Esɑi 11:12 - Bibeli Gusunɔn Gari

¹² U koo ɡidi bɔrɑ ɡirɑ u kɑ sɔ̃ɔsi mɑ u koo Isirelibɑ mɛnnɑ be bɑ rɑɑ yoru mwɛɛrɑ, kpɑ u Yudɑ be bɑ rɑɑ yɑrinɛ hɑnduniɑn ɡoonu nnɛ sɔɔ mɛnnɑ.

Esɑi 11:12 ပူးပေါင်းရင်းမြစ်များ

Womusu 107:3

Be u mɛnnɑmɑ tem kpuron di, bu nùn siɑro. Be u sokumɑ sɑɑ sɔ̃ɔ yɑri yeru ɡiɑn di, kɑ sɔ̃ɔ duu yeru ɡiɑn di, kɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ yɛ̃sɑn nɔm dwɑru ɡiɑn di, bu nùn wɔlle suo.

Womusu 147:2

Yinni Gusunɔ u Yerusɑlɛmu seeyɑmɔ. U Yerusɑlɛmuɡii be bɑ rɑɑ yoru mwɛɛrɑ mɛnnɑmɔ.

Womusu 60:4

A derɑ tem mu yĩirɑ mɑ mu bɛsikirɑ. A mu kpɑɑsinɔ domi mu kɑnkirɑmɔ.

Womusu 68:22

Wiyɑ u koo win yibɛrɛbɑn wiru kɔrɑ. Kpɑ u be bɑ wɑ̃ɑ durum sɔɔn wii suunu yɑbe.

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 18:3

Bɛɛ hɑnduniɑɡibu kpuro, i ɡidi bɔrɑ mɛɛrio ye bɑ koo ɡirɑ ɡuuru wɔllɔ. I kɔbɑn swĩi swɑɑ dɑkio ye bɑ koo so.

Esɑi 24:16

Sɑ ko nɔ bɑ womusu mɔ̀ bɑɑmɑ hɑnduniɑn ɡoonu nnɛ sɔɔ bɑ mɔ̀, i ɡemɡii bɛɛrɛ wɛ̃ɛyɔ. Adɑmɑ nɛ, kon nɔɔɡiru suɑ nɑ n mɔ̀, ɡberɑ mɑn di, nɑ kɑm kuɑ, domi yibɛrɛbɑ bɑ hɑniɑ mɔ̀ bɑ yɑ̃nu ɡurɑmɔ.

Esɑi 27:13

Yen tɔ̃ɔ te, bɑ koo kɔbi bɑkɑ so kpɑ be bɑ rɑɑ yoru mwɛɛrɑ bɑ woo Asiriɔ kɑ be bɑ kpikiru dɑ Eɡibitiɔ bu wurɑmɑ. Kpɑ bu yiirɑ bu Yinni Gusunɔ sɑ̃ ɡuu dɛɛrɑ ten mi, Yerusɑlɛmuɔ.

Esɑi 43:6

Nɑ ǹ mɑɑ derimɔ sɔ̃ɔ yɛ̃si yɛ̃sikɑn tɔmbu bu mɑɑ bu nɛnɛ. Adɑmɑ bu de nɛn bii be bɑ wɑ̃ɑ hɑnduniɑn ɡoonu nnɛ ye sɔɔ kpuro bu wurɑmɑ,

Esɑi 49:22

Yinni Gusunɔ u nɛɛ, wee nɑ kon tɔn tukobu yĩreru ɡɑru sɔ̃ɔsi te tɑ koo de bu wunɛn bibu ɡurɑmɑ bu nun wesiɑ.

Esɑi 49:5

Yinni Gusunɔwɑ u mɑn ɡɔsɑ bɑ sere mɑn mɑrɑ, n kɑ ko win sɔm kowo, kpɑ n kɑ win tɔmbu Isirelibɑ, Yɑkɔbun bweseru ɡɔsiɑmɑ win mi. Wee, u mɑn bɛɛrɛ dokemɔ. Wiyɑ u mɑɑ mɑn dɑm wɛ̃ɛmɔ.

Esɑi 54:7

nɑ rɑɑ nun deri sɑɑ fiiko, ɑdɑmɑ tɛ̃, kon nun mwɑ kɑ kĩi bɑkɑru.

Esɑi 56:8

Nɛ, Yinni Gusunɔ, nɛ wi nɑ Isireli be bɑ rɑɑ yɑrinɛ mɛnnɑ, kon mɑɑ bwese tukunu mɛnnɑ kɑ be, nɛn tɔmbu sɑnnu.

Esɑi 59:19

kpɑ bu win yĩsiru nɑsiɑ kpɑ win yiiko yu sɔ̃ɔsirɑ sɑɑ sɔ̃ɔ yɑri yerun di n kɑ dɑ sɔ̃ɔ duu yerɔ. Sɑnɑm mɛ yibɛrɛbɑ bɑ koo nɑ nɡe dɑɑ bɑkɑrun nim, Yinni Gusunɔn Hunde u koo bu ɡirɑ bu doonɑ.

Esɑi 60:4

A mɛɛrio ɑ kɑ sikerenɑ. Be kpuro bɑ mɛnnɑmɑ bɑ sisi wunɛn mi. Bɑ kɑ wunɛn bibu wee tontonden di, bɑ wɔndiɑbɑ bɛɛwɑ.

Esɑi 62:10

Bɛɛ Yerusɑlɛmuɡibu, i yɑrio sɑɑ wuun di, i bɛɛn tɔn be bɑ wee swɑɑ sɔnwɑ, i yen kpenu wunɑ i nɔɔ nɛrɑsiɑ. I ɡidi bɔrɑ yɔ̃rɑsio ben berɑ ɡiɑ.

Esɑi 66:19

Kon nɛn dɑm yĩreru doke ben suunu sɔɔ. Kon de be bɑ yɑrɑ nɛn siribun di bu dɑ bu nɛn yiiko kpɑrɑ Tɑɑsisiɔ, kɑ Puluɔ, kɑ Ludiɔ mi tɛn towobɑ wɑ̃ɑ, kɑ Tubɑliɔ kɑ Yɑfɑniɔ kɑ sere mi n tomɑ, mi bɑ ǹ nɛn ɡɑri nɔɔre, bɑ ǹ mɑɑ nɛn yiiko wɑɑre.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 30:17

Adɑmɑ bɛɛ, be bɑ rɑɑ mɔ̀ i kɑm kuɑ, mɑ ɡoo kun bɛɛn lɑɑkɑri mɔ̀, kon bɛɛn mɛɛrɑn bosu bɛkiɑ. Nɛ, Yinni Gusunɔwɑ nɑ yeni ɡeruɑ.

Yeremi 50:4

Yinni Gusunɔ u nɛɛ, yen tɔ̃ɔ te, Isirelibɑ kɑ Yudɑbɑ bɑ koo wurɑmɑ ben temɔ sɑnnu, bɑ n sumɔ, bɑ n nɛ Gusunɔ, ben Yinni kɑsu.

Yeremi 51:12

I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Esekiɛli 28:25

Amɛniwɑ nɛ, Yinni Gusunɔ nɑ mɑɑ ɡeruɑ. Nɑ nɛɛ, sɑnɑm mɛ kon Isirelibɑ mɛnnɑmɑ bwese tukunun suunu sɔɔn di mi bɑ yɑrinɛ, kon sɔ̃ɔsi bwese tuku nin nɔni biru mɑ nɑ sɑ̃ɑwɑ Dɛɛro. Sɑɑ ye sɔɔrɑ Isirelibɑ bɑ koo dɑ bu sinɑ ben temɔ mɛ nɑ ben bɑɑbɑ Yɑkɔbu wɛ̃.

Osee 2:2

Yudɑbɑ kɑ Isirelibɑ bɑ koo mɛnnɑ sɑnnu kpɑ bu ɡoo ɡɔsi u n sɑ̃ɑ be kpuron sunɔ. Domi bɑ koo dɑbiɑ bu tɛriɑ tem mɛ kpuro sɔɔ. Yen dɔmɑ te, tɔ̃ɔ bɑkɑrɑ Yisirɛɛliɔ.

Sofoni 3:10

Be bɑ nùn sɑ̃ɑmɔ bɑ yɑrinɛ bɑɑmɑ, bɑ koo kɑ nùn kɛ̃nu nɑɑwɑ sɑɑ Etiopin dɑɑnun ɡurun di.

Sɑkɑri 10:6

Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Sɑkɑri 8:7

Wee nɑ nɛn tɔmbu fɑɑbɑ mɔ̀ be bɑ wɑ̃ɑ sɔ̃ɔ yɑri yerɔ kɑ sɔ̃ɔ duu yerɔ.

Yohɑnu 7:35

Yuubɑ bɑ bikiɑnɑmɔ bɑ mɔ̀, mɑ ɡiɑrɑ durɔ wini u koo dɑ sɑ kun kɑ nùn wɑ. U koo dɑwɑ Yuubɑn mi be bɑ yɑrinɑ Gɛrɛkibɑn suunu sɔɔ, kpɑ u n Gɛrɛkibɑ keu sɔ̃ɔsimɔ?

Sɔ̃ɔsiru 32:26

U koo bu kɑm koosiɑwɑ mɑm mɑm sere ɡoo kun mɑɑ bu yɑɑyɑmɔ.

Yɑkɔbu 1:1

Bɛɛ, bwesenu wɔkurɑ yiru, bɛɛ be i yɑrinɛ hɑnduniɑ kpuro sɔɔ, nɛ Yɑkɔbu, Gusunɔ kɑ Yinni Yesu Kirisin yoo, nɑ bɛɛ tɔburɑ.

Kɑ̃siru 5:9

Mɑ bɑ wom kpɔɔ kuɑ bɑ mɔ̀, wunɑ ɑ yiiko mɔ ɑ kɑ tire kure te mwɑ kpɑ ɑ yĩre ni kusiɑ. Domi bɑ rɑɑ kɑ nun yɑ̃kuru kuɑ. Mɑ ɑ Gusunɔn tɔmbu yɑkiɑ kɑ wunɛn yɛm sɑɑ bweseru bɑɑtere kɑ bɑrum bɑɑmɛre kɑ tɔmbu kpuro kɑ tem bɑɑmɛren min di.

Kɑ̃siru 7:1

Yen biruwɑ nɑ wɔllun ɡɔrɑdobɑ nnɛ wɑ bɑ yɔ̃ hɑnduniɑn ɡoonu nnɛ sɔɔ bɑ hɑnduniɑn wosu nnɛ nɛni, kpɑ woo ɡu ku kɑ ko tem sɔɔ, kɑ nimɔ, kpɑ ɡu ku dɑ̃ru ɡɑru yĩiri.