Esɑi 23:3 - Bibeli Gusunɔn Gari

³ Eɡibitiɡibu bɑ dobi yeemɔ dɑɑ te mɔ̀ Niluɔ mɑ tenkubɑ bɑ ye dwemɔ bɑ dɔrɑmɔ mɑ bɑ ɑre bɛkɛ dimɔ. Mɑ yɑm mi, n kuɑ bwesenu kpuron yɑburu.

Esɑi 23:3 ပူးပေါင်းရင်းမြစ်များ

Bɑndun Gɑri I 13:5

Mɑ Dɑfidi u Isirelibɑ kpuro mɛnnɑ sɑɑ Sikorin di ye yɑ wɑ̃ɑ Eɡibitiɔ sere kɑ Hɑmɑtin duu yerɔ kpɑ bu dɑ bu Yinni Gusunɔn woodɑn kpɑkoro te suɑmɑ Kiriɑti Yɑrimun di.

Esɑi 19:7

Gɑ̃ɑnu kun ko n mɑɑ wɑ̃ɑ dɑɑ ten ɡoorɔ kɑ ten sure yerɔ. Bɑ̀ n ɡɑ̃ɑnu duurɑ mi, nu koo ɡberɑwɑ nu ɡbi.

Esɑi 23:8

Wɑrɑ u ye kpuron himbɑ yi Tirin sɔ̃, ye, ye yɑ rɑ yen wiruɡibu swĩi tem tukumɔ. Yen tenkubɑ bɑ kuɑ sinɑ bibu. Mɑ bɑ bɛɛrɛ mɔ hɑnduniɑ kpuro sɔɔ.

Yeremi 2:18

Ì n dɑ i tii Asiriɡibu ǹ kun mɛ Eɡibitiɡibu wɛ̃, i ben dɑɑrun nim nɔrumɔ, mbɑ i ko wɑ.

Esekiɛli 27:33

Sɑnɑm mɛ ɑ wunɛn tenkuru mɔ̀ tɔn dɑbirɑ ɑ rɑ diisie. Wunɛn dukiɑ kɑ wunɛn kiɑnun kpɑ̃ɑrun sɔ̃, ɑ derɑ sinɑmbɑ kuɑ dukiɑɡibu.

Esekiɛli 28:4

Win yɛ̃ru kɑ win bwisin sɔ̃ u tii kuɑ dukiɑɡii. U wurɑ kɑ sii ɡeesu yibiɑ win ɑrumɑnin beru yerɔ.

Yoɛli 3:5

Adɑmɑ yen tɔ̃ɔ te, wi u Yinni Gusunɔ sokɑ, u koo fɑɑbɑ wɑ. Gɑbu bɑ koo kisirɑ nɔni swɑ̃ɑ ten di Siɔnin ɡuurɔ Yerusɑlɛmuɔ nɡe mɛ Yinni Gusunɔ u ɡeruɑ. Beyɑ be u sokɑ bɑ n kɑ wɑ̃ɑru mɔ.

Sɔ̃ɔsiru 11:10

Tem mɛ i ko i mwɑ mi, mu ǹ sɑ̃ɑ nɡe Eɡibitin tem mìn di i yɑrimɑ, mi ì n dĩɑnu duurɑ i kpɑ, i rɑ nu nim yɛ̃ke nɡe kɑrɑ mi bɑ kpee duurɑ.

Yosue 13:3

kɑ Afɑbɑn tem mɛ mu wɑ̃ɑ sɔ̃ɔ yɛ̃sɑn nɔm dwɑrɔ. Tem mɛ kpuro mu sɑ̃ɑwɑ Kɑnɑnibɑn tem. Mu wɑ̃ɑwɑ sɑɑ dɑɑ te bɑ mɔ̀ Sikorin di te tɑ wɑ̃ɑ Eɡibitin tem nɔɔ burɑ yerɔ, sere Ekoronin tem nɔɔ burɑ yerɔ sɔ̃ɔ yɛ̃sɑn nɔm ɡeu ɡiɑ. Mɛn wuu mɑroɔwɑ Filisitibɑn sinɑmbu nɔɔbu bɑ wɑ̃ɑ. Wuu siyɑ Gɑsɑ kɑ Asidɔdu kɑ Asikɑloni kɑ Gɑti kɑ Ekoroni.