Esɑi 21:9 - Bibeli Gusunɔn Gari

⁹ Mɑ u mɑɑsɔbu wɑ bɑ sĩimɔ yiru yiru. Mɑ u wɑ Bɑbiloni yɑ wɔrumɑ birem. Mɑ bwɑ̃ɑroku ni bɑ kuɑ ben bũnun sɔ̃ nu wɔrukɑ temɔ nu bɔɔkirɑ.

Esɑi 21:9 ပူးပေါင်းရင်းမြစ်များ

Esɑi 13:19

Bɑbiloniwɑ sinɑmbu kpuro bɑ mɛɛrɑ wuu burɔ, mɑ yen tɔmbu bɑ tii sue. Adɑmɑ nɛ, Yinni Gusunɔ, kon ye kpeerɑsiɑ nɡe mɛ nɑ Sodomu kɑ Gomɔrɑ kuɑ.

Esɑi 14:4

Ù n kuɑ mɛ, womu ɡeniwɑ i ko i kɑ Bɑbilonin sinɑ boko yɛ̃ɛ i nɛɛ, wi u rɑɑ sun dɑm dɔremɔ, u ǹ mɑɑ wɑ̃ɑ. Dɑm dɔrebu kpɑ.

Esɑi 21:7

Mɑ nɑ kuɑ mɛ. Yerɑ u mɑɑsɔbu wɑ bɑ sĩimɔ yiru yiru. Gɑbu bɑ kɛtɛkunu sɔni, ɡɑbu mɑɑ yooyoosu. Mɑ u ye kpuro mɛɛrɑ kɑ lɑɑkɑri.

Esɑi 47:5

Bɑbiloni, wunɛ wi ɑ sɑ̃ɑ nɡe Kɑlɑdebɑn wɔndiɑ, ɑ doo ɑ sinɑ yɑm wɔ̃kuru sɔɔ, ɑ mɑri. Bɑ ǹ mɑɑ nun sokumɔ sinɑmbun sinɑ boko.

Esɑi 47:9

Adɑmɑ tɛ̃ ye yiru kpuro yɑ koo nun deemɑ sɔ̃ɔ teeru subɑru sɔɔ. Bɑɑ mɛ wunɛn tim mu do, mɑ wunɛn dobo dobo yɑ kpɑ̃, kɑ mɛ, kɑɑ ɡɔminiru sinɑ, kpɑ wunɛn bibu bu ɡbi. Ye kpuro yɑ koo koorɑwɑ mɑm mɑm.

Esɑi 48:14

Bɛɛ kpuro i mɛnnɑmɑ, kpɑ i mɑn swɑɑ dɑki. Nɑ ɡoo mɔ wi nɑ kĩ. Wiyɑ u koo nɛn kĩru ko u Bɑbiloni wɔri. Kpɑ u nɔmɑ dɛmiɑ u yen tɔmbu nɛn dɑm sɔ̃ɔsi. Bɛɛn ɡoo kun yen ɡɑri ɡerure.

Yeremi 50:29

I tɛn towobu mɛnnɔ bu Bɑbiloni wɔri, kpɑ bu ben sɑnsɑni ɡirɑ bu kɑ ye sikerenɑ, kpɑ bu ku rɑɑ de ɡoo u kisirɑ min di. Bu bu kɔsieyo nɡe mɛ ben dɑɑ yɑ nɛ. Bu bu kuo nɡe mɛ bɑ rɑɑ ɡɑbu kuɑ. Domi bɑ tii wɔlle suɑ nɛ, Yinni Gusunɔn wuswɑɑɔ, nɛ wi nɑ sɑ̃ɑ Isirelibɑn Yinni Dɛɛro.

Yeremi 50:38

Ben dɑɑnun nim mu ɡbero. Domi tem mi, bũnɑ bɑ rɑ sɑ̃, mɑ nu derɑ bɑ wiru bie.

Yeremi 50:42

Ben tɑbu kowobu bɑ tɑkobi kɑ tɛmɑ nɛni. Bɑ ǹ wɔnwɔndu mɔ, bɑ bɔɔbu. Bɑ wɔki nɡe nim wɔ̃kun nim. Bɑ dumi yɔɔwɑ bɑ swĩinɛ swɛɛ swɛɛ. Bɑ tɑbun sɔɔru sɑ̃ɑ bu kɑ Bɑbiloniɡibu wɔri.

Yeremi 50:9

Domi wee, kon bwesenu seeyɑ wuu wuukɑ kpɑ n de nu Bɑbiloni wɔri. Bɑ koo nɑwɑ sɑɑ sɔ̃ɔ yɛ̃sɑn nɔm ɡeu ɡiɑn di, kpɑ bu ye tɑrusi bu mwɑ. Ben sɛ̃ɛnu nu ǹ kɑm wɔrimɔ. Bɑɑ ben tɑbu durɔ turo kun ɡɔsirɔ nɔm dirɑ.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yeremi 51:44

Yinni Gusunɔ u mɑɑ nɛɛ, kon Bɑbilonin bũu wi bɑ mɔ̀ Bɛli seesi. Kon nùn siɑsiɑ ye u rɑɑ mwɛ, kpɑ tɔmbu bu ku mɑɑ nɑ win mi. Wee Bɑbilonin ɡbɑ̃rɑrɑ wɔrumɑ.

Yeremi 51:47

Adɑmɑ sɔ̃ɔ teeru kon Bɑbilonin bũnu seesi, kpɑ yen tem kpuron tɔmbu bu sekuru wɑ. Gonu nu ko n tɛriewɑ bɑɑmɑ kpuro.

Yeremi 51:52

Adɑmɑ wi, Yinni Gusunɔ u nɛɛ, wee, tɔ̃nu sisi nì sɔɔ u koo Bɑbilonin bũnu seesi, kpɑ be bɑ mɛɛrɑ wɑn wuri yi nɔɔrɑ tem kpuro sɔɔ.

Yeremi 51:64

kpɑ ɑ nɛɛ, nɡe mɛ tire te, tɑ numɑ mi, nɡe mɛyɑ Bɑbiloni yɑ koo kɑm ko. Yɑ ǹ mɑɑ seemɔ, kɔ̃sɑ ye Yinni Gusunɔ u ye suremɔn sɔ̃. Yɑ koo wɔrumɑwɑ kpɑ yɑ kun mɑɑ dɑm mɔ. Yeremin ɡɑrin kpurowɑ mi.

Yeremi 51:8

Wee subɑru sɔɔ, Bɑbiloni yɑ wɔrumɑ yɑ kɔsikirɑ. I ɡɔɔ swĩiyɔ yen sɔ̃, kpɑ i kɑ tim nɑ i doke mi yɑ bosu wɑ. Sɔrɔkudo yɑ koo bɛkurɑ.

Kɑ̃siru 14:8

Wɔllun ɡɔrɑdo yiruse u ɡbiikoo swĩi u nɛɛ, Bɑbiloni, wuu bɔkɔ ɡe, ɡɑ wɔrumɑ, ɡɑ wɔrumɑ, ɡe, ɡe ɡɑ tɔmbu kpuro tilɑsi kuɑ bɑ kɑ ɡen dɑɑ bɛrɛtɛkɛ bɑkɑn tɑm nɔrɑ.

Kɑ̃siru 18:2

U nɔɔɡiru suɑ u nɛɛ, yɑ wɔrumɑ, Bɑbiloni bɑkɑ ye, yɑ wɔrumɑ. Yɑ tɛ̃ kuɑ Setɑm bwɑ̃ɑbun wɑ̃ɑ yeru kɑ wɛrɛku kɔ̃su bɑɑɡeren kuku yeru kɑ ɡunɔ bɔrɔnuɡisu kɑ si su ɡɔbun wɑ̃ɑ yeru.

Kɑ̃siru 18:21

Yerɑ wɔllun ɡɔrɑdo dɑmɡii ɡoo kperu suɑ tɑ kɑ nɛɛ bɑkɑru nɛ mɑ u tu sure nim wɔ̃ku sɔɔ u nɛɛ, nɡe mɛyɑ bɑ Bɑbiloni wuu bɔkɔ ɡe surɑ temɔ kɑ dɑm, ɡɑ ǹ mɑɑ wɑɑrɔ pɑi.