Esɑi 12:3 - Bibeli Gusunɔn Gari

³ Nɡe mɛ wi nim nɔru ɡɑ mɔ̀, ù n nim wɑ, u rɑ n nuku dobu mɔ, nɡe mɛyɑ bɑ̀ n fɑɑbɑ wɑ bɑ koo nuku dobu ko,

Esɑi 12:3 ပူးပေါင်းရင်းမြစ်များ

Womusu 36:9

A rɑ wunɛn durom yibie nɡe be bɑ di bɑ debɑ. A rɑ bu nuku dobu wɛ̃ nɡe be bɑ nim ɡem wɑ bɑ nɔrɑ.

Womusu 87:7

Be bɑ womusu mɔ̀ bɑ yɑɑmɔ, bɑ koo nɔɔɡiru suɑ bɑ n mɔ̀, Yinni, bɛsɛn nuuru kpuro tɑ woowɑ wunɛn mi.

Womu Duro 2:3

ɑ̀ n nɛn kĩnɑsi wɑ ɑluwɑɑsibɑn suunu sɔɔ, u sɑ̃ɑwɑ nɡe dɑ̃ɑ te bɑ mɔ̀ pɔmiɛ dɑ̃nun suunu sɔɔ tèn mɑrum mu dibu do. Nɑ rɑ kɑ̃ nɑ n sɔ̃ win sɑɑrɔ.

Esɑi 41:18

Kon de dɑɑnu nu yɑri sɑɑ ɡuunun di, kpɑ bwii yi yɑri wɔwi sɔɔ, kpɑ nim bwenu kɑ dɑɑ koki yi koorɑ mi tem mu ɡbere, ɡɑ̃ɑnu ku rɑ kpi.

Esɑi 49:10

Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Esekiɛli 47:9

Mi nim mɛ, mu ɡesi duɑ kpuro, hunde koni ye yɑ wɑ̃ɑ mi yɑ ko n wɑ̃ɑru mɔwɑ. Kpɑ swɛ̃ɛ yi n dɑbi. Domi mi nim mɛ, mu duɑ kpuro mu koo mɛ mu tie dɛɛrɑsiɑwɑ.

Sɑkɑri 13:1

Yen tɔ̃ɔ te, bwiɑ ɡɑɑ yɑ koo yɑri yu kɑ Dɑfidin yɛnuɡibu kɑ Yerusɑlɛmuɡibun torɑnu wɔkɑ.

Yohɑnu 1:16

Win durom bɑkɑm sɔɔn diyɑ bɛsɛn bɑɑwure u win bɑɑ mwɑ, mɑ sɑ durom wɑ durom mɛnsim wɔllɔ.

Kɑ̃siru 22:1

Gɔrɑdo wi, u mɑn nim wɑ̃ɑruɡim dɑɑru sɔ̃ɔsi te tɑ bɑllimɔ nɡe diki kpikɑ, te tɑ kokumɔ Gusunɔ kɑ Yɑ̃ɑ kinɛ kpɛm ten sinɑ kitɑrun di.

Kɑ̃siru 22:17

Hunde Dɛɛro kɑ mɑɑ kurɔ kpɑo bɑ ɡerumɔ, u nɑ. Bɑɑwure wi u ɡɑri yi nɔɔmɔ u de u mɑɑ nɛɛ, u nɑ. Wi nim nɔru ɡɑ mɔ̀ u nɑ. Wi u mɑɑ nim wɑ̃ɑruɡim kĩ, u mɔɔ n kun kɑ kɔsiɑru.

Kɑ̃siru 7:17

Domi Yɑ̃ɑ kinɛ kpɛm te tɑ wɑ̃ɑ sinɑ kitɑrun suunu sɔɔ, terɑ tɑ koo bu kpɑrɑ, tu kɑ dɑ wɑ̃ɑrun bwiɑɔ. Gusunɔ u koo mɑɑ bu ben nɔni yĩresu kpuro wokɑ.

Sɑmuɛli I 2:1

Hɑnɑ u Gusunɔ siɑrɑ u nɛɛ, nɛn ɡɔ̃ru ɡɑ dorɑ ye Yinni Gusunɔ u mɑn kuɑn sɔ̃. Nɛn nukurɑ do win fɑɑbɑn sɔ̃. Wee nɑ dɑm kuɑ. Nɑ nùn siɑrɑmɔ nɛn yibɛrɛbɑn wuswɑɑɔ.