Esɑi 24:4 - Bibeli Gusunɔn Gari

⁴ Tem mu koo ɡberɑ. Mu ǹ mɑɑ ɡɑ̃ɑnu kpiisiɑmɔ. Mɛn tɔmbu bɑ ko n wɑsikirɑmɔ bɑ n ɡɔɔ dɔɔ. Mɛn wiruɡibu bɑ ǹ ko n mɑɑ dɑm mɔ.

Esɑi 24:4 ပူးပေါင်းရင်းမြစ်များ

Esɑi 24:21

Sɑɑ ye sɔɔ, Yinni Gusunɔ u koo kperi sɛɛyɑsiɑ wɔllɔ. U koo sinɑmbu sɛɛyɑsiɑ tem mini,

Esɑi 24:3

Bɑ koo tem kpuro wɔri, kpɑ bu mɛn yɑ̃nu ɡurɑ, kpɑ mu ko bɑnsu. Yinni Gusunɔwɑ u yeni ɡeruɑ.

Esɑi 28:1

Bɔ̃rurɑ Sɑmɑri ye yɑ sɑ̃ɑ nɡe sinɑ furɔ ɡe Efɑrɑimubɑ bɑ kɑ tii sue. Yɑ wɔwɑ tuke ye yɑ tem ɡem mɔ. Mɑ yɑ sɑ̃ɑ yen burɑru nɡe dɑ̃ɑ wɛ̃ɛ si tɔmbɑ rɑ doke wirɔ bɑ kɑ tɑm ɡoore.

Esɑi 3:26

Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.

Esɑi 33:9

Wee tɔmbu bɑ ben ɡbeɑ deri. Libɑnin dɑ̃ɑ sɔ̃su su ɡberɑmɔ. Mɑ Sɑronin tem ɡem mu kuɑ yɑni sɛɛri. Bɑsɑnin berɑ ɡiɑ kɑ ɡuu te bɑ mɔ̀ Kɑɑmɛliɔ dɑ̃nun wurusu dɛllɑmɔ.

Esɑi 64:6

Goo sɑri wi u wunɛn somiru kɑsu. Goo mɑɑ sɑri wi u rɑ nun kɑnɛ bururu, domi ɑ sun wunɛn wuswɑɑ beruɑ, mɑ ɑ sun deri sɑ ɡɔɔ dɔɔ bɛsɛn durum sɔ̃.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Swĩi 1:4

Yerusɑlɛmu yɑ wɑ̃ɑ nuku sɑnkirɑnu sɔɔ, domi bɑ ku rɑ mɑɑ yen swɛɛ sĩ bu tɔ̃ɔ bɑkɑru nɑ. Goo kun mɑɑ wɑ̃ɑ yen ɡbɑ̃rɑ kɔnnɔwɔ. Yen yɑ̃ku kowobu bɑ weeweenu mɔ̀. Yen wɔndiɑbɑn nuki sɑnkirɑ. Yen tii yɑ wɑ̃ɑ nuku sɑnkirɑ bɑkɑru sɔɔ.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Yoɛli 1:10

Gbeɑ kpuro yɑ kɑm kuɑ. Mɑ yen tem mu sɑɑrɑ. Alikɑmɑ sɑri, resɛm kɑ ɡum mɑɑ sɑri.