mɛ n weenɛ. Goo sɑri wi u koo kpĩ u win tii swɑɑ ɡeɑ sure.

Osee 14:9

Sɑɑ ye, Isirelibɑ bɑ ǹ mɑɑ bũnu sɑ̃ɑmɔ. Domi kon ben kɑnɑru nɔ, kpɑ n bu nɔni doke. Nɑ kon sɑ̃ɑwɑ nɡe dɑ̃ɑ ye yɑ ku rɑ ɡbere ben sɔ̃. Nɛn min diyɑ bɑ koo domɑru wɑ.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.

Korinti II 1:12

Yenin sɔ̃nɑ sekurɑ kun sun mɔ̀, domi bɛsɛn ɡɔ̃ru ɡɑ sun seedɑ diiyɑmmɛ mɑ bɛsɛn wɑ̃ɑru hɑnduniɑ sɔɔ, su mɑm ɡere bɛɛn mi, tɑ dɛɛre. Gusunɔ u derɑ tɑ ǹ murɑfitiru mɑni. Win duromɑ mu sun kpɑrɑ, n ǹ mɔ tɔnun bwisi.

Efesu 2:10

Domi sɑ sɑ̃ɑwɑ Gusunɔn nɔmɑn sɔmburu. U sun tɑkɑ kuɑwɑ bɛsɛ kɑ Yesu Kirisin ɡbinnɑɑ sɔɔ su kɑ sɔm ɡeenu ko nìn sɔɔru u kuɑ sɑɑ yellun di.

Yohɑnu I 3:10

Tɛ̃, sɑ ko kpĩ su tubu wi u sɑ̃ɑ Gusunɔn bii kɑ wi u sɑ̃ɑ Setɑmɡii. Bɑɑwure wi u kun ɡeɑ mɔ̀, kɑ mɑɑ wi u kun win beruse kĩ, u ǹ sɑ̃ɑ Gusunɔɡii.

Yohɑnu I 3:7

Nɛn bibu i ku de ɡoo u bɛɛ nɔni wɔ̃ke. Wi u ɡeɑ mɔ̀ u sɑ̃ɑwɑ ɡemɡii, nɡe mɛ Yesun tii u sɑ̃ɑ.