Esɑi 1:7 - Bibeli Gusunɔn Gari

⁷ Bɛɛn tem mu kuɑ bɑnsu. Mɛn wusu dɔ̃ɔ mwɑɑkirɑ. I tɔn tukobu mɛɛrɑ bɑ kɑ mɛn dĩɑnu ɡurɑ, bɑ ǹ ɡɑ̃ɑnu deri.

Esɑi 1:7 ပူးပေါင်းရင်းမြစ်များ

Bɑndun Gɑri II 28:5

Gusunɔ wi, Akɑsin Yinni u nùn Sirin sinɑ boko nɔmu bɛriɑ. Mɑ bɑ nùn kɑmiɑ bɑ win tɔn dɑbinu mwɛɛrɑ bɑ kɑ dɑ Dɑmɑsiɔ. Yen biru, Gusunɔ u mɑɑ nùn bɛri Isirelibɑn nɔmɑɔ. Mɑ Isireli be, bɑ nùn kɑmiɑ.

Womusu 107:34

Kpɑ u tem ɡem ɡɔsiɑ tem bɔruɡum mɛn tɔmbun nuku kɔ̃surun sɔ̃.

Womusu 107:39

Adɑmɑ ɡɑbu bɑ dɑbiru kɑɑre bɑ wɑ̃ɑ sekuru sɔɔ yèn sɔ̃ bɑ yoru dimɔ bɑ nɔni sɔ̃ɔre.

Womusu 109:11

Bèn dibu u nɛni, bu nɑ bu win yɑ̃nu kpuro ɡurɑ. Kpɑ tɔn tukobu bu win dukiɑ ɡurɑ.

Esɑi 1:8

Mɑ Yerusɑlɛmu yɑ tiɑrɑ ye tɔnɑ. Yɑ kɔ̃ɔre nɡe kuru resɛm ɡbɑɑrun suunu sɔɔ, ǹ kun mɛ, ɡberɔ. Yɑ yɔ̃ tom ye tɔnɑ nɡe wuu ɡe bɑ tɑbu bure bɑ doonɑ.

Esɑi 3:8

Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

Esɑi 34:9

Edɔmun nim mu koo ɡɔsirɑ kontɑɑ. Kpɑ yen tuɑ yu ko nɡe ɡbim. Kpɑ yen tem mu dɔ̃ɔ mwɑɑrɑ nɡe kontɑɑ.

Esɑi 49:19

Wunɛn tem mɛ bɑ rɑɑ wɔri bɑ sɑnkɑ, tɔmbɑ koo dɑbiɑ mɛ sɔɔ bɑ n bɑɑsinɛ. Be bɑ rɑɑ mɑɑ nun dɑm dimɔ, bɑ koo doonɑ n tomɑ.

Esɑi 5:17

Yɑ̃ɑnu nu koo yɑkɑsu di Yerusɑlɛmun bɑnsɔ nɡe nin kpɑrɑ yenɔ, kpɑ nin binu nu di nu bɔriɑ mi.

Esɑi 5:9

Wee ye Gusunɔ wɔllu kɑ tem Yinni u mɑn sɔ̃ɔwɑ. U nɛɛ, kɑm kɑm bɑ koo tɔn ben yɛnu dɑbi ni kpuro kɑm koosiɑ. Kpɑ ɡoo u kun mɑɑ wɑ̃ɑ yenu burɑ si sɔɔ, si su kpɑ̃ mi.

Esɑi 6:11

Mɑ nɑ nɛɛ, Yinni, sere sɑɑ yerɑ̀ yɑ ko n sɑ̃ɑ mɛ. Mɑ u mɑn wisɑ u nɛɛ, sere wuu sinin tɔmbu bɑ̀ n ɡbisukɑ, kpɑ su ko bɑnsu, kpɑ tem mɛ kpuro mu kɑm ko.

Esɑi 60:15

Wunɛ wi tɔmbu bɑ rɑɑ tusɑ bɑ deri, bɑ ku rɑ mɑɑ nɛ wunɛn mi, kon nun ko wuu burɔ sere kɑ bɑɑdommɑɔ, kpɑ ɑ n wunɛn tɔmbu nuku dobu wɛ̃ɛmɔ sere kɑ ben bibun bibɔ.

Esɑi 62:8

Nɛ, Yinni Gusunɔ, nɑ bɔ̃ruɑ kɑ nɛn dɑm, nɑ nɛɛ, nɑ ǹ mɑɑ wunɛn ɑlikɑmɑ yibɛrɛbɑ wɛ̃ɛmɔ bu di. Mɛyɑ sɔbu bɑ ǹ mɑɑ wunɛn tɑm nɔrumɔ, mɛ mu sɑ̃ɑ wunɛn sɔmburun ɑre.

Esɑi 64:10

Bɛsɛn sɑ̃ɑ yee burɑ dɛɛrɑ te, mi bɛsɛn sikɑdobɑ bɑ rɑ rɑɑ nun sɑ̃, tɑ dɔ̃ɔ mwɑɑrɑ. Gɑ̃ɑ ɡee ni sɑ mɑɑ mɔ kpuro, nu kɑm kuɑ.

Esɑi 9:18

Gusunɔ, wɔllu kɑ tem Yinnin mɔrun sɔ̃, tem mɛ, mu dɔ̃ɔ mwɑɑrɑ, mɑ mɛn tɔmbɑ dɔ̃ɔ diirɑ. Goo kun win winsim lɑɑkɑri mɔ̀ u sere nùn somi.

Esɑi 9:5

Domi bɑ koo sun bii tɔn durɔ mɑruɑ. Wiyɑ u koo ko bɛsɛn wiruɡii. Win tɔmɑrɑ, Bwisi kɛ̃ɔ bɛɛrɛɡii, kɑ Gusunɔ Dɑm kpuroɡii, kɑ Bɑɑbɑ wi u rɑ n wɑ̃ɑ, kɑ Bɔri yɛndun nuuru.

Yeremi 2:15

Wee bɑ bɛɛ kukirisi nɡe ɡbee sinɑnsu. Bɑ bɛɛn tem yɑ̃nu ɡurɑ, mɑ bɑ bɛɛn wusu dɔ̃ɔ mɛniki, ɡoo mɑɑ sɑri mi.

Yeremi 4:7

Yibɛrɛ be bɑ rɑ bwesenu kɑm koosie bɑ seewɑ ben wɑ̃ɑ yerun di nɡe ɡbee sunɔ ɡe ɡɑ tii dɛmiɑmɔ ɡen bweun di, bɑ wee bu kɑ tem mɛ kɑm koosiɑ. Bɛɛ Yudɑbɑ, bɑ koo bɛɛn wusu kɔsuku kpɑ su ko bɑnsu.

Yeremi 44:6

Mɑ nɑ kɑ bɛɛ mɔru kuɑ ɡem ɡem. Nɑ Yudɑn wusu kɑ Yerusɑlɛmun swɛɛ kpeerɑsiɑ mɑ ye kpuro yɑ kuɑ bɑnsu, nɡe mɛ i wɑɑmɔ ɡisɔ.

Yeremi 6:8

Ǹ n mɛn nɑ, bɛɛ Yerusɑlɛmuɡibu, i nɛn sɔ̃ɔsiru lɑɑkɑri koowo, kpɑ n ku rɑ nɛn tii ɡɑwɑ sɑɑ bɛɛn min di n bɛɛn tem kɑm koosiɑ.

Yeremi 7:34

Kon de Yerusɑlɛmu kɑ Yudɑbɑn wusu su mɑri sɔ̃ɔ sɔ̃ɔ, bɑ ǹ mɑɑ nuku dobun kuuki mɔ̀ wuu si sɔɔ. Mɛyɑ bɑ ǹ mɑɑ kurɔ kpɑɑrun womusu nɔɔmɔ mi. Domi tem mɛ, mu koo kowɑ bɑnsu.

Swĩi 5:2

Bɛsɛn tem mɛ ɑ sun wɛ̃ mu kuɑ ɡɑbuɡim. Tɔn tukobɑ bɑ wɑ̃ɑ bɛsɛn diɑɔ.

Esekiɛli 25:4

yen sɔ̃ tɛ̃, kon bu sɔ̃ɔ yɑri yeruɡibu nɔmu bɛriɑ, kpɑ bu ben kɑrɑbɑ ɡirɑ ben tem suunu sɔɔ, kpɑ bu ben wɑ̃ɑ yenu ko mi. Beyɑ bɑ koo ben dɑ̃ɑ mɑrum di kpɑ bu ben sɑbenun bom nɔ.

Esekiɛli 30:12

Kon de dɑɑ te bɑ mɔ̀ Nilun kɛri yi ɡberɑ kpɑ n Eɡibitin tem tɔn kɔ̃sobu nɔmu bɛriɑ. Tɔn tukobu bɑ koo nɑ bu ye kpuro kɑm koosiɑ. Nɛ, Yinni Gusunɔwɑ nɑ yeni ɡeruɑ.

Osee 7:9

Bwese tuku ni, nu bu dɑm mwɑɑrimɔ. Adɑmɑ bɑ ǹ yɛ̃ mɛ. Tɔkɔrɑ bu deemɑmɔwɑ, ɑdɑmɑ bɑ ǹ tubɑ.

Osee 8:7

Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Sɑ̃ɑrun Woodɑ 26:33

Kon de bu bɛɛ tɑbu wɔri kpɑ i yɑrinɑ i dɑ tem tukumɔ. Kpɑ bɛɛn wusu su ko bɑnsu.

Sɑ̃ɑrun Woodɑ 26:34

Sɑɑ yè sɔɔ i ko i n wɑ̃ɑ tem tukum mi, bɛɛn tem mɛ, mu koo wɛ̃rɑ, wɛ̃rɑ bi i ǹ dɑɑ mu wɛ̃ɛre.

Misee 5:11

Kon bɛɛn dobo doboɡibu ɡo. I ǹ mɑɑ ben dobo dobo wɑsi bɛɛn suunu sɔɔ.

Misee 6:13

Tɛ̃, nɑ sɔɔru kpɑ n kɑ bɛɛ sɛ̃suku bɛɛn durum sɔ̃, kpɑ i kɑm ko.

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.

Sɔ̃ɔsiru 28:43

Sɔɔ be bɑ wɑ̃ɑ bɛɛn suunu sɔɔ bɑ ko n dɑm mɔ̀ bɑ n dɔɔwɑ. Adɑmɑ bɛɛ, i ko i biru wurɑwɑ.

Sɔ̃ɔsiru 29:23

Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ.