Esɑi 16:7 - Bibeli Gusunɔn Gari

⁷ Tɛ̃ bɑ weeweenu mɔ̀ ben tiin sɔ̃, bɑ sumɔ Kiri Hɑresɛtin sɔ̃ ye yɑ bɑnsu kuɑ.

Esɑi 16:7 ပူးပေါင်းရင်းမြစ်များ

Sinɑmbu II 3:25

Mɑ bɑ ben wuu mɑrosu kpuro kɔsukɑ bɑ ben ɡbee ɡeenu kpuro kɑm koosiɑ. Bɑ nu kpenu sɛ̃siki. Mɑ bɑ ben dɔkɔbɑ kɑ bwii kpuro kɔruɑ. Bɑ mɑɑ ben dɑ̃ɑ ɡbɑɑnu kpuron dɑ̃nu bɔɔrɑ. Yen biru be bɑ kɑ kpurɑntɛɛru tɑbu mɔ̀, bɑ wuu ɡe bɑ mɔ̀ Kiri Hɑresɛti wɔri, bɑ ɡen ɡbɑ̃rɑru kɔsukɑ.

Yeremi 48:20

Bɑ koo bɛɛ wisi bu nɛɛ, bɑ wɑ̃ɑwɑ sekuru sɔɔ bɑ diirimɔ. I kuuki koowo, i ɡbɑ̃rɑ, kpɑ i bɑɑwure nɔɔsiɑ Aɑnɔɔwɔ mɑ bɑ Mɔɑbubɑ ɡurɑ.

Esɑi 16:11

Nɛn wɑsi yi diirumɔ Mɔɑbun sɔ̃ nɡe mɔrɔku sɛrum. Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

Esɑi 8:19

Gɑbɑ koo bɛɛ sɔ̃ bu nɛɛ, i doo i bikiɑru ko be bɑ ɡɔribu sokumɔn mi, kɑ sere sɔrobun mi, kɑ be bɑ rɑ bũnu se bɑ n kuuki mɔ̀n mi. Domi bweseru bɑɑtere tɑ rɑ bikiɑru de ten bũun mi, kpɑ u tu ɡɔribu sokuɑ.

Bɑndun Gɑri I 16:3

Mɑ u be kpuro dĩɑnu bɔnu kuɑ, tɔn kurɔbu kɑ tɔn durɔbu. U bɑɑwure pɛ̃ɛ kɑ yɑɑ wɔ̃ɔrɑ wɛ̃ kɑ sere mɑɑ kirɑ te bɑ kuɑ kɑ resɛm ɡbebɑ.

Bɑndun Gɑri I 12:40

Mɑ bɑ kuɑ sɔ̃ɔ itɑ Dɑfidin mi, bɑ dimɔ bɑ nɔrumɔ. Domi beɡibu bɑ dĩɑnun sɔɔru kuɑ ben sɔ̃.

Yeremi 48:31

Yen sɔ̃nɑ nɑ Mɔɑbubɑ kpuro ɡɔɔ swĩiyɑmmɛ. Mɑ nɑ Kiri Herɛsiɡibu weeweenu kuɑmmɛ.