Esɑi 17:3 - Bibeli Gusunɔn Gari

³ Isirelibɑ bɑ ǹ ko n ɡbɑ̃rɑru mɔ. Mɛyɑ Dɑmɑsi yɑ ǹ ko n mɑɑ sinɑ boko mɔ. Siriɡii be bɑ tie, bɑ ǹ Isirelibɑ bɛɛrɛ kerɑmɔ. Gusunɔ, wɔllu kɑ tem Yinniwɑ u yeni ɡeruɑ.

Esɑi 17:3 ပူးပေါင်းရင်းမြစ်များ

Sinɑmbu II 16:9

Sɑɑ ye sɔɔrɑ Asirin sinɑ boko wi, u Akɑsin ɡɑri yi wurɑ. Mɑ u dɑ u Dɑmɑsi wɔri u mwɑ u ɡen tɔmbu yoru mwɛɛrɑ u kɑ dɑ Kiriɔ. Mɑ u ben sinɑ boko Resini wi mwɑ u ɡo.

Sinɑmbu II 17:6

Oseen bɑndun wɔ̃ɔ nɔɔbɑ nnɛse sɔɔrɑ, Asirin sinɑ boko u Sɑmɑri mwɑ. Mɑ u Isirelibɑ yoru mwɛɛrɑ u kɑ dɑ win temɔ. U derɑ ben ɡɑbɑ wɑ̃ɑ Sɑlɑsin temɔ kɑ Gosɑnin temɔ mi dɑɑ te bɑ mɔ̀ Sɑbori tɑ wɑ̃ɑ kɑ mɑɑ Mɛdibɑn wuu mɑrosɔ.

Esɑi 10:9

U mɑɑ wusu nɔmɑ doke si su wɑ̃ɑ win swɛɛ sɔɔ n kɑ ɡirɑri Yerusɑlɛmuɔ. Wuu siyɑ Kɑlinɔ kɑ Kɑɑkemisi kɑ Hɑmɑti kɑ Aɑpɑdi kɑ Sɑmɑri kɑ Dɑmɑsi.

Esɑi 16:14

Adɑmɑ tɛ̃, u nɛɛ, wɔ̃ɔ itɑ yɑ̀ n doonɑ kese, bɑ koo wi u bɛɛrɛ bo Mɔɑbuɔ ɡɛm, kɑ sere mɑɑ yen tɔmbu kpuro. Be bɑ koo tiɑ, bɑ ǹ ko n dɑbi, bɑ ǹ mɑɑ bu mɛɛrimɔ ɡɑ̃ɑnu.

Esɑi 17:4

Sɑɑ ye sɔɔ, Isirelibɑn bɛɛrɛ yɑ koo kɑɑrɑ, kpɑ ben dukiɑ yu doonɑ bu ko sɑ̃ɑrobu.

Esɑi 25:2

A derɑ wuu ɡe, ɡɑ wɔrumɑ ɡɑ kuɑ nɡe kpee ni bɑ subɑ. Mɑ wuu ɡe ɡɑ ɡbɑ̃rɑru mɔ ɡɑ kuɑ bɑnsu. A derɑ tii suobun wuun ɡbɑ̃rɑnu nu wɔrukɑ. Bɑ ǹ mɑɑ nu seeyɑmɔ sere kɑ bɑɑdommɑɔ.

Esɑi 7:16

Bii wi, u sere sɑɑ ye turi, sinɑmbu yiru ye ɑ nɑsie mi, ben tem mu koo ko bɑnsu.

Esɑi 7:8

Siri kpuron dɑm mu wɑ̃ɑwɑ Dɑmɑsiɔ. Resini tɔnɑwɑ u sɑ̃ɑ Dɑmɑsin dɑm. Isireli kpuron dɑm mu wɑ̃ɑwɑ Sɑmɑriɔ. Mɛyɑ Remɑliɑn bii tɔnɑwɑ u sɑ̃ɑ Sɑmɑrin dɑm. Adɑmɑ wɔ̃ɔ wɑtɑ kɑ nɔɔbun bɑɑ sɔɔ, Isirelibɑ bɑ koo yɑrinɑ kpɑ bɑ kun mɑɑ dɑm ɡɑm mɔ. Yen sɔ̃, Akɑsi u n tororu sɔ̃, u n nɛ, Yinni Gusunɔ nɑɑnɛ sɑ̃ɑ. Mɑ n kun mɛ, win dɑm mu koo mɑɑ kpe.

Esɑi 8:4

Domi sere bu kɑ nɛɛ, bii wi, u mɔ̀, bɑɑbɑ, ǹ kun mɛ yɑɑyi, bɑ koo Dɑmɑsi kɑ Sɑmɑrin ɑrumɑni kpuro kɑtɑ ko bu ɡurɑ bu kɑ dɑ Asiriɔ.

Osee 1:4

Mɑ Yinni Gusunɔ u nɛɛ, i bii wi yĩsiru kɛ̃ɛyɔ Yisirɛɛli. Domi sɑɑ fiiko sɔɔ kon Yehun yɛnuɡibu wɔri yèn sɔ̃ bɑ tɔmbun yɛm yɑri Yisirɛɛliɔ, kpɑ n Isirelibɑn bɑndu kpeerɑsiɑ.

Osee 1:6

Yenibɑn biru, Gomɛɛ u mɑɑ ɡurɑ suɑ mɑ u bii tɔn kurɔ mɑrɑ. Mɑ Yinni Gusunɔ u Osee sɔ̃ɔwɑ u nɛɛ, ɑ nùn yĩsiru kɛ̃ɛyɔ Lo Ruhɑmɑ. Yen tubusiɑnɑ bii wi bɑ yinɑ. Domi nɑ ǹ mɑɑ Isirelibɑ wɔnwɔndu kuɑmmɛ. Nɑ ǹ bu suuru kuɑmmɛ.

Osee 10:14

Yen sɔ̃nɑ tɑbun wurenu koo nɔɔrɑ bɛɛn suunu sɔɔ. Kpɑ bu bɛɛn ɡbɑ̃rɑnu kpuro kɔsuku nɡe mɛ Sɑlumɑn sinɑ boko u Bɛti Aribɛli wɔri, mɑ u bii mɛrobu kɑ ben bibu munkɑ.

Osee 3:4

Nɡe mɛyɑ Isirelibɑ bɑ ko n wɑ̃ɑ sunɔ sɑri n kɑ tɛ. Mɛyɑ bɑ ǹ ko n mɑɑ wiruɡii mɔ. Bɑ ǹ mɑɑ yɑ̃kunu mɔ̀. Bɑ ǹ mɑɑ bũnu ɡɑnu sɑ̃ɑmɔ. Mɛyɑ yɑ̃ku kowo ɡoo kun ko n mɑɑ wɑ̃ɑ ben suunu sɔɔ u kɑ bu bikiɑru kuɑ.

Osee 8:8

Isirelibɑ bɑ derɑ bɑ bu mwɛ. Be wee bwesenu sɔɔ nɡe weke te ɡoo kun mɑɑ kĩ.

Osee 9:11

Tɛ̃ Isirelibɑn bɛɛrɛ yɑ koo doonɑ nɡe ɡunɔ mɔrin wuuru. Ben kurɔbu bɑ ǹ mɑɑ ɡuri suɑmɔ bu sere mɑ.

Amɔsu 8:14

Be bɑ bɔ̃rumɔ kɑ Sɑmɑriɡibun bũnun yĩsiru bɑ mɔ̀, kɑ bũu wi u wɑ̃ɑ Dɑnuɔn wɑ̃ɑru, ǹ kun mɛ kɑ sɑ̃ɑ te bɑ mɔ̀ Beri Sebɑɔ, be kpurowɑ kon de bu wɔruku, kpɑ bu kpɑnɑ bu se.