Esɑi 2:5 - Bibeli Gusunɔn Gari

⁵ Bɛɛ Yɑkɔbun yɛnuɡibu, i nɑ su dɑ su sĩ yɑm bururɑm sɔɔ, mɛ Yinni Gusunɔ u sun wɛ̃ɛmɔ.

Esɑi 2:5 ပူးပေါင်းရင်းမြစ်များ

Womusu 36:10

Domi wunɑ ɑ sɑ̃ɑ wɑ̃ɑrun nuuru. Wunɛn yɑm bururɑm sɑɑbuwɑ sɑ kɑ wɑ̃ɑrun ɑsɑnsi tubumɔ.

Womusu 89:15

Gemɑ mu sɑ̃ɑ wunɛn bɑndun kpɛɛkpɛɛku. Kĩru kɑ bɔrɔkinirɑ rɑ n wɑ̃ɑ wunɛn wuswɑɑɔ.

Womusu 89:16

Yinni Gusunɔ, doo nɔɔruɡibɑ be bɑ rɑ nun tɑkɑru ko. Bɑ rɑ sĩwɑ yɑm bururɑm sɔɔ wunɛn wuswɑɑɔ.

Esɑi 2:3

nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Esɑi 58:1

Yinni Gusunɔ u nɛɛ, ɑ nɔɔɡiru suo kɑ dɑm nɡe mɛ kɑɑ kpĩ, kpɑ wunɛn nɔɔ ɡu nɔɔrɑ nɡe kɔbɑ. A nɛn tɔmbu Yɑkɔbun bweseru sɔ̃ɔwɔ mɑ bɑ durum kuɑ.

Luku 1:79

u kɑ bu yɑm dɛɛrɑsiɑ be bɑ wɑ̃ɑ yɑm wɔ̃kuru sɔɔ kɑ be ɡɔɔn bɛrum wukiri nɡe yɑm wɔ̃kuru. Kpɑ u kɑ bɛsɛn nɑɑsu kpɑrɑ ɑlɑfiɑn swɑɑ sɔɔ.

Efesu 5:8

Yellu bɛɛn tii i rɑɑ wɑ̃ɑwɑ yɑm wɔ̃kuru sɔɔ. Adɑmɑ tɛ̃, bɛɛ kɑ Yinnin ɡbinnɑɑn sɔ̃, i wɑ̃ɑ yɑm bururɑm sɔɔ. Ǹ n mɛn nɑ, i de i n sĩimɔ nɡe yɑm bururɑmɡibu.

Yohɑnu I 1:5

Lɑbɑɑri wee ye sɑ nuɑ sɑɑ Yesu Kirisi win min di, mɑ sɑ bɛɛ ye nɔɔsiɑmɔ. Gusunɔ sɑ̃ɑwɑ yɑm bururɑm, yɑm wɔ̃kuru sɑri win mi.

Yohɑnu I 1:7

Adɑmɑ sɑ̀ n sĩimɔ yɑm bururɑm sɔɔ, nɡe mɛ win tii u wɑ̃ɑ yɑm bururɑm sɔɔ, sɑ ko n nɔɔ tiɑ sɑ̃ɑ bɛsɛn tii tiinɛ. Win Bii Yesun yɛm mu mɑɑ sun dɛɛrɑsiɑmɔ sɑɑ torɑru kpuron di.