Esɑi 15:7 - Bibeli Gusunɔn Gari

⁷ Yen sɔ̃nɑ bɑ ben ɑrumɑni ɡurɑ ye yɑ bu tie bɑ kɑ tɔburɑmɔ nim torɑn ɡuru ɡiɔ mi dɑ̃nu wɑ̃ɑ.

Esɑi 15:7 ပူးပေါင်းရင်းမြစ်များ

Esɑi 10:14

U ben ɑrumɑni ɡurɑwɑ nɡe mɛ bɑ rɑ sɛ̃ɑ ɡure ɡunɔbun sokurɔ. U ye kpuro ɡurɑwɑ ben tem mɛ sɔɔ nɡe sɛ̃ɑ ye ɡunɔ ɡɑ deri. Goo kun kɑ tii yinɛ ǹ kun mɛ u nɔɔɡiru suɑ u kuukɑ ko. Adɑmɑ nɑ bikiɑmɔ,

Esɑi 10:6

Nɑ derɑ i bwese te tɑ ǹ nɛn bɛɛrɛ yɛ̃ wɔri te tɑ rɑ nɛn mɔru seeye, kpɑ i tu tɑɑku nɡe swɑɑn pɔtɔkɔ i ten ɑrumɑni ɡurɑ.

Esɑi 15:8

Mɔɑbubɑn tem nɔɔ burɑ yenu kpuro sɔɔ, wuri nɔɔrɑmɔ. Ben weeweenu nu nɔɔrɑmɔ sere Eɡɑlɑimuɔ, kɑ mɑɑ Elimun dɔkɔwɔ.

Esɑi 30:6

Wee Yudɑbɑ bɑ ben yɑɑ sɑbenu sɔmunu sɔbi bɑ kɑ dɔɔ sɔ̃ɔ yɛ̃sɑn nɔm dwɑru ɡiɑ mi nuku sɑnkirɑrɑ wɑ̃ɑ. Domi ɡbee sinɑnsu su wɑ̃ɑ mi, kɑ surɔkɔnu kɑ sere wɛɛ nɑnumɡii ɡɛɛ. Tɔn be, bɑ ben dukiɑ kɑ ben ɑrumɑni kpuro kɛtɛkunu kɑ yooyoosu sɔbi, bɑ kɑ Eɡibitiɡibu dɑɑwɔ, be bɑ ǹ koo bu ɑrufɑɑni ɡɑɑ kuɑ.

Esɑi 5:29

Mɑ bɑ kukirimɔ nɡe ɡbee sunɔ, ɡe ɡɑ yɑɑ mwɑ ɡɑ kɑ doonɔ ɡoo kun ɡu yinɑri.

Yeremi 48:36

Yen sɔ̃nɑ nɛn ɡɔ̃ru ɡɑ sumɔ nɡe ɡuuru Mɔɑbubɑ kɑ Kiri Herɛsiɡibun sɔ̃. Domi ben dukiɑ ye bɑ ɡurɑ kpuro yɑ kɑm kuɑ.

Sɑ̃ɑrun Woodɑ 23:40

Yen tɔ̃ɔ ɡbiikii te, i ko i dɑ̃ɑ mɑrum burɑm suɑ kɑ kpɑkpɑ wurusu kɑ dɑ̃ɑ wuru bɑkɑsu si su rɑ n wɑ̃ɑ dɑɑrɔ kpɑ i n nuku dobu mɔ̀ nɛn wuswɑɑɔ sɔ̃ɔ nɔɔbɑ yiru ye.