Esɑi 15:2 - Bibeli Gusunɔn Gari

² Diboniɡibu bɑ dɑ bũu sɑ̃ɑ yerɔ kɑ ɡuunu wɔllɔ bu kɑ swĩ. Mɔɑbubɑ bɑ weeweenu mɔ̀ wuu si bɑ mɔ̀ Nɛbo kɑ Mɛdebɑn sɔ̃. Mɑ bɑ ben winu kɑ ben tobunu kɔnɑ nuku sɑnkirɑnun sɔ̃.

Esɑi 15:2 ပူးပေါင်းရင်းမြစ်များ

Sɑmuɛli II 10:4

Yerɑ Hɑnuni u Dɑfidin bwɑ̃ɑ be mwɛɛrɑ, u ben tobunu kɔnɑ beri berikɑ u sukum deri. Mɑ u ben yɑbenu bɔtirɑ ben tɑɑnun deedeerun di. Yen biru u bu ɡirɑ bɑ doonɑ.

Bɑndun Gɑri I 19:4

Yerɑ Hɑnuni u Dɑfidin sɔmɔ be mwɑ u ben tobɑ kɔnɑ mɑ u ben yɑbenu kɑrɑnɑ sɑɑ suunun di sere tɑɑnɔ. Mɑ u bu yɔ̃su bɑ doonɑ.

Yoobu 1:20

Ye Yoobu u yenibɑ kpuro nuɑ, yerɑ u seewɑ u win yɑberu nɛnuɑ u kɑrɑnɑ, mɑ u tii wii pɔɔru wokɑ nuku sɑnkirɑnun sɔ̃. Mɑ u yiirɑ u siriru tem ɡirɑri u nɛɛ,

Esɑi 14:31

Bɛɛ be i wɑ̃ɑ wuun ɡbɑ̃rɑ kɔnnɔwɔ i weeweenu koowo bɛrum sɔ̃. Bɛɛ Filisitibɑ kpuro ɡesi i diirio, domi yibɛrɛbɑ bɑ tuɑ seeye nɡe dɔ̃ɔ wiiru. Bɑ wee sɔ̃ɔ yɛ̃sɑn nɔm ɡeu ɡiɑn di, mɑ ben tɑbu sĩi yi bɑɑsinɛ.

Esɑi 15:3

Mɑ bɑ sɑɑkibɑ sebuɑ bɑ wɑ̃ɑ swɛɛ sɔɔ kɑ dii tɛɛriɔ kɑ dii yɑɑriɔ nuku sɑnkirɑnun sɔ̃. Mɑ bɑ weeweenu mɔ̀ bɑ sumɔ kɑ nɔni yĩresu.

Esɑi 16:12

Mɔɑbubɑ bɑ dɑɑmɔ ɡunɡunu wɔllɔ kɑm sɔɔ. Bɑ dumɔ ben bũu sɑ̃ɑ yerɔ bu kɑ domɑru ko. Adɑmɑ bɑ ǹ somiru wɑsi.

Esɑi 16:7

Tɛ̃ bɑ weeweenu mɔ̀ ben tiin sɔ̃, bɑ sumɔ Kiri Hɑresɛtin sɔ̃ ye yɑ bɑnsu kuɑ.

Esɑi 22:12

Yen sɔ̃nɑ tɔ̃ɔ teni sɔɔ, Gusunɔ, wɔllu kɑ tem Yinni, u bɛɛ sokɑ i kɑ swĩ, kpɑ i weeweenu ko i bɛɛn winu kɔni, kpɑ i sɑɑkibɑ dewe nuku sɑnkirɑnun sɔ̃.

Esɑi 3:24

Bɑ ǹ mɑɑ turɑren nuburu nɔɔmɔ mɑ n kun mɔ nubu kɔ̃suru. Bɑ ǹ mɑɑ sɛ̃kɑtii sɛ̃kemɔ mɑ n kun mɔ wɛ̃ɛ. Bɑ ǹ mɑɑ seri wɑsi wirɔ bu tɑri. Wii pɔnnɑ bɑ ko n mɔ. Bɑ ǹ mɑɑ yɑbe bɑkɑnu sebumɔ sere sɑɑkibɑ nuku sɑnkirɑnun sɔ̃. Ben burɑm kun mɑɑ sɔ̃ɔsirɑmɔ. Sekurɑ bɑ koo wɑ.

Yeremi 3:21

Wee, nɔɔ ɡɑɡu ɡɑ nɔɔrɑ ɡuuru wɔllɔ. Ase Isirelibɑrɑ bɑ kuuki mɔ̀ bɑ bũnu kɑnɑmɔ, domi ben sɑnu sɑnusu kpuro su sɑnkirɑ, bɑ nɛ, Gusunɔ ben Yinni duɑri.

Yeremi 47:2

wee, yibɛrɛbɑ bɑ wee sɑɑ sɔ̃ɔ yɛ̃sɑn nɔm ɡeu ɡiɑn di, bɑ tɛriɑmɔ tem sɔɔ nɡe dɑɑ te tɑ nim yibumɔ tɑ bɔ̃ɔ sɑrɑmɔ. Mɑ bɑ tem kɑ ye yɑ wɑ̃ɑ mɛ sɔɔ wukiri kɑ mɛn wusu kɑ tɔn be bɑ wɑ̃ɑ si kpuro sɔɔ. Tɔn be kpuro bɑ kuuki mɔ̀, bɑ weeweenu mɔ̀.

Yeremi 47:5

Gɑsɑɡibu bɑ wɑ̃ɑwɑ nuku sɑnkirɑnu sɔɔ bɑ wii pɔɔnu pote. Asikɑloniɡibu kɑ be bɑ wɑ̃ɑ wɔwɑɔ bɑ nɔɔ mɑɑri. Bɛɛ be i tie, sere sɑɑ yerɑ̀ i ko i n wɑ̃ɑ i n tii muririmɔ i kɑ ɡɔɔ swĩ.

Yeremi 48:1

Wee ye Gusunɔ Isirelibɑn Yinni wi u wɔllu kɑ tem mɔ, u ɡeruɑ Mɔɑbubɑn sɔ̃. U nɛɛ, Nɛbo yɑ kɑm kuɑ domi wee bɑ yen yɑ̃nu ɡurɑ. Kiriɑtɑimu yɑ wɑ̃ɑ sekuru sɔɔ domi bɑ ye mwɑ. Misiɡɑbu yɑ wɑ̃ɑ sekuru sɔɔ, domi bɑ ye kɔsukɑ.

Yeremi 48:18

Bɛɛ mɑɑ Diboniɡibu, i bɛɛn sin yee bɛɛrɛɡinu derio, kpɑ i nɑ i sinɑ temɔ. Domi be bɑ Mɔɑbubɑ kɑm koosiɑ, bɑ wee bu bɛɛ wɔri, kpɑ bu bɛɛn ɡbɑ̃rɑ dɑmɡinu kɔsuku.

Yeremi 48:31

Yen sɔ̃nɑ nɑ Mɔɑbubɑ kpuro ɡɔɔ swĩiyɑmmɛ. Mɑ nɑ Kiri Herɛsiɡibu weeweenu kuɑmmɛ.

Yeremi 48:35

Yinni Gusunɔ u nɛɛ, kon den Mɔɑbubɑ kpeerɑsiɑ, be, be bɑ yɔɔmɔ ben bũu turɑnɔ bɑ nu turɑre dɔ̃ɔ dokeɑmmɛ.

Yeremi 49:3

Bɛɛ, Hɛsiboniɡibu, i ɡɔɔ swĩiyɔ. Domi bɑ koo Ayi kɑm koosiɑ. Rɑbɑn bɑru kpɑɑnuɡibu, i nɔɔɡiru suo i somiru kɑnɑ. I sɑɑki deewo nuku sɑnkirɑnun sɔ̃, kpɑ i n sirenɛ i n ɡɔɔ sumɔ. Domi bɑ koo bɛɛn bũu wi bɑ mɔ̀ Mɑlikɔmu suɑ, kɑ win yɑ̃ku kowobu kɑ win wiruɡibu bu kɑ doonɑ.

Yeremi 7:29

Yinni Gusunɔ u nɛɛ, Yudɑbɑ bu ben seri buro bu kɔ̃ yi yi sɔ̃ɔsimɔ mɑ bɑ sɑ̃ɑ nɛɡibu. Bu yɔɔwo ɡuuru wɔllɔ, kpɑ bu ɡɔɔ swĩ. Wee bɑ nɛn mɔru seeyɑ, mɑ nɑ bu biru kisi.

Esekiɛli 27:31

Bɑ koo ben winu kɔni wunɛn sɔ̃, kpɑ bu sɑɑkibɑ dewe bu nun ɡɔɔ swĩiyɑ nuku sɑnkirɑnun sɔ̃.

Esekiɛli 30:2

tɔnun bii, ɑ Eɡibitiɡibu ɡerusio kpɑ ɑ bu sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee tɔ̃ɔ kɔ̃surɑ wee. Bu weeweenu koowo.

Esekiɛli 7:18

Bɑ koo sɑɑki sebewɑ kpɑ bu ben seri kɔni nuku sɑnkirɑnun sɔ̃. Bɑ koo nɑndɑ kpɑ sekuru bu mwɑ.

Sɑ̃ɑrun Woodɑ 13:40

Goo ù kun seri mɔ wirɔ, wii kpɑrɑruɡiiwɑ bɑ koo yɛ̃ro ɡɑrisi. U dɛɛrewɑ mi.

Sɑ̃ɑrun Woodɑ 21:5

Goo ù n ɡu, yɑ̃ku kowobu bu ku rɑɑ ben wii suunun seri kɔni, bu ku rɑɑ mɑɑ ben toburun beri berikɑ kɔni.

Amɔsu 8:10

Kon bɛɛn tɔ̃ɔ bɑkɑnu ɡɔsiɑ nuku sɑnkirɑnu, kpɑ bɛɛn womusu su n sɑ̃ɑ weeweenu. Kpɑ bɛɛn bɑɑwure u sɑɑkibɑ doke u n wii pɔɔru pote nuku sɑnkirɑnun sɔ̃. Kon de tɔmbu bɑ n nuki sɑnkire tem mɛ sɔɔ nɡe be bɑ ben bii teereru bie. Tɔ̃ɔ te, tɑ ko n sɑ̃ɑwɑ nɔni swɑ̃ɑruɡiru.

Gbɑburu 21:28

Domi dɔ̃ɔ u yɑrɑ Hɛsibonin di. Dɔ̃ɔ yɑrɑ yɑ yɑrɑ Sihonin wuun di. Mɑ u wuu ɡe bɑ mɔ̀ Ari Mɔɑbu di kɑ bũu ni nu wɑ̃ɑ Aɑnɔɔn ɡunɡunu wɔllɔ.

Gbɑburu 21:30

Adɑmɑ sɑ Amɔrebɑ sɛ̃ɛnu twee. Mɑ Hɛsiboni yɑ wɔrukɑ. Mɑ tem mɛ kpuro mu kɑm kuɑ sere Diboniɔ n kɑ ɡirɑri Nɔfɑɔ, kɑ Mɛdebɑɔ. Sɑ ye kpuro kɑm koosiɑwɑ mɑm mɑm.

Gbɑburu 32:3

wuu sini, Atɑrɔtu kɑ Diboni kɑ Yɑsɛɛ kɑ Nimurɑ kɑ Hɛsiboni kɑ Eleɑle kɑ Sebɑmu kɑ Nɛbo kɑ sere Beoni,

Gbɑburu 32:38

kɑ Eleɑle kɑ Kiriɑtɑimu kɑ Nɛbo kɑ Bɑɑli Mɛɔni kɑ Sibimɑ. Mɑ bɑ si kpuro yĩsinu kɔsɑ.

Sɔ̃ɔsiru 14:1

Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n ɡu, i ku rɑ bɛɛn wɑsin ɡɑm murɑ. I ku rɑ mɑɑ bɛɛn seri kɔni wuswɑɑ ɡiɑ.

Sɔ̃ɔsiru 34:1

Yenibɑn biru, Mɔwisi u seewɑ u dɑ Mɔɑbun ɡuunu ɡiɑ. Mɑ u yɔɔwɑ ɡuu te bɑ mɔ̀ Nɛboɔ sere Pisiɡɑn wii kpiirɔ Yerikon deedeeru. Mɑ Yinni Gusunɔ u nùn tem mɛ kpuro sɔ̃ɔsi sɑɑ Gɑlɑdin di sere n kɑ dɑ Dɑnuɔ,