Esɑi 2:6 - Bibeli Gusunɔn Gari

⁶ Yinni Gusunɔ, wee ɑ wunɛn tɔmbu Yɑkɔbun yɛnuɡibu deri, domi bɑ sɔ̃ɔ yɑri yeruɡibun sɑ̃ɑru mɔ̀. Mɑ bɑ wɔri dobo dobon kobu sɔɔ nɡe Filisitibɑ. Bɑ dɑ bɑ kɑ tɔn tukobu ɑrukɑwɑni bɔkuɑ.

Esɑi 2:6 ပူးပေါင်းရင်းမြစ်များ

Sinɑmbu II 1:2

N deemɑ Akɑsiɑ u wɔrumɑ sɑɑ win ɡidɑmbisɑn fɛnɛntin di. Mɑ u tii mɛɛrɑ kuɑ ɡem ɡem. Yerɑ u win bwɑ̃ɑbu ɡɔrɑ u nɛɛ, i doo i mɑn bikiɑru kuɑ Filisitibɑn bũu wi bɑ mɔ̀ Bɑɑli Sebubun mi Ekoroniɔ. Kpɑ u mɑn sɔ̃ nɑ̀ n kon se nɛn mɛɛrɑ yen bosun di.

Sinɑmbu II 17:20

Mɑ Yinni Gusunɔ u Isirelibɑn bweseru kpuro biru kisi. U bu wɛrɔbu nɔmɑ bɛriɑ, bɑ bu sekuru doke, bɑ kɑ bu doonɑ win wuswɑɑn di.

Bɑndun Gɑri I 10:13

Sɔɔlu u ɡuwɑ yèn sɔ̃ u Yinni Gusunɔ tɔnu kɑm kom kuɑ, u ǹ win woodɑbɑ mɛm nɔɔwɛ. U bikiɑru dɑwɑ be bɑ rɑ ɡɔribu sokun mi.

Bɑndun Gɑri II 15:2

Mɑ u dɑ Asɑn wuswɑɑɔ u nùn sɔ̃ɔwɑ u nɛɛ, Asɑ, wunɛ kɑ Yudɑbɑ, kɑ Bɛnyɑmɛɛbɑ, i swɑɑ dɑkio i nɔ. Yinni Gusunɔ u wɑ̃ɑ kɑ bɛɛ, ì n kɑ nùn yɔ̃rɑ. Ì n nùn kɑsu, i ko i nùn wɑ. Adɑmɑ ì n nùn deri, u koo mɑɑ bɛɛ deri.

Bɑndun Gɑri II 24:20

Yerɑ Yinni Gusunɔn Hunde u Sɑkɑri, yɑ̃ku kowo Yehoyɑdɑn bii yɔɔwɑ. Mɑ u yɔ̃rɑ tɔmbun wuswɑɑɔ u nɛɛ, ɑmɛniwɑ Yinni Gusunɔ u ɡerumɔ. U nɛɛ, mbɑn sɔ̃nɑ i win woodɑbɑ sɑrɑmɔ. I ǹ mɑɑ koorɔ. Domi i wi, Yinni Gusunɔ deri. Yen sɔ̃nɑ win tii u koo mɑɑ bɛɛ deri.

Nɛɛmi 13:23

Wɑɑti ye sɔɔ, nɑ Yuubɑ wɑ bɑ kurɔbu suɑ Asidɔdubɑ kɑ Mɔɑbubɑ kɑ Amɔnibɑn min di.

Womusu 106:35

Bɑ kɑ nu burinɑwɑ, mɑ nu bu nin kookoosu tie.

Yɑribu 22:18

Wi u mɑɑ kɑ yɑɑ sɑberu kpunɑ, i yɛ̃ro ɡoowo.

Yɑribu 34:16

Sɔrɔkudo i ko bɛɛn bii tɔn durɔbu kurɔbu suɑ ben bii wɔndiɑbɑ sɔɔ, kpɑ kurɔ be, bu de bɛɛn bii be, bu nɛn sɑ̃ɑru deri bu tɔn ben bũnu sɑ̃.

Mɔnnu 6:1

Nɛn bii, ɑ̀ n tii dɔrɑ ɑ nɛɛ, kɑɑ ɡoon dibu sɔbe, mɑ wunɛn ɡɑri yi nun yinɑ mwɑ,

Esɑi 14:29

bɛɛ Filisitibɑ kpuro i ku nuku dobu ko yèn sɔ̃ boku te tɑ rɑɑ bɛɛ soomɔ tɑ bɔɔrɑ. I n yɛ̃ mɑ ì n wɑɑ ɡɔsɔbu sɑrɑri, i ko i surɔkɔru ɡirɑri.

Esɑi 8:19

Gɑbɑ koo bɛɛ sɔ̃ bu nɛɛ, i doo i bikiɑru ko be bɑ ɡɔribu sokumɔn mi, kɑ sere sɔrobun mi, kɑ be bɑ rɑ bũnu se bɑ n kuuki mɔ̀n mi. Domi bweseru bɑɑtere tɑ rɑ bikiɑru de ten bũun mi, kpɑ u tu ɡɔribu sokuɑ.

Yeremi 10:2

i ku bwese tukunun yirɑ swĩi. I ku wururɑ wɔllun yĩre nin sɔ̃, ni bwese tukunu nù n wɑ, nu rɑ nɑnde.

Yeremi 12:7

Yinni Gusunɔ u nɛɛ, nɑ nɛn sɑ̃ɑ yeru deri. Nɑ nɛn tɔmbu biru kisi, be, be bɑ sɑ̃ɑ nɛn ɑrumɑni. Wee be, be nɑ kĩ mi, nɑ bu yibɛrɛbɑ nɔmu sɔndiɑ.

Swĩi 5:20

Kɑɑ n sun deriwɑ n kɑ tɛ? Mbɑn sɔ̃nɑ kɑɑ n sun duɑri sere kɑ bɑɑdommɑɔ.

Sɑ̃ɑrun Woodɑ 19:31

I ku dɑ be bɑ rɑ ɡɔribu sokun mi ǹ kun mɛ sɔrobun mi kpɑ i ku rɑ kɑ tii disi doke. Domi nɛnɑ nɑ sɑ̃ɑ Gusunɔ bɛɛn Yinni.

Sɑ̃ɑrun Woodɑ 20:6

Goo ù n bikiɑru dɑ ɡɔri sokobun mi ǹ kun mɛ sɔrobun mi, kon nùn wɔriwɑ kpɑ n nùn wunɑ win tɔmbun suunu sɔɔn di.

Misee 5:11

Kon bɛɛn dobo doboɡibu ɡo. I ǹ mɑɑ ben dobo dobo wɑsi bɛɛn suunu sɔɔ.

Misee 5:12

Kon bwɑ̃ɑrokunu kɑ kpee ni i ɡirɑ kɔsuku. I ǹ mɑɑ nu sɑ̃ɑmɔ.

Sofoni 1:8

Wi, Yinni Gusunɔn yɑ̃ku ten tɔ̃ru sɔɔ, u koo wiruɡibu kɑ sinɑ bokon bibu wɔri, kɑ sere mɑɑ be bɑ tɔn tukobun komɑnu swĩi.

Gbɑburu 23:7

Sɑɑ yerɑ Bɑlɑmu u ɡɑri ɡeruɑ u nɛɛ, wee Bɑlɑki Mɔɑbun sunɔ u derɑ nɑ nɑ sɑɑ Arɑmun di. Wiyɑ u derɑ nɑ sɑrɑmɑ sɑɑ sɔ̃ɔ yɑri yerun ɡuunun di. U nɛɛ, n be nɑ n Yɑkɔbun bweseru bɔ̃rusi. N be nɑ n kɑ be Isirelibɑ mɔru ko.

Romu 11:20

Geemɑ, bɑ yi bɔɔrɑ nɑɑnɛ dokebu sɑrirun sɔ̃, mɑ ɑ yɔ̃ nɑɑnɛ dokebun sɔ̃. A ku woo kɑnɑ, ɑdɑmɑ ɑ bɛrum koowo.

Sɑmuɛli I 6:2

Mɑ Filisitibɑ bɑ ben yɑ̃ku kowobu kɑ ben sɔrobu sokɑ bɑ bu bikiɑ bɑ nɛɛ, ɑmɔnɑ sɑ ko kɑ Yinni Gusunɔn woodɑn kpɑkoro te ko. I sun sɔ̃ɔwɔ nɡe mɛ sɑ ko koosinɑ su kɑ tu wesiɑ Isirelibɑn mi.