Esɑi 1:9 - Bibeli Gusunɔn Gari

⁹ Gusunɔ, wɔllu kɑ tem Yinni ù kun dɑɑ bɛsɛn sukum fiiko fɑɑbɑ kue Yerusɑlɛmu ye sɔɔ, yɑ koo rɑɑ kɑm kowɑ nɡe Sodomu kɑ Gomɔrɑ.

Esɑi 1:9 ပူးပေါင်းရင်းမြစ်များ

Torubu 18:26

Mɑ Yinni Gusunɔ u nɛɛ, nɑ̀ n tɔn ɡeobu weerɑɑkuru wɑ Sodomun nukuru sɔɔ, kon wuu ɡe kpuro suuru kuɑ ben sɔ̃.

Torubu 18:32

Aburɑhɑmu u kpɑm nɛɛ, ɑ suuru koowo, nɔn tee teniwɑ kon ɡɑri ɡere. Bɑɑ ǹ n wɔkurun nɑ tɑ wɑ̃ɑ mi ni? Mɑ Yinni Gusunɔ u nɛɛ, nɑ ǹ ɡu kpeerɑsiɑmɔ nɑ̀ n wɔku te wɑ.

Torubu 19:24

Yerɑ Yinni Gusunɔ u sɔ̃ɔ bisu kɑ dɔ̃ɔ nɛɛsiɑ sɑɑ wɔllun di Sodomu kɑ Gomɔrɑ sɔɔ.

Sinɑmbu I 19:18

Adɑmɑ kon tɔmbu nɔrɔbun subɑ nɔɔbɑ yiru (7.000) deri Isirelibɑ sɔɔ, be bɑ kun yiirɑre bũu wi bɑ mɔ̀ Bɑɑlin nuurɔ bu nùn sɑ̃.

Sinɑmbu II 19:4

Ǹ n mɛn nɑ, ɑ kɑnɑru koowo bɛsɛ be sɑ ɡinɑ tien sɔ̃. Sɔrɔkudo Gusunɔ wunɛn Yinni u ko n Asirin sinɑ bokon ɡɑri yi nuɑ wi u nɑ u nùn wɔnwɑ. Kpɑ u nùn sɛɛyɑsiɑ.

Esɑi 1:8

Mɑ Yerusɑlɛmu yɑ tiɑrɑ ye tɔnɑ. Yɑ kɔ̃ɔre nɡe kuru resɛm ɡbɑɑrun suunu sɔɔ, ǹ kun mɛ, ɡberɔ. Yɑ yɔ̃ tom ye tɔnɑ nɡe wuu ɡe bɑ tɑbu bure bɑ doonɑ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 11:16

U koo swɑɑ yɑrɑ win tɔn be bɑ tien sɔ̃, be bɑ wɑ̃ɑ Asiriɔ. U koo bu swɑɑ yɑrɑ nɡe mɛ u rɑɑ bu kuɑ sɑnɑm mɛ u bu yɑrɑ Eɡibitin di.

Esɑi 17:6

Isirelibɑn fiikowɑ yɑ koo tiɑrɑ nɡe dɑ̃ɑ bii ni nu tiɑrɑ sɑnɑm mɛ bɑ dɑ̃ru sirɑ. À n mɛɛrɑ kɑɑ wɑ yiru ǹ kun mɛ itɑ tɔnɑ yɑ tie ten wii kpiirɔ, mɑ nnɛ ǹ kun mɛ nɔɔbu yɑ tie ten kɑ̃ɑsi sɔɔ. Gusunɔ Isirelibɑn Yinniwɑ u yeni ɡeruɑ.

Esɑi 24:13

kpɑ tɔmbu bɑ n kɔ̃ɔkire tiɑ tiɑ tem mɛ sɔɔ, nɡe dɑ̃ɑ bii ni nu tiɑrɑ sɑnɑm mɛ bɑ dɑ̃ru sirɑ, ǹ kun mɛ nɡe resɛm ye bɑ kunɔnu mɔ̀.

Esɑi 24:6

Yen sɔ̃nɑ bɔ̃ri yi koo tem mɛ di, kpɑ mɛn tɔmbu bu nɔni sɔ̃ɔrɑ kɔ̃sɑ ye bɑ kuɑn sɔ̃. Bɑ koo bu kpeerɑsiɑ. Be bɑ koo tiɑrɑ bɑ ǹ ko n mɑɑ dɑbi.

Esɑi 37:4

Sɔrɔkudo Gusunɔ wunɛn Yinni u ko n Asirin sinɑ bokon ɡɔron ɡɑri yi nuɑ wi u nɑ u nùn wɔnwɑ. Ǹ n mɛn nɑ, ɑ kɑnɑru koowo bɛsɛ be sɑ ɡinɑ tien sɔ̃ kpɑ Gusunɔ u nùn sɛɛyɑsiɑ.

Esɑi 46:3

Adɑmɑ i mɑn swɑɑ dɑkio, bɛɛ Isirelibɑ, bɛɛ be i tie, bɛɛ be nɑ nɛni nɑ nɔɔrimɔ sɑɑ bɛɛn mɑrubun di.

Esɑi 6:13

Bɑɑ bɑ̀ n tem mɛn tɔmbu bɔnu kuɑ subɑ wɔkuru, mɑ ten teerɑ tie mi, u koo tu surɑwɑ nɡe dɑ̃ɑ bɑkɑru. Adɑmɑ nɡe mɛ dɑ̃ɑ kpiriru tɑ rɑ kpɑre, nɡe mɛyɑ bwese kpɑɑrɑ koo se tɑ n sɑ̃ɑ bwese ɡeeru te u ɡɔsɑ.

Esɑi 65:8

Ì n resɛm swɑɑru wɑ te tɑ nim mɔ, i rɑ nɛɛwɑ, bu ye derio mi, bu ku ye sɑnku, domi yɑ koo tɑm ɡem ko. Nɡe mɛyɑ kon kɑ Isirelibɑ kɑ Yudɑbɑn sukum ko, be bɑ ɡɔ̃ru ɡɔsiɑ bɑ mɑn kɑsu. Kon bu ɡɔsi bu ko nɛn sɔm kowobu, kpɑ n bu domɑru kuɑ bu mɑrurɑ, kpɑ bu tem mɛ tubi di mi ɡuunu wɑ̃ɑ, bu ben wɑ̃ɑ yenu ko mi. Kpɑ Sɑronin wɔwɑ yu ko ben yɑɑ sɑbenun kpɑrɑ yeru, kpɑ Akɔɔn wɔwɑ yu ko nin sɔri yeru.

Yeremi 23:14

Adɑmɑ kom kɔ̃sum mɛ nɑ wɑ Gusunɔn sɔmɔbun suunu sɔɔ Yerusɑlɛmuɔ, mu beɔnɔɡim kere. Bɑ sɑ̃ɑwɑ sɑkɑrɑ kowobu, mɑ bɑ weesu mɔ̀, bɑ tɔn kɔ̃sobu dɑm kɛ̃mɔ bu ku kɑ ben kom kɔ̃sum deri, mɑ nɑ be kpuro ɡɑrisi nɡe Sodomu kɑ Gomɔrɑn tɔmbu.

Yeremi 42:2

ɑ de ɑ nɔ ye sɑ nun bikiɑmɔ. A sun Gusunɔ kɑnɔ, bɛsɛ be sɑ tien sɔ̃, domi sɑ rɑɑ dɑbi, ɑdɑmɑ tɛ̃ sɑ kɑɑrɑ, nɡe mɛ ɑ wɑɑmɔ.

Yeremi 50:20

Yen domɑ te, bɑ koo Isirelibɑ kɑ Yudɑbɑn durum kɑsu bɑ kun wɑ, domi be, be bɑ tie mi, kon bu ben durum wɔkɑ.

Swĩi 3:22

Yerɑ, Yinni Gusunɔn durom kun kpɑ, win wɔnwɔndɑ kun mɑɑ nɔru kue.

Swĩi 4:6

Nɛn tɔmbun sɛɛyɑsiɑbu bu kpɑ̃, bu Sodomuɡibu kere, wuu ɡe Yinni Gusunɔ u kpeerɑsiɑ nɔni kpɑki teeru ɡoon nɔmɑ sɑri mi sɔɔ.

Esekiɛli 14:22

Adɑmɑ ɡɑbu bɑ koo tiɑrɑ kpɑ bu bu yɑrɑ wuun di, kpɑ bu bɛɛ deemɑ kpiki yeru mi. Sɑɑ ye sɔɔ, ì n ben dɑɑ kɑ ben kookoosu wɑ, biti kun mɑɑ bɛɛ mɔ̀ kɔ̃sɑ ye nɑ Yerusɑlɛmu kuɑn sɔ̃.

Esekiɛli 6:8

Adɑmɑ kon de bu kisirɑ tɑbun di, kpɑ bɑ n yɑrinɛ tem tukumɔ.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Hɑbɑkuku 3:2

U nɛɛ, Yinni Gusunɔ, nɑ nuɑ ye ɑ ɡeruɑ. Mɑ nɑ nɑndɑ. A de yu koorɑ wɔ̃ɔ sini sɔɔ. A de tɔmbu bu ye wɑ bɛsɛn wɑɑti yeni sɔɔ. Adɑmɑ wunɛn mɔru ye sɔɔ, ɑ yɑɑyo ɑ sun wɔnwɔndu kuɑ.

Sofoni 2:9

Yen sɔ̃nɑ wi, Gusunɔ Isirelibɑn Yinni, wi, wi u wɔllu kɑ tem mɔ, u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nɡe Sodomuɡibu, kpɑ Amɔnibɑ bu mɑɑ kɑm ko nɡe Gomɔrɑɡibu, ben tem mu yɑkɑ kɔ̃susu kpi, ǹ kun mɛ mu ɡɔsirɑ bɔru. Gɑ̃ɑnu kun mɑɑ kpiimɔ mi sere kɑ bɑɑdommɑɔ. Win tɔn be bɑ tie, bɑ koo Mɔɑbu be, kɑ Amɔni be wɔri bu ben yɑ̃nu ɡurɑ bu tem tubi di.

Mɑteu 7:14

Adɑmɑ swɑɑ ye yɑ dɔɔ wɑ̃ɑru sɔɔ yɑ sɛ̃, yen kɔnnɔ ɡɑ ǹ yɑsu. Bɑ ǹ mɑɑ dɑbi be bɑ ɡe wɑɑmɔ.

Romu 9:27

Mɑ Gusunɔn sɔmɔ Esɑi u nɔɔɡiru suɑ u ɡeruɑ Isirelibɑn sɔ̃ u nɛɛ, “Bɑɑ Isirelibɑ bɑ̀ n dɑbiɑ, nɡe nim wɔ̃kun yɑnim, ben sukum tɔnɑwɑ koo fɑɑbɑ wɑ.

Romu 9:29

N sɑ̃ɑwɑ nɡe mɛ Esɑi u rɑɑ ɡeruɑ u nɛɛ, “Gusunɔ, wɔllu kɑ tem Yinni ù kun dɑɑ sun bweseru tie, sɑ ko rɑɑ kowɑ nɡe Sodomu. Sɑ ko rɑɑ kɑ Gomɔrɑ weenɑ.”

Sɔ̃ɔsiru 29:23

Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ.

Piɛɛ II 2:6

U wuu si bɑ sokumɔ Sodomu kɑ Gomɔrɑ tɑɑrɛ wɛ̃ mɑ u su kɑm koosiɑ kɑ dɔ̃ɔ. Nɡe mɛyɑ su kuɑ yĩreru tɔn kɔ̃so be bɑ koo rɑ nɑn sɔ̃.

Kɑ̃siru 11:8

Ben ɡonu ko n kpĩ wuu bɔkɔ ɡen swɑɑ sɔɔ, wuu mi bɑ ben Yinni dɑ̃ɑ bunɑnɑru kpɑre. Wuu ɡen yĩsirɑ bɑ weenɑsinɑ kɑ Sodomu, ǹ kun mɛ kɑ Eɡibiti.