Esɑi 13:9 - Bibeli Gusunɔn Gari

⁹ Wee Yinni Gusunɔn tɔ̃ru tɑ sisi. Tɔ̃ɔ te, tɑ sɑ̃ɑwɑ nɔni swɑ̃ɑruɡiru tè sɔɔ u koo win mɔru bɑkɑ sɔ̃ɔsi. U koo durumɡibu kpeerɑsiɑ, kpɑ tem mɛ, mu ko bɑnsu.

Esɑi 13:9 ပူးပေါင်းရင်းမြစ်များ

Womusu 104:35

Durumɡibu bu ɡbio, kpɑ bɑ kun mɑɑ wɑ̃ɑ tem mɛ sɔɔ. Nɑ Yinni Gusunɔ siɑrɑ kɑ nɛn ɡɔ̃ru kpuro. I Yinni Gusunɔ siɑro.

Mɔnnu 2:22

Adɑmɑ tɔn kɔ̃sobu kɑ mɛm nɔɔ sɑribɑrɑ bɑ koo wunɑ min di.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 2:12

Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

Esɑi 34:8

Domi sɑɑ yɑ tunumɑ Yinni Gusunɔ u kɑ win yibɛrɛbɑ mɔru kɔsiɑ. Kpɑ u bu sɛɛyɑsiɑ Siɔnin sɔ̃.

Esɑi 63:4

Domi nɑ ɡɔ̃ru doke n kɑ mɔru kɔsiɑ. Tɔ̃rɑ mɑɑ turɑ n kɑ nɛn tɔmbu yɑkiɑ.

Esɑi 66:17

Be bɑ rɑ n tii dɛɛrɑsiɑmɔ bɑ n dɑɑmɔ dɑ̃ɑ sɔ̃sɔ, bɑ n bũu sɑ̃ɑmɔ mi, kpɑ bɑ n kurusɔ yɑɑ dimɔ kɑ ɡunɔnu kɑ sere mɑɑ sese dɑbinu, be kpurowɑ kon kɑm koosiɑ. Domi nɑ ben kookoosu kɑ ben bwisikunu yɛ̃. Nɛ, Yinni Gusunɔwɑ nɑ yeni ɡeruɑ. Wee sɑɑ yɑ turɑ n kɑ bwesenu kpuro mɛnnɑ. Bɑ koo nɑ kpɑ bu nɛn yiiko wɑ.

Esɑi 9:19

Bɑ dĩɑnu ɡurɑmɔ nɔm ɡeuɔ kɑ nɔm dwɑrɔ. Adɑmɑ kɑ mɛ, ɡoo kun debɑ. Mɑ ben bɑɑwure u win winsim wɑsin yɑɑ temmɔ.

Esekiɛli 13:5

Wee bɑ ǹ dere bu ɡbɑ̃rɑrun kuunu kɔre. Bɑ ǹ mɑɑ ɡbɑ̃rɑru bɑnɛ tu kɑ bu ɡɑnɛ nɛ, Gusunɔn mɔrun sɑɑ sɔɔ.

Esekiɛli 30:3

Tɔ̃ɔ te, tɑ sisi tè sɔɔ nɛ, Yinni Gusunɔ kon bu wɔri. Wee tɑ mɑm turuku kuɑ. Tɑ ko n sɑ̃ɑwɑ yɑm wɔ̃kuru.

Yoɛli 1:15

Yinni Gusunɔn tɔ̃ru tɑ turuku kuɑ. Tɔ̃ɔ te, tɑ sɑ̃ɑwɑ win tɔ̃ru. Te sɔɔrɑ wi, Dɑm kpuroɡii u koo kpuro kɑm koosiɑ. Annɑ ɑ tɔ̃ɔ kɔ̃suru wɑ te tɑ sisi mi.

Yoɛli 2:1

I kɔbɑ soowo Siɔniɔ. I de bu ye nɔ Yinni Gusunɔn ɡuu dɛɛrɑru mi. Bɛɛ be i wɑ̃ɑ tem mɛ sɔɔ kpuro, i diirio bɛrum sɔ̃. Domi Yinni Gusunɔn mɔrun tɔ̃rɑ wee. Wee tɑ mɑm turuku kuɑ.

Nɑhumu 1:2

Yinni Gusunɔ u sɑ̃ɑwɑ nisinuɡii. U rɑ mɔru kɔsie. Win mɔru yɑ kpɑ̃. U rɑ win yibɛrɛbɑ mɔru kɔsie. U ku rɑ bu suuru kue.

Nɑhumu 1:6

Wɑrɑ u koo kpĩ u yɔ̃rɑ u win mɔru mɑ. Wɑrɑ u koo kɑ win mɔru ɡɑbirinɑ. Win mɔru yɑ rɑ pusiwɑ nɡe dɔ̃ɔ. Wee yɑ kpenu bɛsukumɔ.

Nɑhumu 1:8

U koo Ninifu kpeerɑsiɑ mɑm mɑm kɑ nim bɑkɑm, kpɑ u win yibɛrɛbɑ nɑɑ ɡirɑ sere ɡɔribun wɑ̃ɑ yerɔ yɑm wɔ̃kuru sɔɔ.

Sofoni 1:15

Tɔ̃ɔ te, tɑ sɑ̃ɑwɑ mɔrun tɔ̃ru. Tɔ̃ɔ te, tɑ sɑ̃ɑwɑ nuku sɑnkirɑnun tɔ̃ru. Tɑ sɑ̃ɑwɑ kɑm kobun tɔ̃ru. Tɔ̃ɔ te, yɑm wɔ̃kurɑ koo tu wukiriwɑ nɡe bukɔ kɑ ɡuru winu.

Sɑkɑri 14:1

Bɛɛ Yerusɑlɛmuɡibu, Yinni Gusunɔn tɔ̃rɑ wee. Bɑ koo bɛɛn yɑ̃nu ɡurɑ bu bɔnu ko bɛɛn nɔni biru.

Kɑ̃siru 18:8

Yen sɔ̃, yen ɡbee swɑ̃ɑrɑ koo ye deemɑ sɔ̃ɔ teerun sɔ̃ɔ, bɑrɑnu kɑ nuku sɑnkirɑnu kɑ mɑɑ ɡɔ̃ɔru, kpɑ yu dɔ̃ɔ mwɑɑrɑ muku muku. Domi Yinni Gusunɔ wi u ye siri u sɑ̃ɑ dɑmɡii.