Esɑi 11:1 - Bibeli Gusunɔn Gari

¹ Nɡe mɛ bɑ̀ n dɑ̃ru burɑ, ten nuurun di kpii pɔturɑ rɑ yɑri, nɡe mɛyɑ ɡoo u koo yɑri u bɑndu di Isɑin bweseru sɔɔ.

Esɑi 11:1 ပူးပေါင်းရင်းမြစ်များ

Sɑmuɛli II 23:3

Gusunɔ, Isirelibɑn Yinni wi u rɑ bu kɔ̃su, u mɑn sɔ̃ɔwɑ u nɛɛ, sunɔ wi u tɔmbu kpɑrɑmɔ ɡem swɑɑ sɔɔ, mɑ win tii u Gusunɔ nɑsie,

Bɑndun Gɑri I 2:12

Boɑsiwɑ u Yobɛdi mɑrɑ. Mɑ Yobɛdi u mɑɑ Isɑi mɑrɑ.

Womusu 145:11

Bɑ koo wunɛn bɑndun bɛɛrɛn ɡɑri ɡere, kpɑ bu wunɛn dɑm ɡɑri kpɑrɑ

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 4:2

Ye Yinni Gusunɔ u koo kpiisiɑ sɑɑ ye sɔɔ, yɑ ko n sɑ̃ɑwɑ bɛɛrɛ kɑ ɡirimɑ Isireli be bɑ tien sɔ̃. Kpɑ tem mɛ, mu dĩɑ ɡeenu mɑ nu n sɑ̃ɑ ben nuku dobu.

Esɑi 53:2

Wee, win sɔm kowo u seewɑ win wuswɑɑɔ nɡe dɑ̃ɑ kpii pɔturɑ ye yɑ kpiɑ tem ɡbebum sɔɔ, yɑ ǹ dɑm mɔ. Mɛyɑ u ǹ durɔ burɔ sɑ̃ɑ, u ǹ nɑnum ɡɑm mɔ su sere nùn mɛɛri. Win wɑsi kun mɑɑ ɡɑ̃ɑnu sɑ̃ɑ yi sere sun wɛ̃re.

Esɑi 6:13

Bɑɑ bɑ̀ n tem mɛn tɔmbu bɔnu kuɑ subɑ wɔkuru, mɑ ten teerɑ tie mi, u koo tu surɑwɑ nɡe dɑ̃ɑ bɑkɑru. Adɑmɑ nɡe mɛ dɑ̃ɑ kpiriru tɑ rɑ kpɑre, nɡe mɛyɑ bwese kpɑɑrɑ koo se tɑ n sɑ̃ɑ bwese ɡeeru te u ɡɔsɑ.

Esɑi 9:6

U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

Esɑi 9:7

Yinni Gusunɔ u Isireli be bɑ sɑ̃ɑ Yɑkɔbun bweseru siri. Mɑ siri bi, bu bu di.

Yeremi 23:5

Wee sɑɑ yɑ sisi yè sɔɔ kon ɡemɡii ɡoo seeyɑ Dɑfidin bweserun di nɡe dɑ̃ɑ kpii pɔturɑ, kpɑ u n bɑndu dii kɑ bɑɑdommɑɔ. U koo tɔn be kpɑrɑwɑ kɑ bwisi ɡee. Kpɑ u ɡem sɔ̃ɔsi tem mɛ sɔɔ.

Yeremi 33:15

Sɑɑ ye, yɑ̀ n tunumɑ, kon ɡoo seeyɑ nɡe dɑ̃ɑ kpii pɔturɑ Dɑfidin bweseru sɔɔ u n sɑ̃ɑ ɡemɡii, kpɑ u tɔmbu kpɑrɑ ɡem sɔɔ.

Esekiɛli 17:22

Amɛniwɑ nɛ, Yinni Gusunɔ nɑ ɡeruɑ. Nɑ nɛɛ, nɛn tiiwɑ kon dɑ̃ɑ kɑ̃ɑsɑ kpɛmɑ mɛɛri sɛduru yen wii kpiirɔ kpɑ n ye burɑ, kpɑ n dɑ n ye ɡirɑ ɡuuru ɡɑrun wɔllɔ te tɑ ɡunu.

Esekiɛli 37:25

Bɑ koo wure bɑ n wɑ̃ɑ tem mɛ sɔɔ mɛ nɑ nɛn sɔm kowo Yɑkɔbu wɛ̃. Miyɑ ben bɑɑbɑbɑ bɑ sinɑ. Ben tii bɑ koo mɑɑ sinɑ mi sere kɑ ben bibun bibɔ kɑ bɑɑdommɑɔ. Dɑfidin bibun bweserɑ tɑ ko n bɑndu dii mi sere kɑ bɑɑdommɑɔ.

Misee 5:2

Adɑmɑ ko nɑ n ɡinɑ nɛn tɔn be deriwɑ ben yibɛrɛbɑn nɔmɑ sɔɔ sere kurɔ wì u koo kpɑro wi mɑ, u kɑ mɑ. Be bɑ kpikiru dɑ, bɑ koo ɡɔsirɑmɑ bu Isireli be bɑ tie deemɑ.

Sɑkɑri 3:8

Yosue, wunɛ yɑ̃ku kowo tɔnwero, wunɛ kɑ wunɛn tɔn be bɑ sɔ̃ wunɛn wuswɑɑɔ, i swɑɑ dɑkio i nɔ. Tɔn be, bɑ ko n ɡinɑ sɑ̃ɑwɑ yĩreru wi u sisin sɔ̃. Domi Yinni Gusunɔ u koo win sɔm kowo ɡɔrimɑ wi u sɑ̃ɑ kpii pɔturɑ.

Sɑkɑri 6:12

Kpɑ ɑ nùn sɔ̃ ɑ nɛɛ, ɑmɛniwɑ nɛ, Gusunɔ wɔllu kɑ tem Yinni nɑ ɡeruɑ. Nɑ nɛɛ, ɡoo wɑ̃ɑ wi bɑ mɔ̀ kpii pɔturɑ. Sɑɑ win min diyɑ wɑ̃ɑrɑ koo yɑri kpɑ u nɛn sɑ̃ɑ yee te bɑni.

Mɑteu 1:1

Yesu Kirisin bweserun tɔ̃kɑ wee, wi u sɑ̃ɑ Dɑfidin sikɑdobu. Dɑfidi mɑɑ sɑ̃ɑ Aburɑhɑmun sikɑdobu.

Romu 15:12

Gusunɔn sɔmɔ Esɑi mɑɑ nɛɛ, “Isɑin bweserun di, ɡoo u koo se nɡe dɑ̃ɑ kpii pɔturɑ. Kpɑ u ko tɔn tukobun sunɔ. Kpɑ bɑ n yĩiyɔbu mɔ wi sɔɔ.”

Heberu 7:14

Domi sɑ yɛ̃ mɑ bɑ nùn mɑrɑwɑ Yudɑn bweseru sɔɔ. Mɔwisi kun mɑɑ bwese ten ɡɑri ɡeruɑ yɑ̃ku kowobun ɡɑri sɔɔ.

Kɑ̃siru 22:16

Wi, Yesu u bɛɛ win ɡɔrɑdo ɡɔriɑ u kɑ bɛɛ ɡɑri yini sɔ̃ win yiɡbɛnun sɔ̃. Wiyɑ Dɑfidin sikɑdobu wi u sɑ̃ɑ nɡe kpii kpɑɑru win yɛnuɔ. U sɑ̃ɑwɑ yɑm sɑ̃rerun kperɑ ye yɑ bɑllimɔ.

Kɑ̃siru 5:5

Yerɑ ɡuro ɡuro ben turo mɑn sɔ̃ɔwɑ u nɛɛ, n ku swĩ. Wee, ɡbee sunɔ ɡe ɡɑ yɑrɑ Yudɑn bweserun di, ɡe ɡɑ sɑ̃ɑ nɡe kpii kpɑɑru Dɑfidin yɛnuɔ, ɡɑ tɑbu di, ɡɑ koo kpĩ ɡu yĩrenu nɔɔbɑ yiru ye kusiɑ kpɑ ɡu tire te wukiɑ.

Rutu 4:17

Yerɑ Nɑomin kpɑɑsibu bɑ nɛɛ, wee bɑ Nɑomi bii tɔn durɔ mɑruɑ. Mɑ bɑ nùn yĩsiru kɑ̃ Obɛdi. Wiyɑ u seewɑ u Isɑi Dɑfidin tundo mɑrɑ.

Sɑmuɛli I 17:58

Sɔɔlu u nùn bikiɑ u nɛɛ, bii wunɛ, weren biiwɑ wunɛ. Dɑfidi u nɛɛ, Isɑi, wunɛn bɔ̃ɔ wi u wɑ̃ɑ Bɛtelehɛmuɔ, wiyɑ u mɑn mɑrɑ.