Esɑi 10:18 - Bibeli Gusunɔn Gari

¹⁸ Yɑ koo ben dɑ̃ɑ sɔ̃ɔ kɑ ben tem bɛɛrɛ kpuro mwɑ mɑm mɑm. Kpɑ mu n sɑ̃ɑ nɡe bɑrɔ wi u ɡɔɔ dɔɔ.

Esɑi 10:18 ပူးပေါင်းရင်းမြစ်များ

Sinɑmbu II 19:23

Win sɔmɔbɑ nɑ, bɑ wi, Yinni Gusunɔ wɔnwɑ. Mɑ u nɛɛ, kɑ win tɑbu kɛkɛ dɑbirɑ u yɔɔwɑ Libɑnin ɡuu ni nu bon wɔllɔ. Mɑ u duɑ sere sere yen dɑ̃ɑ sɔ̃ɔn sɔɔwɔ u ɡen dɑ̃ɑ ɡeɑ ye bɑ mɔ̀ sɛduru kɑ sipɛrɛ ye yɑ ɡunum bo bɔɔrɑ.

Sinɑmbu II 19:28

Tɛ̃ yèn sɔ̃ u kɑ Yinni Gusunɔ mɔru mɔ̀ mɑ u nùn ɡɑri sɔ̃ɔwɑ kɑ tii suɑbu, u koo win wɛ̃ru yɑbɑ u yɔni doke. Kpɑ u mɑɑ nùn yɑrukɑ dokeɑ nɔɔwɔ. Kpɑ u de u ɡɔsirɑ u wurɑ mìn di u nɑ.

Esɑi 10:16

Yen sɔ̃nɑ nɛ Gusunɔ, wɔllu kɑ tem Yinni, kon de win tɑbu durɔbu bu woorɑ. Kpɑ dɔ̃ɔ u nɑ u bu wukiri sɑnɑm mɛ u wɑ̃ɑ win sinɑndun yiiko sɔɔ.

Esɑi 32:19

Sɑ ko n wɑ̃ɑwɑ doo nɔɔru sɔɔ sɑ n dĩɑnu duurumɔ mi nim mu wɑ̃ɑ, kpɑ sɑ n bɛsɛn kɛtɛkunu kɑ bɛsɛn nɛɛ yɔ̃su yi n dimɔ bɑɑmɑ. Adɑmɑ ɡuru kpenu nu koo yibɛrɛbɑn tɑbu kowobu kɑm koosiɑwɑ be, be bɑ dɑbi nɡe dɑ̃ɑ sɔ̃ɔ, kpɑ ben wuu ɡe, ɡu wɔrumɑ.

Esɑi 37:24

Win sɔmɔbɑ nɑ bɑ wi, Yinni Gusunɔ wɔnwɑ. Mɑ Sɑnkeribu wi, u nɛɛ, kɑ win tɑbu kɛkɛ dɑbirɑ u yɔɔwɑ Libɑnin ɡuu ni nu ɡunum bon wɔllɔ, mɑ u duɑ sere sere yen dɑ̃ɑ sɔ̃ɔ burɔn sɔɔwɔ u ɡen sɛduru kɑ sipɛrɛn dɑ̃ɑ ye yɑ ɡunum bo bɔɔrɑ.

Esɑi 9:18

Gusunɔ, wɔllu kɑ tem Yinnin mɔrun sɔ̃, tem mɛ, mu dɔ̃ɔ mwɑɑrɑ, mɑ mɛn tɔmbɑ dɔ̃ɔ diirɑ. Goo kun win winsim lɑɑkɑri mɔ̀ u sere nùn somi.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Sɑkɑri 12:6

Yen tɔ̃ɔ te sɔɔ, kon Yudɑbɑn wiruɡibu kowɑ nɡe dɔ̃ɔ boko dɑ̃ɑ sɔ̃ɔwɔ, ǹ kun mɛ nɡe wii bɔn tèn dɔ̃ɔ bɑ sɔkɑ dĩɑ bɔkunu sɔɔ. Bɑ koo bwese ni nu kɑ bu sikerenɛ kɑmiɑwɑ mɑm mɑm. Adɑmɑ Yerusɑlɛmuɡibu bɑ ko n sɔ̃wɑ ben temɔ.