Esɑi 10:4 - Bibeli Gusunɔn Gari

⁴ Bɑ koo ɡɑbu yoru mwɛɛri kpɑ bu ɡɑbu ɡo. Adɑmɑ kɑ mɛ, Yinni Gusunɔn mɔru kun suremɔ. U koo mɑɑ bu nɔmu doke u sɛɛyɑsiɑ.

Esɑi 10:4 ပူးပေါင်းရင်းမြစ်များ

Esɑi 24:22

kpɑ bu bu yoru mwɑ bu bu tɑɑsi wɔrusɔ nɡe pirisɔmbɑ. Sɔ̃ɔ dɑbi dɑbirun biru, kpɑ bu bu sɛɛyɑsiɑ.

Esɑi 34:3

Ben yɛm mu ko n kokumɔ sɑɑ ɡuunun di. Ben ɡonu ko n kɔ̃ɔkire, kpɑ nin nuburɑ n pusɑ.

Esɑi 5:25

Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.

Esɑi 66:16

Domi dɔ̃ɔ kɑ tɑkobiwɑ nɛ, Yinni Gusunɔ, kon kɑ tɔmbu kpuro siri. Tɔn dɑbirɑ tɑ koo ɡbi dɔmɑ te.

Esɑi 9:11

U koo de Siriɡibu bɑ n wɑ̃ɑ sɔ̃ɔ yɑri yeru ɡiɑ, kpɑ Filisitibɑ bɑ n mɑɑ wɑ̃ɑ sɔ̃ɔ duu yeru ɡiɑ, kpɑ bu nɔɔ wukiɑ bu Isirelibɑ mwɛ. Kɑ mɛ kpuro, win mɔru kun suremɔ. U koo mɑɑ bu nɔmɑ doke u sɛɛyɑsiɑ.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Esɑi 9:16

Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Esɑi 9:20

Mɑnɑsebɑ kɑ Efɑrɑimubɑ bɑ tɑbu wɔrinɑmɔ. Yen biru be kpuro bɑ mɛnnɑ bɑ Yudɑbɑ wɔri. Kɑ mɛ, Yinni Gusunɔn mɔru kun sure. U mɑɑ bu nɔmu doke, u sɛɛyɑsiɑmɔ.

Yeremi 15:2

Bɑ̀ n mɑɑ wunɛ Yeremi bikiɑ bɑ nɛɛ, mɑnɑ bɑ koo dɑ, kpɑ ɑ bu wisi ɑ nɛɛ, bɑ koo ɡbiwɑ. Gɑbɑ koo ben yɑron ɡɔɔ ɡbi, ɡɔɔ wiyɑ koo bu suɑ. Gɑbɑ koo ɡbi tɑbu sɔɔ, ɡɔɔ wiyɑ koo bu suɑ. Gɑbɑ koo ɡbi ɡɔ̃ɔrun sɔ̃, ɡɔɔ wiyɑ koo bu suɑ. Kpɑ bu mɑɑ ɡɑbu yoru mwɛɛri, yoo terɑ bɑ koo di.

Yeremi 37:10

Bɑɑ bɑ̀ n Bɑbilonin tɑbu kowo be kɑmiɑ, kpɑ n tie be bɑ mɛɛrɑ kuɑ, kɑ mɛ, bɑ koo se sɑɑ ben kuu bekuruɡinun di bu wuu ɡe dɔ̃ɔ mɛni.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Osee 9:12

Bɑ̀ n mɑɑ bibu seeyɑ, kon de bu ɡbiwɑ bu sere bukurɑ. Bɑ koo wɑhɑlɑ bɑkɑ wɑ nɑ̀ n bu biru kisi.

Sɑ̃ɑrun Woodɑ 26:17

Kon bɛɛ biru kisi kpɑ bɛɛn yibɛrɛbɑ bu bɛɛ kɑmiɑ. Kpɑ be bɑ bɛɛ tusɑ bu bɛɛ dɑm dɔre. I ko i duki yɑkikirɑwɑ bɑɑ bɑ̀ kun bɛɛ nɑɑ ɡire.

Sɔ̃ɔsiru 32:30

Kpɑ bu tii bikiɑ bu nɛɛ, tɔn turo u koo kpĩ u tɔmbu nɔrɔbu (1.000) yɑrinɑsiɑ? Ǹ kun mɛ tɔmbu yiru bu tɔmbu nɔrɔbun subɑ wɔkuru (10.000) yɑrinɑsiɑ? Geemɑ Gusunɔ bɛsɛn Yinni dɑmɡii u sun deriwɑ, u sun yibɛrɛbɑ nɔmu bɛriɑwɑ.