Esɑi 13:8 - Bibeli Gusunɔn Gari

⁸ Bɑbiloniɡibɑ koo bɛrum soorɑ, kpɑ ben wɑsi yi dwiiyɑ wuriribun sɔ̃. Bɑ koo tii tɛmɑ nɡe tɔn kurɔ wi u yiire u kĩ u mɑ. Bɑ ko n mɛɛrinɛ ben wuswɑɑ yɑ n burisinɛ.

Esɑi 13:8 ပူးပေါင်းရင်းမြစ်များ

Sinɑmbu II 19:26

Yinni Gusunɔwɑ u derɑ wuu sin tɔmbɑ bɛrum soorɑ, bɑ wɑ̃ɑ sekuru sɔɔ. Bɑ kuɑ dɑm sɑriruɡibu nɡe yɑkɑsu ɡberɔ, ǹ kun mɛ, nɡe doo ɡɑ̃ɑru te ɡɛmi di.

Esɑi 26:17

Yinni Gusunɔ, sɑnɑm mɛ ɑ sun biru kisi sɑ kuɑ nɡe tɔn kurɔ wi u yiire u kĩ u mɑ, u tii bɔɔkumɔ u wuri mɔ̀ wuriribun sɔ̃.

Yeremi 13:21

Be bɑ rɑɑ nun sokumɔ yinni, bɑ̀ n nun sɛɛyɑsiɑbu nɑ, mbɑ kɑɑ ɡere. Sɑɑ ye sɔɔrɑ wuriribu bu koo nun deemɑ nɡe tɔn kurɔ wi u yiire u kĩ u mɑ.

Yeremi 30:6

I bikio kpɑ i nɔ tɔn durɔ ù n dɑ yiire u mɑ. Ǹ n mɛn nɑ, mbɑn sɔ̃nɑ nɑ tɔmbu wɑ bɑ ben ɡɑ̃ɑnu nɛni nɡe tɔn kurɔ wi u yiire u kĩ u mɑ. Mbɑn sɔ̃nɑ be kpuron wuswɑɑ burisinɛ.

Yeremi 4:31

Nɑ wuri kɑ weeweenu nɔɔmɔ nɡe tɔn kurɔ wi u yiire u kĩ u win bii ɡbiikoo mɑ. Ase Yerusɑlɛmun nɔɔwɑ ɡɑ nɔɔrɑmɔ mi. Yɑ wom ɡɑbɑmɔ, yɑ nɔmɑ dɛmiɛ yɑ mɔ̀, yɑ kɑm kuɑwɑ. Wee yen yibɛrɛbɑ bɑ ye sɛ̃re, yɑ ɡɔɔ dɔɔ.

Yeremi 46:5

Adɑmɑ mbɑ Yinni Gusunɔ u sere wɑɑmɔ yɑ koorɑmɔ ben suunu sɔɔ. U nɛɛ, be wee bɑ mwiɑ kpɑnɑ bɑ biruku yirɑ wurɑmɔ. Bɑ ben tɑbu durɔbu kɑmiɑ. Mɑ bɑ duki mɔ̀, bɑ ǹ mɑm biru mɛɛrimɔ. Tem mɛ kpuro mu bɛrum duurɑ.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 49:22

Wee, yibɛrɛbɑ bɑ koo Botisirɑ wukiri nɡe mɛ yɑberekunu nu rɑ yɑɑ ɡonu kunisi. Yen dɔmɑ te, Edɔmun tɑbu durɔ dɑmɡibu bɑ ko n kpɑsɑ wɔri mɔ̀wɑ nɡe tɔn kurɔ wi u yiire u kĩ u mɑ.

Yeremi 49:24

Dɑmɑsiɡibu bɑ mwiɑ kpɑnɑ bɑ ɡɔsirɑ bu kɑ duki su, ɑdɑmɑ bɑ bɛrum soore. Mɑ nuku sɑnkirɑnu kɑ wuriribu bu nɛni nɡe tɔn kurɔ wi u yiire u kĩ u mɑ.

Yeremi 50:43

Ye Bɑbilonin sinɑ boko u lɑbɑɑri ye nuɑ, yerɑ win ɡɔmɑ dwiiyɑ. Bɛrum kɑ wuriribu nùn mwɑ nɡe tɔn kurɔ wi u yiire u kĩ u mɑ.

Yeremi 51:30

Yen tɑbu durɔbu bɑ koo kpɑnɑ bu mɑɑ tɑbu ko. Bɑ koo dɑ bu kuke kuku yee dɑmɡinu sɔɔ. Ben dɑm mu koo kpe, kpɑ bu ko nɡe tɔn kurɔbu. Ben ɡbɑ̃rɑ kɔnnɔsu ko n wukiɑre, kpɑ bu ben yɛnusu dɔ̃ɔ doke.

Osee 13:13

Isirelin bweseru tɑ sɑ̃ɑwɑ nɡe bii wìn mɑrubun sɑɑ yɑ turɑ mɑ u kpɑsɑ wɔri mɔ̀, ɑdɑmɑ bii wi, u yinɑ u yɑrimɑ.

Yoɛli 2:6

Tɔmbu kpuro bɑ rɑ n nɑndewɑ yì n tunumɑ. Kpɑ ben wuswɑɑ yu burisinɑ.

Nɑhumu 2:10

I sii ɡeesu kɑ wurɑ ɡuro. Ben dukiɑ yɑ ǹ nɔru mɔ. Dukiɑ bwese bwesekɑwɑ bɑ mɔ.

Yohɑnu 16:21

Sɑnɑm mɛ tɔn kurɔ u yiire u rɑ n nɔni swɑ̃ɑru mɔ domi win sɑɑ yɑ turɑ. Adɑmɑ sɑnɑm mɛ u win bii mɑrɑ, u ku rɑ mɑɑ nɔni swɑ̃ɑ te yɑɑye nuku dobun sɔ̃ ye u kɑ tɔnu mɑrɑ hɑnduniɑ sɔɔ.

Tɛsɑlonikɑ I 5:3

Sɑnɑm mɛ tɔmbɑ kun kɑ ɡɛɛ nɑnde bɑ mɔ̀, ɑlɑfiɑ wɑ̃ɑ, sɑɑ yerɑ kpeerɑsiɑbu koo tunumɑ suɑru sɔɔ nɡe mɛ mɑru wuriribu bu rɑ ɡurɑɡii deemɛ, bɑ ǹ mɑɑ kpiki yeru wɑsi.