Esɑi 10:34 - Bibeli Gusunɔn Gari

³⁴ U koo bu bɔɔriwɑ u suriri nɡe mɛ bɑ rɑ dɑ̃nu bɔɔri kɑ ɡbɑ̃ɑ Libɑnin dɑ̃ɑ sɔ̃ɔwɔ, kpɑ ben ɡirimɑ yu kpe.

Esɑi 10:34 ပူးပေါင်းရင်းမြစ်များ

Womusu 103:20

Bɛɛ Yinni Gusunɔn ɡɔrɑdobɑ, bɛɛ be i dɑm mɔ i rɑ win ɡɑri mɛm nɔɔwɛ, i nùn siɑro.

Esɑi 10:18

Yɑ koo ben dɑ̃ɑ sɔ̃ɔ kɑ ben tem bɛɛrɛ kpuro mwɑ mɑm mɑm. Kpɑ mu n sɑ̃ɑ nɡe bɑrɔ wi u ɡɔɔ dɔɔ.

Esɑi 2:13

Tɔ̃ɔ te sɔɔ, u koo dɑ̃ɑ bɑkɑ ni nu ɡunu Libɑniɔ kɑ Bɑsɑniɔ kpeerɑsiɑ.

Esɑi 31:8

Mɛyɑ bɑ koo Asiriɡibu kɑm koosiɑ, ɑdɑmɑ n ǹ kɑ tɔnun dɑm. Bɑ koo duki yɑrinɑ tɑbu sɔɔ kpɑ bu ben ɑluwɑɑsibɑ mwɛɛri bu yoo sɔmɑ koosiɑ.

Esɑi 33:9

Wee tɔmbu bɑ ben ɡbeɑ deri. Libɑnin dɑ̃ɑ sɔ̃su su ɡberɑmɔ. Mɑ Sɑronin tem ɡem mu kuɑ yɑni sɛɛri. Bɑsɑnin berɑ ɡiɑ kɑ ɡuu te bɑ mɔ̀ Kɑɑmɛliɔ dɑ̃nun wurusu dɛllɑmɔ.

Esɑi 37:24

Win sɔmɔbɑ nɑ bɑ wi, Yinni Gusunɔ wɔnwɑ. Mɑ Sɑnkeribu wi, u nɛɛ, kɑ win tɑbu kɛkɛ dɑbirɑ u yɔɔwɑ Libɑnin ɡuu ni nu ɡunum bon wɔllɔ, mɑ u duɑ sere sere yen dɑ̃ɑ sɔ̃ɔ burɔn sɔɔwɔ u ɡen sɛduru kɑ sipɛrɛn dɑ̃ɑ ye yɑ ɡunum bo bɔɔrɑ.

Esɑi 37:36

Ye n kuɑ wɔ̃kuru, yerɑ Yinni Gusunɔn ɡɔrɑdo u yɑrɑ u dɑ Asiriɡibun sɑnsɑniɔ mɑ u tɔnu nɔrɔbun subɑ wunɑɑ wɛnɛ kɑ nɔɔbu (185.000) ɡo. Ye bɑ seewɑ bururu, bɑ deemɑ wee, ɡonɑ nu tɛrie bɑɑmɑ kpuro.

Yeremi 22:7

Kon tɑbu kowobu tɑbu yɑ̃nu sebusiɑ bu tu wɔri. Kpɑ bu ten ɡbere yi bɑ kuɑ kɑ dɑ̃ɑ ye bɑ mɔ̀ sɛduru wukiri bu dɔ̃ɔ doke.

Yeremi 48:2

Mɔɑbun bɛɛrɛ yɑ kpɑ. Mɑ bɑ bwisikumɔ bu Hɛsiboni kɑm koosiɑ. Bɑ mɔ̀, su dɑ su ye kɑm koosiɑ kpɑ yɑ kun mɑɑ wɑ̃ɑ hɑnduniɑ sɔɔ. Wunɛ Mɑdimɛni, kɑɑ ko bɑnsu, domi wee bɑ nun tɑbu wɔrimɑm wee.

Esekiɛli 31:3

Wee u sɑ̃ɑwɑ nɡe Libɑnin dɑ̃ɑ ye bɑ mɔ̀ sɛduru. Yen kɑ̃ɑsi yi wɑ̃ mɑ yen wurusu kubenu sɑ̃ɑ. Mɑ yɑ ɡunu yɑ ɡuru winu ɡirɑri.

Dɑniɛli 4:23

Woodɑ ye bɑ wɛ̃ bɑ nɛɛ, bu dɑ̃ɑ ten koo kpiriru kɑ ten ɡbini derio mi, yen tubusiɑnɑ bɑ koo nun wunɛn bɑndu wesiɑ sɑɑ ye ɑ wurɑ mɑ Wɔrukoowɑ u bɑnnu kpuro nɛni.

Nɑhumu 1:12

Yinni Gusunɔ u Yudɑbɑ sɔ̃ɔwɑ u nɛɛ, bɑɑ bɛɛn yibɛrɛbɑ bɑ̀ n dɑbi ɑmɔ, mɑ bɑ dɑm mɔ ɑmɔ, kɑ mɛ, kon bu ɡowɑ mɑm mɑm. Nɑ bɛɛ sekuru doke. Nɑ ǹ mɑɑ wuremɔ n bɛɛ kuɑ nɡe mɛ.

Tɛsɑlonikɑ II 1:7

Mɑ bɛɛ be i nɔni swɑ̃ɑru wɑɑmɔ, u koo bɛɛ wɛ̃rɑbu wɛ̃ kɑ mɑɑ bɛsɛn tii, sɑnɑm mɛ Yinni Yesu koo kurɑmɑ wɔllun di kɑ dɔ̃ɔ yɑri kɑ win ɡɔrɑdo dɑmɡibu.

Piɛɛ II 2:11

Bɑɑ Gusunɔn ɡɔrɑdobɑ, be bɑ bu dɑm kɑ yiiko kere ɡem ɡem, bɑ ǹ wɔllun yiikoɡibu tɑɑrɛ wɛ̃ɛmɔ kɑ wɔmburu Yinni Gusunɔn wuswɑɑɔ.

Kɑ̃siru 10:1

Nɑ mɑɑ kpɑm wɔllun ɡɔrɑdo dɑmɡii ɡoo wɑ u sɑrɑm wee wɔllun di. Guru wirɑ nùn wukiri, ɡuru wɑɑ win wiru tɛ̃ke, win wuswɑɑ bɑllimɔ nɡe sɔ̃ɔ, mɑ win nɑɑsu sɑ̃ɑre dɔ̃ɔ yɑri.

Kɑ̃siru 18:21

Yerɑ wɔllun ɡɔrɑdo dɑmɡii ɡoo kperu suɑ tɑ kɑ nɛɛ bɑkɑru nɛ mɑ u tu sure nim wɔ̃ku sɔɔ u nɛɛ, nɡe mɛyɑ bɑ Bɑbiloni wuu bɔkɔ ɡe surɑ temɔ kɑ dɑm, ɡɑ ǹ mɑɑ wɑɑrɔ pɑi.