Esɑi 2:3 - Bibeli Gusunɔn Gari

³ nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Esɑi 2:3 ပူးပေါင်းရင်းမြစ်များ

Ɛsitɛɛ 9:27

Mɑ Yuubɑ bɑ tɔ̃ɔ ni kuɑ wororu te bɑ ǹ kpɛ̃ bu kɔsi ben bibun bweseru kɑ be bɑ koo rɑ tii koo Yuun sɔ̃. Wɔ̃ɔ bɑɑɡere, sɔ̃ɔ yiru ye sɔɔ, bɑ ko n dɑ tɔ̃ɔ bɑkɑru diwɑ nɡe mɛ Mɑɑdose u yen woodɑ yi.

Womusu 102:23

sɑnɑm mɛ bwesenu kpuro nu koo mɛnnɑ kɑ nin sinɑmbu bu kɑ nùn sɑ̃.

Womusu 110:2

Nɛn Yinni, Yinni Gusunɔ u koo nun ko sunɔ dɑmɡii Siɔniɔ, kpɑ ɑ wunɛn wɛrɔbu tɑɑre.

Womusu 119:171

A rɑ mɑn wunɛn woodɑbɑn keu sɔ̃ɔsi. A de wunɛn siɑrɑbu bu nɔɔrɑ nɛn nɔɔn di.

Womusu 122:1

Sɑ̃ɑ dɑɑrun womu ɡe Dɑfidi u kuɑ. Ge wee. Bɑ̀ n nɛɛ, su dɑ Yinni Gusunɔn sɑ̃ɑ yerɔ, nɛn nukurɑ rɑ dorewɑ.

Womusu 48:1

Womu ɡe Koren bibu bɑ kuɑ. Ge wee.

Esɑi 1:26

Kon bɛɛ kuɑ nɡe yellu. Siri kowobu bɑ ǹ mɑɑ nɔm birɑn kɛ̃nu mwɑɑmɔ. Mɛyɑ bɑ ǹ mɑɑ bwisi kɛ̃ɔbun nɔsu ɡum tɛɛnimɔ. Sɑɑ yerɑ bɑ koo nɛɛ, ɡemɡibu kɑ nɑɑnɛɡibun wuuwɑ mini.

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 19:23

Sɑɑ ye sɔɔ, swɑɑ yɑ koo yɑri Eɡibitin di yu dɑ Asiriɔ, kpɑ Eɡibitiɡibu bu dɑ Asiriɔ. Asiriɡibu bɑ koo mɑ dɑ Eɡibitiɔ, kpɑ be kpuro bu mɛnnɑ bu Yinni Gusunɔ sɑ̃.

Esɑi 28:9

Bɑ ɡerumɔ bɑ mɔ̀, wɑrɑ nɑ kĩ n keu sɔ̃ɔsi. Wɑrɑ u koo kɑ nɛn ɡɑri sɔmburu ko, mɑ n kun mɔ bii wi bɑ bɔm kɑrɑ.

Esɑi 44:5

Sɑɑ yerɑ ɡoo u koo ɡere u nɛɛ, wi, Yinni Gusunɔɡiiwɑ, kpɑ wini u nɛɛ, wi, u sɑ̃ɑwɑ Yɑkɔbun bweseru, kpɑ wiɔnɔ u yore win nɔmɑɔ wiyɑ Yinni Gusunɔɡii, kpɑ u tii Isirelibɑn yĩsiru kɛ̃ kɑ nuku dobu.

Esɑi 56:5

kon bu ɑyeru wɛ̃ nɛn yɛnuɔ, kpɑ bu yĩsiru yɑri n kere bɑ̀ n dɑɑ bibu mɑrɑ. Kon bu yĩsiru kɛ̃ te tɑ ko n wɑ̃ɑ sere kɑ bɑɑdommɑɔ, tɑ ǹ ɡbimɔ.

Esɑi 56:7

kon kɑ bu dɑ nɛn ɡuu dɛɛrɑrɔ, kpɑ n de bu nuku dobu ko nɛn sɑ̃ɑ yerɔ. Kon ben yɑ̃ku dɔ̃ɔ mwɑɑrɑruɡinu kɑ ben yɑ̃ku ni nu tie mwɑ nɛn yɑ̃ku yerɔ. Domi bɑ koo nɛn dii te sokuwɑ bwesenu kpuron kɑnɑ yeru.

Esɑi 60:3

Bwesenu kɑ nin sinɑmbu bɑ koo nɑ bu sĩ yɑm bururɑm mɛ sɔɔ.

Esɑi 65:11

Adɑmɑ kon nɑ n bɛɛ deemɑ bɛɛ be i nɛ, Yinni Gusunɔ deri, mɑ i nɛn sɑ̃ɑ yee dɛɛrɑ te duɑri te tɑ wɑ̃ɑ ɡuuru wɔllɔ, i dɑ i dimɔ bũu wi bɑ mɔ̀ Gɑdin nuurɔ, mɑ i bɛɛn nɔri tɑm yibiɑmɔ bũu wi bɑ mɔ̀ Mɛnin sɔ̃.

Esɑi 66:20

Kpɑ bu kɑ bɛɛn mɛro bisibu wurɑmɑ bwesenu kpuron min di nɛn ɡuu dɛɛrɑrɔ Yerusɑlɛmuɔ, bɑ n yɔɔwɑ dumi wɔllɔ kɑ kɛkɛ be dumi ɡɑwe sɔɔ, kɑ ɑmɑkɛɛbɑ sɔɔ, kɑ kɛtɛkunun wɔllɔ, kɑ sere yooyoosun wɔllɔ. Bɑ koo kɑ bu nɑwɑ nɡe mɛ Isirelibɑ bɑ rɑ kɛ̃nu doke ɡbɛ̃ɛ dɛɛrɑnɔ bu kɑ mɑn nɑɑwɑ nɛn sɑ̃ɑ yerɔ.

Yeremi 12:16

Geemɑ bɑ rɑɑ nɛn tɔmbu sɔ̃ɔsi bu bɔ̃re kɑ bũu wi bɑ mɔ̀ Bɑɑlin yĩsiru, ɑdɑmɑ bɑ̀ n ɡɔ̃ru ɡɔsiɑ, bɑ mɔ̀ nɡe mɛ n weenɛ nɛn tɔmbu bu ko, kpɑ bɑ n bɔ̃rumɔ bɑ n mɔ̀, kɑ nɛ, Yinni Gusunɔn wɑ̃ɑru. Sɑɑ yerɑ kon de bu sinɑ kɑ nuku dobu nɛn tɔmbun suunu sɔɔ.

Yeremi 26:18

Misee Mɔresɛtiɡii u rɑɑ Gusunɔn ɡɑri ɡeruɑ Yudɑn sinɑ boko Esekiɑsin wɑɑti u nɛɛ, ɑmɛniwɑ Gusunɔ, wɔllu kɑ tem Yinni u ɡeruɑ. U nɛɛ, bɑ koo Yerusɑlɛmu bwiiyɑ nɡe ɡberu, kpɑ yu ko nɡe kpee ni bɑ subɑ, kpɑ ɡuu tèn wɔllɔ bɑ Yinni Gusunɔn sɑ̃ɑ yee te bɑnɑ, tu dɑ̃nu kpi n ko dɑ̃ɑ sɔ̃ɔ bɔkɔ.

Yeremi 31:6

Sɑɑ yɑ sisi yè sɔɔ wuun kɔ̃sobu bɑ koo nɔɔɡiru suɑ Efɑrɑimun ɡuuru wɔllun di bu nɛɛ, i seewo su dɑ Siɔniɔ mi Gusunɔ bɛsɛn Yinni u wɑ̃ɑ.

Esekiɛli 40:2

kɑ̃siru sɔɔ. U nùn suɑ u yi ɡuuru wɔllɔ te tɑ ɡunu too. Ten sɔ̃ɔ yɛ̃sɑn nɔm dwɑru ɡiɑ, u diɑ wɑ yɑ sɑ̃ɑ nɡe wuu.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Mɑteu 7:24

Yesu mɑɑ nɛɛ, yen sɔ̃, bɑɑwure wi u nɛn ɡɑri yini nɔɔmɔ, mɑ u yi mɛm nɔɔwɑmmɛ, u ko n kɑ durɔ bwisiɡii wini weenɛ wi u win diru bɑnɑ kpee sɑɑrɑ wɔllɔ.

Luku 11:28

Mɑ Yesu u nɛɛ, n sɑnɔ ɑ ɡere, doo nɔɔruɡibɑ be bɑ Gusunɔn ɡɑri swɑɑ dɑkimɔ, mɑ bɑ yi nɛnumɔ.

Luku 24:47

Kpɑ bu tem kpuron tɔmbu sɔ̃ kɑ win yĩsiru bu nɛɛ, bu ɡɔ̃ru ɡɔsio bu kɑ ben torɑnun suuru wɑ. Bɑ koo torewɑ Yerusɑlɛmun di.

Yohɑnu 4:22

Bɛɛ Sɑmɑriɡibu, i ǹ yɛ̃ wi i sɑ̃ɑmɔ. Bɛsɛ Yuubɑ sɑ yɛ̃ wi sɑ sɑ̃ɑmɔ domi fɑɑbɑ yɑ weewɑ sɑɑ Yuubɑn min di.

Yohɑnu 7:17

Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Gɔrobun Kookoosu 1:8

Adɑmɑ i ko i dɑm mwɑ sɑnɑm mɛ Hunde Dɛɛro u duɑ bɛɛ sɔɔ. I ko n sɑ̃ɑ nɛn seedɑ diobu Yerusɑlɛmuɔ, kɑ Yudeɑ kpuro sɔɔ, kɑ mɑɑ Sɑmɑriɔ, kɑ sere sere tem nɔrɔ.

Gɔrobun Kookoosu 10:33

Yen sɔ̃nɑ nɑ nun ɡɔriɑ yɑnde, ɑ mɑɑ kuɑ ye ɑ kɑ nɑ fuuku. Tɛ̃ bɛsɛ kpuro sɑ wɑ̃ɑ mini Gusunɔn wuswɑɑɔ su kɑ nɔ ye Yinni u nun sɔ̃ɔwɑ ɑ sun sɔ̃.

Romu 10:18

Adɑmɑ nɑ bikiɑmɔ, kɑ ɡeemɑ bɑ ǹ nɔɔre ro? Bɑ nuɑ. Domi bɑ yoruɑ, “Nɔɔ ɡe, ɡɑ nɔɔrɑ tem kpuro sɔɔ, mɑ ɡɑri yi, yi turɑ sere hɑnduniɑn nɔrɔ.”

Sɔ̃ɔsiru 33:19

Bɑ koo tɔmbu soku ben ɡuunɔ kpɑ bu yɑ̃kunu ko sɑnnu nɡe mɛ woodɑ yɑ ɡeruɑ. Ben dukiɑ yɑ koo nɑwɑ nim wɔ̃kun tenkurun di kɑ sere mɑɑ yɑni sɛɛrin di.

Sɔ̃ɔsiru 6:1

Mɔwisi u mɑɑ nɛɛ, wee woodɑ kɑ sɔ̃ɔsi ni Gusunɔ bɛsɛn Yinni u mɑn yiire n bɛɛ wɛ̃ i mɛm nɔɔwɑ tem mɛ i ko i mwɑ sɔɔ.

Yɑkɔbu 1:25

Adɑmɑ wi u woodɑ ɡeɑ wɛ̃ɛrimɔ ye yɑ tɔnu yɑkiɑmɔ mɑ u ye mɛm nɔɔwɑmmɛ kɑ tɛmɑnɑbu, mɑ u ǹ sɑ̃ɑ nɔwɔ wi u koo duɑri, wiyɑ sɑ̃ɑ doo nɔɔruɡii win sɔmburu sɔɔ.