Esɑi 17:7 - Bibeli Gusunɔn Gari

⁷ Tɔ̃ɔ te sɔɔ, tɔmbɑ koo ben lɑɑkɑri wesiɑ ben tɑkɑ kowon mi ɡiɑ, kpɑ ben nɔni yi Gusunɔ Isirelibɑn Yinni Dɛɛro wɑ.

Esɑi 17:7 ပူးပေါင်းရင်းမြစ်များ

Sɑmuɛli II 22:42

Nɑ rɑ bu munkuwɑ kpɑ bu ko nɡe tuɑ. Nɑ rɑ bu tɑɑkuwɑ kpɑ bu ko nɡe pɔtɔkɔ. Yinni Gusunɔ, bɑ̀ n nɔɔɡiru suɑ bɑ fɑɑbɑ kɑnɑ, ɑ ku bu fɑɑbɑ ko. Bɑ̀ n somiru kɑnɑ, ɑ ku bu wisi.

Bɑndun Gɑri II 31:1

Yenibɑ kpuron biru, Isireli be bɑ wɑ̃ɑ mi, bɑ seewɑ bɑ dɑ Yudɑn wusu kpuro sɔɔ bɑ bwɑ̃ɑrokunu kɔsukɑ mɑ bɑ ɡunɡunu kɑ bũu yɑ̃ku yenu kpuro kɔsukɑ Yudɑn temɔ kɑ Bɛnyɑmɛɛn temɔ kɑ Efɑrɑimun temɔ kɑ Mɑnɑsen temɔ. Yen biru, be kpuro bɑ wurɑmɑ ben temɔ, ben bɑɑwure u dɑ u wɑ̃ɑ win wɑ̃ɑ yerɔ.

Womusu 95:6

I nɑ su kpunɑ su tii kɑwɑ. Su yiirɑ Yinni Gusunɔ bɛsɛn tɑkɑ kowon wuswɑɑɔ.

Esɑi 19:22

U bu mɛɛrɑ kuɑ, ɑdɑmɑ u koo bu bɛkiɑ. Bɑ koo ɡɔsirɑ win mi, kpɑ u ben kɑnɑru nɔ u bu fɑɑbɑ ko.

Esɑi 22:11

I kpɑɑ ɡbɑ ɡbɑ̃rɑnu yirun bɑɑ sɔɔ yu kɑ yeɔnɔn nim nɛnɛ. Adɑmɑ i ǹ Gusunɔ mɛɛrɑ wi u yen himbɑ yi yellun di.

Esɑi 29:24

Bèn bwisikunu nu rɑɑ tondɔ, bɑ koo bwisi wɑ. Be bɑ ku rɑ rɑɑ mɑɑ ɡɑri wure, bɑ koo ɡɑri wurɑ.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Amɔsu 3:12

Wee ye nɑ mɑɑ ɡeruɑ. Nɑ nɛɛ, nɡe mɛ yɑ̃ɑ kpɑro u rɑ win sɑbenun sukum wɔre ɡbee sunɔn nɔɔn di, nɡe mɛyɑ kon bɛɛ Isirelibɑ wɔrɑ bɛɛ be i nɑ i sɔ̃ Sɑmɑriɔ kpin yee burɑnu sɔɔ.

Misee 7:7

Adɑmɑ nɛ, Yinni Gusunɔwɑ ko nɑ n mɛɛrɑ. Wiyɑ ko nɑ n nɑɑnɛ sɑ̃ɑ. Domi u rɑ mɑn fɑɑbɑ ko. Wiyɑ u koo mɑn wisi.