Esɑi 13:4 - Bibeli Gusunɔn Gari

⁴ Mɑ Esɑi u mɛɛrɑ u nɛɛ, i tɔn dɑbinun wurenu swɑɑ dɑkio i nɔ ɡuunun berɑ ɡiɑ. Bwese dɑbinu kɑ sinɑmbu dɑbinɑ nu mɛnnɛ mi, Gusunɔ, wɔllu kɑ tem Yinnin tɑbu kowobɑ be bɑ tɑbun sɔɔru kpɑ. Mɑ u bu mɛɛrɑ mɛɛrɑ u kɑ dɑ.

Esɑi 13:4 ပူးပေါင်းရင်းမြစ်များ

Esɑi 17:12

Annɑ ɑ kukiribu nɔ. Bwese dɑbinu nu burisinɛ mɑ nu kukirimɔ nɡe nim wɔ̃kun nim. Nu wɔki nɡe dɑɑ tèn torɑ yɑ bɔɔbu.

Esɑi 48:14

Bɛɛ kpuro i mɛnnɑmɑ, kpɑ i mɑn swɑɑ dɑki. Nɑ ɡoo mɔ wi nɑ kĩ. Wiyɑ u koo nɛn kĩru ko u Bɑbiloni wɔri. Kpɑ u nɔmɑ dɛmiɑ u yen tɔmbu nɛn dɑm sɔ̃ɔsi. Bɛɛn ɡoo kun yen ɡɑri ɡerure.

Esɑi 5:26

U ɡidi bɔrɑ yɔ̃rɑsiɑ u kɑ bwese tukunu soku ni nu tomɑ. Mɑ u nu sokɑ kɑ wiɑ. Ni wee nu wee kɑ wɑsi kɑsɑnu.

Esɑi 5:30

Sɑɑ ye sɔɔ, kukiribu koo nɔɔrɑ Isirelibɑ sɔɔ nɡe nim wɔ̃ku ɡe woo bɔkɔ ɡɑ seeyɑ. Bɑ̀ n tem mɛ mɛɛrɑ, yɑm wɔ̃kurɑ bɑ koo wɑ kɑ nuku sɑnkirɑ bɑkɑnu, kpɑ wɔllu tu tĩrɑ ɡuru wii bɑkɑrun sɔ̃.

Yeremi 21:4

ɑmɛniwɑ Gusunɔ Isirelibɑn Yinni u ɡeruɑ. U nɛɛ, wee, u koo de ben tɑbu kowo be bɑ kɑ Bɑbilonin sinɑ boko kɑ win tɔmbu sɑnnɑmɔ wuun biruɔ bu duki su bu wurɑ wuu ɡe sɔɔ.

Yeremi 25:14

Domi bwese dɑmɡinu kɑ sinɑm dɑmɡibɑ koo bu yoru mwɛɛri. Nɡe mɛyɑ Gusunɔ u koo kɑ bu ben kɔ̃sɑ kɔsie ye bɑ rɑɑ kuɑ.

Yoɛli 2:25

Kon bɛɛ wɔ̃ɔ si kɑ dĩɑ nin kɔsire wɛ̃, ni nɛn tɑbu kowobu, kɔkɔnu, kɑ ɡbɑɑnu, kɑ twee yi di wɔ̃ɔ si su doonɑ sɔɔ.

Kɑ̃siru 18:8

Yen sɔ̃, yen ɡbee swɑ̃ɑrɑ koo ye deemɑ sɔ̃ɔ teerun sɔ̃ɔ, bɑrɑnu kɑ nuku sɑnkirɑnu kɑ mɑɑ ɡɔ̃ɔru, kpɑ yu dɔ̃ɔ mwɑɑrɑ muku muku. Domi Yinni Gusunɔ wi u ye siri u sɑ̃ɑ dɑmɡii.