Esɑi 26:5 - Bibeli Gusunɔn Gari

⁵ U koo wuu ɡe ɡɑ wɑ̃ɑ wɔllɔn tɔmbu kpeerɑsiɑ, kpɑ u ɡen tii kɔsuku u surɑ sere temɔ,

Esɑi 26:5 ပူးပေါင်းရင်းမြစ်များ

Womusu 79:8

A ku sun bɛsɛn sikɑdobɑn durum sɔbi. Adɑmɑ wunɛn kĩrun sɔ̃, ɑ sun wɔnwɔndu kuo. Domi sɑ kuɑ wɔnwɔndobu.

Esɑi 13:11

Yinni Gusunɔ u nɛɛ, kon hɑnduniɑɡibu sɛɛyɑsiɑ ben kɔ̃sɑ ye bɑ mɔ̀n sɔ̃, kɑ mɑɑ nuku kɔ̃suruɡibu ben nuku kɔ̃surun sɔ̃. Kon de be bɑ tii sue bu kɑm ko, kpɑ n be bɑ tɔmbu dɑm dɔremɔ kpeerɑsiɑ.

Esɑi 14:13

Wunɛ wi ɑ rɑ n ɡerumɔ wunɛn ɡɔ̃ruɔ ɑ n mɔ̀, kɑɑ yɔ wɔllɔ, ɑ wunɛn sinɑ ɡɔnɑ tɛriɑ kperin wɔllɔ, kpɑ ɑ sinɑ ɡuuru wɔllɔ sɔ̃ɔ yɛ̃sɑn nɔm ɡeu ɡiɑ, bũnun suunu sɔɔ.

Esɑi 2:12

Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

Esɑi 24:10

Wuu ɡe, ɡɑ koo ko bɑnsu. Yɛnusu su ko n wɑ̃ɑ dirisu. Goo kun mɑɑ duɔ mi.

Esɑi 25:2

A derɑ wuu ɡe, ɡɑ wɔrumɑ ɡɑ kuɑ nɡe kpee ni bɑ subɑ. Mɑ wuu ɡe ɡɑ ɡbɑ̃rɑru mɔ ɡɑ kuɑ bɑnsu. A derɑ tii suobun wuun ɡbɑ̃rɑnu nu wɔrukɑ. Bɑ ǹ mɑɑ nu seeyɑmɔ sere kɑ bɑɑdommɑɔ.

Esɑi 32:19

Sɑ ko n wɑ̃ɑwɑ doo nɔɔru sɔɔ sɑ n dĩɑnu duurumɔ mi nim mu wɑ̃ɑ, kpɑ sɑ n bɛsɛn kɛtɛkunu kɑ bɛsɛn nɛɛ yɔ̃su yi n dimɔ bɑɑmɑ. Adɑmɑ ɡuru kpenu nu koo yibɛrɛbɑn tɑbu kowobu kɑm koosiɑwɑ be, be bɑ dɑbi nɡe dɑ̃ɑ sɔ̃ɔ, kpɑ ben wuu ɡe, ɡu wɔrumɑ.

Esɑi 47:1

Yinni Gusunɔ u nɛɛ, wunɛ wi bɑ ǹ kɑmiɑre, kɑɑ wɔrumɑ ɑ kpunɑ tuɑ sɔɔ. Wunɛ wi ɑ sɑ̃ɑ nɡe wɔndiɑ, kɑɑ sinɑ temɔ, ɑ ǹ mɑɑ sinɑmɔ sinɑ kitɑrɔ. Domi bɑ ǹ mɑɑ nun sokumɔ kurɔ burɔ.

Yeremi 51:37

Bɑbiloni koo kowɑ bɑnsu mi ɡbeeku bɔ̃nu nu ko n wɑ̃ɑ. Tɔnu kun ko n mɑɑ wɑ̃ɑ mi, kpɑ bu ye yɛ̃ɛ.

Yeremi 51:64

kpɑ ɑ nɛɛ, nɡe mɛ tire te, tɑ numɑ mi, nɡe mɛyɑ Bɑbiloni yɑ koo kɑm ko. Yɑ ǹ mɑɑ seemɔ, kɔ̃sɑ ye Yinni Gusunɔ u ye suremɔn sɔ̃. Yɑ koo wɔrumɑwɑ kpɑ yɑ kun mɑɑ dɑm mɔ. Yeremin ɡɑrin kpurowɑ mi.

Swĩi 2:2

U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Esekiɛli 26:11

Bɑ koo kɑ dumi swɛɛ kpuro swĩiwɑ kpɑ bɑ n tɔmbu ɡoomɔ kɑ tɑkobi kpɑ bu yen bũu sɑ̃ɑ yenun ɡberebɑ suriri bèn sɔ̃ yɑ woo kɑnɑmɔ.

Esekiɛli 28:17

U tii suɑ win burɑm sɔ̃ mɑ u win bwisi kɑ win bɛɛrɛ ye kpuro sɑnkɑ. Yen sɔ̃, kon nùn kɔ̃ temɔ kpɑ sinɑm be bɑ tie bu nùn kɑ.

Kɑ̃siru 18:2

U nɔɔɡiru suɑ u nɛɛ, yɑ wɔrumɑ, Bɑbiloni bɑkɑ ye, yɑ wɔrumɑ. Yɑ tɛ̃ kuɑ Setɑm bwɑ̃ɑbun wɑ̃ɑ yeru kɑ wɛrɛku kɔ̃su bɑɑɡeren kuku yeru kɑ ɡunɔ bɔrɔnuɡisu kɑ si su ɡɔbun wɑ̃ɑ yeru.