Esɑi 22:5 - Bibeli Gusunɔn Gari

⁵ Tɔ̃ɔ teni sɔɔ, Gusunɔ, wɔllu kɑ tem Yinni u derɑ sɑ nɔni sɔ̃ɔre, sɑ burisinɛ, sɑ wɑ̃ɑ biti sɔɔ wɔwɑ yeni sɔɔ mi bɑ rɑ kɑ̃si. Bɑ ɡɑni kɔsukumɔ mɑ sɑ nɔɔɡiru sue sɑ fɑɑbɑ kɑnɑmɔ ɡuunun berɑ ɡiɑ.

Esɑi 22:5 ပူးပေါင်းရင်းမြစ်များ

Sinɑmbu II 19:3

Ye bɑ turɑ mi, bɑ nùn sɔ̃ɔwɑ bɑ nɛɛ, ɑmɛniwɑ Esekiɑsi u ɡeruɑ u nɛɛ, ɡisɔn tɔ̃ɔ te, nuku sɑnkirɑnu sɔɔrɑ sɑ wɑ̃ɑ. Bɑ sun sɛɛyɑsiɑmɔ, mɑ bɑ sun doke sekuru sɔɔ. Gisɔn wɑhɑlɑ ye, yɑ sɑ̃ɑwɑ nɡe tɔn kurɔ wi u yiire u kĩ u mɑ, mɑ u ǹ dɑm mɔ u kɑ wɛ̃mɑ.

Sinɑmbu II 25:10

Tɑbu kowo be bɑ nùn swĩi bɑ Yerusɑlɛmun ɡbɑ̃rɑru kɔsukɑ.

Ɛsitɛɛ 3:15

Mɑ sinɑ boko u sɔmɔ be woodɑ wɛ̃ bɑ doonɑ fuuku. Mɑ bɑ woodɑ ye kpɑrɑ Susiɔ, wuu bɔkɔ ɡen mi. Sɑɑ yè sɔɔ wuu ɡen tɔmbu bɑ wɑ̃ɑ biti sɔɔ, sɑɑ ye sɔɔrɑ sinɑ boko kɑ Hɑmɑni bɑ sɔ̃ bɑ ben tɑm nɔrumɔ.

Esɑi 10:6

Nɑ derɑ i bwese te tɑ ǹ nɛn bɛɛrɛ yɛ̃ wɔri te tɑ rɑ nɛn mɔru seeye, kpɑ i tu tɑɑku nɡe swɑɑn pɔtɔkɔ i ten ɑrumɑni ɡurɑ.

Esɑi 22:1

Gɑri wee, yi yi kɑ Yerusɑlɛmun wɔwɑ yɑ̃ mi bɑ rɑ kɑ̃si. Wunɛ Yerusɑlɛmu, mbɑn sɔ̃nɑ wunɛn tɔmbɑ nuku dobu mɔ̀, mɑ bɑ kuuki mɔ̀. Mbɑ n kuɑ bɑ kɑ yɔɔmɔ dii tɛɛri wɔllɔ. Wunɛn tɔn be bɑ mɛɛrɑ kuɑ, bɑ ǹ bu mɛɛrɑ kue tɑbu sɔɔ, bɑ ǹ mɑɑ ɡu kɑ tɑkobi.

Esɑi 25:10

Yinni Gusunɔ u koo Siɔnin ɡuuru kɔ̃su. Adɑmɑ u koo Mɔɑbubɑ munkuwɑ nɡe yɑkɑ si bɑ yɑri kɔkɔrɔwɔ.

Esɑi 37:3

Ye bɑ turɑ mi, bɑ nùn sɔ̃ɔwɑ bɑ nɛɛ, ɑmɛniwɑ Esekiɑsi u ɡeruɑ. U nɛɛ, ɡisɔn tɔ̃ɔ te, nuku sɑnkirɑnu sɔɔrɑ sɑ wɑ̃ɑ. Bɑ sun sɛɛyɑsiɑmɔ mɑ bɑ sun doke sekuru sɔɔ. Gisɔn wɑhɑlɑ ye, yɑ sɑ̃ɑwɑ nɡe tɔn kurɔ wi u yiire u kĩ u mɑ, ɑdɑmɑ u ǹ dɑm mɔ u kɑ wɛ̃mɑ.

Esɑi 5:5

Wee ye u koo win ɡbɑɑ te kuɑ. U koo ten kɑrɑ kɑ yen dɑ̃ɑ wukiriwɑ, kpɑ yɑɑ sɑbenu kɑ ɡbeeku yɛɛ yi du mi, yi di, yi tɑɑku.

Esɑi 63:3

U wisɑ u nɛɛ, nɛ turowɑ nɑ dɑ nɑ tɔmbu tɑɑkɑ nɡe resɛm. Bwesenu kpuro sɔɔ, bɑɑ tɔn turo u ǹ nɛ u mɑn somi. Nɑ bu tɑɑkɑ nɑ kɔsukɑ kɑ mɔru, sere ben yɛm mu nɛn yɑ̃nu wisi nu disinu kuɑ.

Esɑi 63:6

Wee, nɑ tɔmbu tɑɑkɑ kɑ mɔru. Bɑ burisinɑ nɡe tɑm nɔrobu nɛn mɔrun sɔ̃. Mɑ nɑ ben yɛm yɑri temɔ.

Yeremi 30:7

Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Swĩi 1:5

Yen yibɛrɛbɑ bɑ ye tɑbu di, mɑ bɑ wɑ̃ɑ bɔri yɛndu sɔɔ. Yinni Gusunɔwɑ u ye nuku sɑnkirɑ ni kpɛ̃ɛ yen torɑ dɑbinun sɔ̃. Wee yibɛrɛbɑ bɑ yen bibu kpɑrɑ bɑ kɑ dɑ bɑ yoru diisiɑmɔ.

Swĩi 2:2

U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Swĩi 2:8

Yinni Gusunɔ u ɡɔ̃ru doke u Yerusɑlɛmun ɡbɑ̃rɑnu kɔsuku. Wee u nu kɔsukɑ kpuro mɑm mɑm. Yɑ kuɑ wɔnwɔndu bɑɑmɑ kpuro. Gbɑ̃rɑnu yiru ye kpuro yɑ kuɑ bɑnsu.

Esekiɛli 7:7

Bɛɛ Isirelibɑ, bɛɛ be i wɑ̃ɑ tem mɛ sɔɔ, sɑɑ yɑ turuku kuɑ. Tɔ̃ɔ te, tɑ turuku kuɑ, tɑ ko n sɑ̃ɑwɑ wɑhɑlɑn tɔ̃ru. Tɔ̃ɔ te sɔɔ, nuku dobun kuuki kun mɑɑ nɔɔrɑmɔ ɡuunu wɔllɔ.

Osee 10:8

Bɑ koo ben bũu yenu kpuro kɔsuku mi bɑ torɑ. Kpɑ yɑkɑsu kɑ sɑ̃ki yi kpi mi. Sɑɑ ɡɑɑ sisi yè sɔɔ bɑ koo ɡuunu kɑ ɡunɡunu sɔ̃ bu nɛɛ, i sun sɛ̃sikio i wukiri.

Misee 7:4

Ben wi u sɑnɔ bo, u sɑ̃ɑwɑ nɡe sɑ̃kɑ. Ben wi u dɛɛre, u ɑwĩi kɔ̃si kere. Yen sɔ̃ tɛ̃, tɔ̃ɔ te Gusunɔn sɔmɔbu bɑ bu nɔɔsiɑ tè sɔɔ bɑ koo bu sɛɛyɑsiɑ tɑ tunumɑ. Wee bɑ burisinɛ kɔ nuku sɑnkirɑnun sɔ̃.

Sofoni 1:15

Tɔ̃ɔ te, tɑ sɑ̃ɑwɑ mɔrun tɔ̃ru. Tɔ̃ɔ te, tɑ sɑ̃ɑwɑ nuku sɑnkirɑnun tɔ̃ru. Tɑ sɑ̃ɑwɑ kɑm kobun tɔ̃ru. Tɔ̃ɔ te, yɑm wɔ̃kurɑ koo tu wukiriwɑ nɡe bukɔ kɑ ɡuru winu.

Mɑteu 24:16

Sɑnɑm mɛyɑ n weenɛ be bɑ wɑ̃ɑ Yudeɑɔ bu duki su bu dɑ ɡuunu ɡiɑ.

Luku 23:30

Sɑɑ yerɑ bɑ koo ɡuunu sɔ̃ bu nɛɛ, i sun sɛ̃sikio, kpɑ bu ɡunɡunu sɔ̃ bu nɛɛ, i sun wukirio.