Esɑi 12:1 - Bibeli Gusunɔn Gari

¹ Sɔ̃ɔ teeru, be bɑ yɑkiɑrɑ bɑ koo nɛɛ, Yinni Gusunɔ, sɑ nun siɑrɑ, domi ɑ rɑɑ kɑ sun mɔru kuɑ, mɑ wunɛn mɔru yɑ sure. A sun nukuru yɛmiɑsiɑ.

Esɑi 12:1 ပူးပေါင်းရင်းမြစ်များ

Nɛɛmi 8:10

I ɡɔsiro bɛɛn yɛnusɔ kpɑ i dĩɑ ɡeenu di kpɑ i tɑm durom nɔ. Kpɑ i kɑ be bɑ ǹ dĩɑnu sɔɔru kue bɛɛɡinu bɔnu ko. Domi sɑ tɔ̃ɔ teni yiwɑ su kɑ bɛsɛn Yinni sɑ̃. I ku nuki sɑnkirɑ. Nuku doo bi Yinni Gusunɔ u koo bɛɛ wɛ̃ bu koo bɛɛ dɑm kɛ̃.

Yoobu 11:16

A ǹ mɑɑ wunɛn wɑhɑlɑ yeni yɑɑyɑmɔ, yɑ koo doonɑwɑ nɡe nim mɛ mu kokɑ.

Yoobu 13:16

Yɑ koo kpĩ yu kɑ mɑn fɑɑbɑ nɑɑwɑ. Domi tɔn kɔ̃so kun kpɛ̃ u terɑ win wuswɑɑɔ.

Womusu 30:5

I Yinni Gusunɔ siɑro kɑ womusu, bɛɛ be i kɑ nùn yɔ̃ dim dim. I win yĩsi dɛɛrɑ te wɔlle suo.

Womusu 71:21

A mɑn nukuru yɛmiɑsio kpɑ ɑ de n nun bɛɛrɛ wɛ̃.

Womusu 85:4

A ǹ mɑɑ kɑ sun mɔru sɑ̃ɑ. A derɑ wunɛn mɔru kpuro yɑ sure.

Womusu 86:17

Yinni Gusunɔ, ɑ mɑn yĩreru sɔ̃ɔsio te tɑ koo mɑn koorɑ, kpɑ ɑ de nɛn yibɛrɛbɑ bu ye wɑ kpɑ sekuru tu bu mwɑ. Domi wunɑ ɑ rɑ mɑn fɑɑbɑ ko, kpɑ ɑ mɑn nukuru yɛmiɑsiɑ.

Womusu 9:1

Womu ɡe Dɑfidi u wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Ge wee.

Esɑi 10:25

Adɑmɑ, n tie fiiko sɛɛyɑsiɑ bi nɑ bɛɛ mɔ̀ n kɑ kpe, kpɑ nɛn mɔru yu wurɑ ben mi, n bu kpeerɑsiɑ.

Esɑi 10:4

Bɑ koo ɡɑbu yoru mwɛɛri kpɑ bu ɡɑbu ɡo. Adɑmɑ kɑ mɛ, Yinni Gusunɔn mɔru kun suremɔ. U koo mɑɑ bu nɔmu doke u sɛɛyɑsiɑ.

Esɑi 11:16

U koo swɑɑ yɑrɑ win tɔn be bɑ tien sɔ̃, be bɑ wɑ̃ɑ Asiriɔ. U koo bu swɑɑ yɑrɑ nɡe mɛ u rɑɑ bu kuɑ sɑnɑm mɛ u bu yɑrɑ Eɡibitin di.

Esɑi 14:3

Bɛɛ Isirelibɑ, Yinni Gusunɔ u koo de i yoru yɑri, kpɑ i wɛ̃rɑ bɛɛn wɑsirɑru kɑ nɔni swɑ̃ɑrun sɔ̃.

Esɑi 2:11

Tɔ̃ru ɡɑrɑ sisi tè sɔɔ bɑ koo wi u tii sue kɑwɑ kpɑ bu Yinni Gusunɔ turo wɔlle suɑ.

Esɑi 25:1

Yinni Gusunɔ, wunɑ ɑ sɑ̃ɑ nɛn Yinni, wunɑ kon tɔmɑ, kpɑ n wunɛn yĩsiru wɔlle suɑ. Domi ɑ ɡɑ̃ɑ bɑkɑnu kuɑ, wunɛn himbɑ ye ɑ yi sɑɑ yellun di, yɑ ǹ kɔsɑ.

Esɑi 25:9

Tɔ̃ɔ te sɔɔ, bɑ koo Yinni Gusunɔ sɔ̃ bu nɛɛ, wunɑ ɑ sɑ̃ɑ bɛsɛn Yinni wi sɑ nɑɑnɛ sɑ̃ɑ. Wunɑ ɑ sun fɑɑbɑ kuɑ. Su nuku dobu ko kpɑ su yɛ̃ɛri fɑɑbɑ yen sɔ̃.

Esɑi 26:1

Sɑɑ ɡɑɑ sisi yè sɔɔ bɑ koo womu ɡeni ko Yudɑn tem sɔɔ bu nɛɛ, sɑ wuu dɑmɡuu mɔ. Yinni Gusunɔwɑ u ɡen ɡbɑ̃rɑru swĩi u kɑ ɡu kɔ̃su.

Esɑi 35:10

bu kɑ dɑ Siɔniɔ kɑ nɑsɑrɑn womusu. Ben wuswɑɑ yɑ n nuku dobu sɔ̃ɔsimɔ bɑɑdommɑ, kpɑ weeweenu kɑ nuku sɑnkirɑnu nu bu doonɑri.

Esɑi 49:13

Wɔllu, ɑ yɛ̃ɛrio. Tem, ɑ nukuru doro. Bɛɛ mɑɑ ɡuunu, i dɛsiru kɑro. Domi Yinni Gusunɔ u win tɔmbu nukuru yɛmiɑsiɑmɔ. Be bɑ nɔni sɔ̃ɔre, u ben wɔnwɔndu mɔ.

Esɑi 51:3

Nɑ Siɔnin bɑnsun wɔnwɔndu wɑ. Kon bɑn si seeyɑ, kpɑ n yen tem ɡbebum ɡɔsiɑ nɡe nɛn kɑrɑ Edɛni. Nuku dobu kɑ yɛ̃ɛribu ko n wɑ̃ɑ mi, kpɑ bu siɑrɑbun womusu ko.

Esɑi 54:7

nɑ rɑɑ nun deri sɑɑ fiiko, ɑdɑmɑ tɛ̃, kon nun mwɑ kɑ kĩi bɑkɑru.

Esɑi 54:8

Nɑ rɑɑ kɑ nun mɔru kuɑ too sɑɑ fiiko, nɑ nun nɛn wuswɑɑ sĩiyɑri, ɑdɑmɑ tɛ̃, nɑ wunɛn wɔnwɔndu mɔ nɛn kĩi te tɑ ku rɑ kpen sɔ̃. Nɛ wi nɑ nun yɑkiɑmɔ, nɛnɑ nɑ yeni ɡeruɑ.

Esɑi 54:9

Nɡe mɛ nɑ bɔ̃ruɑ Nɔwɛn sɑɑ sɔɔ, nɑ nɛɛ, nim yibu bɑkɑru tɑ ǹ mɑɑ tem kpuro wukirimɔ, nɡe mɛyɑ nɑ mɑɑ bɔ̃ruɑ ɡisɔ nɑ nɛɛ, nɑ ǹ mɑɑ nun ɡerusimɔ kɑ mɔru.

Esɑi 60:10

Tɔn tukobɑ koo wunɛn ɡɑni seeyɑ, kpɑ ben sinɑmbu bu ko wunɛn yobu bu nun sɑ̃. Yellu, nɑ rɑɑ nun sɛɛyɑsiɑ kɑ mɔru, ɑdɑmɑ tɛ̃, nɛn durom sɔ̃, nɑ wunɛn wɔnwɔndu wɑ.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Esɑi 64:5

Sɑ kuɑ nɡe disiɡibu, mɑ bɛsɛn dɑɑ ɡeɑ yɑ sɑ̃ɑ nɡe yɑ̃ɑ disinuɡinu. Sɑ ɡbere nɡe wurusu, mɑ bɛsɛn durum kɑ sun doonɔ nɡe woo.

Esɑi 65:18

I yɛ̃ɛrio, kpɑ i n wɑ̃ɑ nuku dobu sɔɔ sere kɑ bɑɑdommɑɔ ye kon tɑkɑ kon sɔ̃. Wee, nɑ Yerusɑlɛmu kpɑɑ bɑnimɔ yè sɔɔ nuku dobu ko n wɑ̃ɑ, kpɑ yen tɔmbu bu yɛ̃ɛri.

Esɑi 66:13

Mɛyɑ kon mɑɑ bɛɛ nukuru yɛmiɑsiɑ Yerusɑlɛmu mi, nɡe mɛ bii mɛro u rɑ win bii nukuru yɛmiɑsie.

Yeremi 30:19

I ko i siɑrɑbun womusu ko kɑ nuku dobun kuuki. Kon bɛɛ dɑbiɑsiɑ, i ǹ mɑɑ kɑɑrɑmɔ. Kon de bu bɛɛ bɛɛrɛ wɛ̃, kpɑ bu ku bɛɛ ɡɛm.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Sɑkɑri 1:16

Yen sɔ̃nɑ wi, Gusunɔ wɔllu kɑ tem Yinni u nɛɛ, u koo Yerusɑlɛmun wɔnwɔndu ko. Bɑ koo win sɑ̃ɑ yeru bɑni. Kpɑ bu Yerusɑlɛmun kpɛɛkpɛɛku yĩire.

Sɑkɑri 14:20

Yen tɔ̃ɔ te, bɑ koo dumin yɑnɡirenu sɔɔ yore bu nɛɛ, Yinni Gusunɔɡiɑ. Sɑ̃ɑ yerun wekenu kpuro nu ko n sɑ̃ɑwɑ nɡe yɑ̃ku yerun ɡbɛ̃ɑ.

Sɑkɑri 14:9

Yinni Gusunɔwɑ u ko n sɑ̃ɑ tem kpuron sunɔ. Wi turowɑ u ko n sɑ̃ɑ Yinni. Win turon yĩsirɑ tɔmbu kpuro bɑ koo ɡiɑ.

Sɑkɑri 8:11

Adɑmɑ tɛ̃, nɑ ǹ mɑɑ Isireli be bɑ tie kuɑmmɛ nɡe mɛ nɑ kuɑ yellu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɑkɑri 8:19

nɔɔ bɔku ni i rɑ ko suru nnɛse sɔɔ kɑ suru nɔɔbuse sɔɔ kɑ suru nɔɔbɑ yiruse sɔɔ kɑ suru wɔkuruse sɔɔ, nu koo ɡɔsirɑ nuku dobun tɔ̃nu Yudɑɔ. Ni sɔɔrɑ bɑ ko n dɑ tɔ̃ɔ bɑkɑnu di. Adɑmɑ yebɑ kpuro sɔɔ, i de i ɡem kɑ bɔri yɛndu kĩɑ.

Romu 11:15

Geemɑ sɑnɑm mɛ Gusunɔ u bu deri yɑ derɑ u kɑ hɑnduniɑɡibu nɔɔ tiɑ kuɑ. Tɛ̃, mbɑ n ko n sɑ̃ɑ ù n wure u kpɑm bu mwɑ. N ǹ wɑ̃ɑru ɡɔribun sɔ̃?