Esɑi 15:1 - Bibeli Gusunɔn Gari

¹ Gɑri yiniwɑ bɑ ɡeruɑ Mɔɑbubɑn sɔ̃. Mɔɑbun tem kpuro mu koo kɑm ko, kpɑ bu Ari Mɔɑbu kɑ Kiri Mɔɑbu kɔsuku wɔ̃ku teeru.

Esɑi 15:1 ပူးပေါင်းရင်းမြစ်များ

Sinɑmbu II 3:25

Mɑ bɑ ben wuu mɑrosu kpuro kɔsukɑ bɑ ben ɡbee ɡeenu kpuro kɑm koosiɑ. Bɑ nu kpenu sɛ̃siki. Mɑ bɑ ben dɔkɔbɑ kɑ bwii kpuro kɔruɑ. Bɑ mɑɑ ben dɑ̃ɑ ɡbɑɑnu kpuron dɑ̃nu bɔɔrɑ. Yen biru be bɑ kɑ kpurɑntɛɛru tɑbu mɔ̀, bɑ wuu ɡe bɑ mɔ̀ Kiri Hɑresɛti wɔri, bɑ ɡen ɡbɑ̃rɑru kɔsukɑ.

Esɑi 11:14

Bɑ koo mɛnnɑ bu Filisitibɑ wɔriwɑ sɔ̃ɔ duu yeru ɡiɑ, kpɑ bu Filisiti be ko ben yobu. Mɛyɑ bɑ koo mɑɑ mɛnnɑ bu sɔ̃ɔ yɑri yeruɡibu wɔri. Bɑ koo Edɔmu kɑ Mɔɑbubɑ dɑm dɔre, kpɑ bu Amɔnibɑ tɑɑre.

Esɑi 13:1

Wee, ye Yinni Gusunɔ u Esɑi, Amɔtin bii sɔ̃ɔsi kɑ̃siru sɔɔ Bɑbilonin sɔ̃.

Esɑi 14:28

Wɔ̃ɔ ɡè sɔɔ sinɑ boko Akɑsi u ɡu, wɔ̃ɔ ɡe sɔɔrɑ Yinni Gusunɔ u Filisitibɑ ɡɑri yini sɔ̃ɔwɑ sɑɑ Esɑin nɔɔn di u nɛɛ,

Esɑi 16:11

Nɛn wɑsi yi diirumɔ Mɔɑbun sɔ̃ nɡe mɔrɔku sɛrum. Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

Esɑi 16:6

Yudɑbɑ bɑ nɛɛ, sɑ Mɔɑbubɑn yɛ̃kɔ kɑ ben tii suɑbun lɑbɑɑri nɔɔmɔ, kɑ ben woo bɔbunu kɑ ben ɡɑri kɑm ɡerubu.

Esɑi 16:7

Tɛ̃ bɑ weeweenu mɔ̀ ben tiin sɔ̃, bɑ sumɔ Kiri Hɑresɛtin sɔ̃ ye yɑ bɑnsu kuɑ.

Esɑi 25:10

Yinni Gusunɔ u koo Siɔnin ɡuuru kɔ̃su. Adɑmɑ u koo Mɔɑbubɑ munkuwɑ nɡe yɑkɑ si bɑ yɑri kɔkɔrɔwɔ.

Esɑi 25:12

U koo ɡbɑ̃rɑ dɑmɡii ni nu ɡunu surɑ u kɔsuku nu ɡɔsiɑ tuɑ.

Gbɑburu 21:28

Domi dɔ̃ɔ u yɑrɑ Hɛsibonin di. Dɔ̃ɔ yɑrɑ yɑ yɑrɑ Sihonin wuun di. Mɑ u wuu ɡe bɑ mɔ̀ Ari Mɔɑbu di kɑ bũu ni nu wɑ̃ɑ Aɑnɔɔn ɡunɡunu wɔllɔ.

Sɔ̃ɔsiru 2:18

tɛ̃, su Mɔɑbun tem nɔɔ burɑ yeru sɑro kpɑ su Arin tem bukiɑnɑ,

Sɔ̃ɔsiru 2:19

su nɑ Amɔnibɑn mi. Adɑmɑ su ku bu nɔɔ kuuri, su ku mɑɑ kɑ bu tɑbu ko. Domi u ǹ sun ɡɑ̃ɑnu wɛ̃ɛmɔ ben tem mɛ sɔɔ. Bɑ sɑ̃ɑwɑ Lɔtun bibun bweseru. Berɑ u mɑɑ tem mɛ wɛ̃ bɑ n mɔ.

Sɔ̃ɔsiru 2:9

Yinni Gusunɔ u mɑn sɔ̃ɔwɑ u nɛɛ, su ku Mɔɑbubɑ nɔɔ kuuri, su ku bu tɑbu wɔri, domi u ǹ sun ɡɑ̃ɑnu nɔmu sɔndiɑmmɛ ben temɔ. Lɔtun bibun bweserɑ u Arin tem mɛ wɛ̃ bɑ n mɔ.